¹ Omu lubaga lwe Israeli mwakaboneka abalêbi b'obunywesi, nkoku ninyu egarhi kinyu yashi bonekana abalimu b'obunywesi omw'ihwe bashilerha enyigirizo z'obunywesi, balahire Nnahano wabakulaga omubuja bacirhibukizé obuhanya. ² N'omukuhera kwabo bânji bâshibakulikira n'olugenzi l'okuli lugayaguzibwe erhi bobarhumire. ³ Okusima obungukebwabo, kwarhuma barheba bânji, balya obuhanya bwakulikîre kurhondera mîra, n'obusherêze burha hunîri enyanya zabo. ⁴ Erhi ankaba Nyamuzinda arhababaliraga ba Malahika bahemukaga, ci abahiva mpu baje omu mwizimya gw'ekuzimu, bali balinda okutwirwa olubanja; ⁵ Erhi ankaba arhababaliraga igulu lyamira ci ayokola Nowa wali wakali munani, wali mwigiriza w'okuli, omukawanzi alerhaga ecihonsi omwigulu ly'ebyaha; ⁶ Erhi ankaba ahanyire Sodoma na Gomura abahindula luvu, abajira lwiganyo oku banyankola maligo bayishi yisha. ⁷ Erhi ankaba acizize omushinhanya Lutu, omu burhe bunene agwerhekwabo bantu barhâshukiraga omu bushereze. ⁸ Bulya oyu muntu mushinganyanya walamaga omu karhi kabo, arhagwerhe murhula omu kubona amaligo bakagi kola buca buyira, ⁹ mulioko Nyakasane yene ayishi likuza abamuzigira omu marhangulo gabo, na banyankola amaligo omu'lusiku lokutwa olubanja, ¹⁰ Ci bwenene anahane bala bakulikira enyifinjo z'omubiri gwabo bagayaguse n'abarhegesi, balya bigiriza b'obunywesi bamarhwali n'obucibone,barharhinya oku gayaguza obukuze. ¹¹ Ciru ba Malahika, bobazibu na babuh ashe bunene barhankahaliza mpu bajacire ebyo biremwa b'irenge embere za Nyakasane. ¹² Cikone bohi kobayorha nka nsimba z'erubala za busirwe mpu zikazi gwarhwa n'okunigwa,iderha lyabo kuba kugazyaguzakugayaguza ebi barhamanyiri, bahererekeranomu buhwinja bwabo, ¹³ bahemberwa amaligo gabo. Banacishinga mushi kalengerere erhi baba bamahikiriza enyifinjo zabo mbi, babire bishembo, bibonesa nshonyi nkabali omu nshimanane zabo bagali kalonza oku bashngiza. ¹⁴ Amasu gabo gaba gayunjwire buhushi garhanahira kujira caha, banakahirika emirhima'erhaseziri, bantu bamirhima y'irala, bali bana babuheherere. ¹⁵ Erhi barhenga omu bushinganyanaya bakulikira enjira yolya Balamu mugala wa Beuri, ye wasimaga oluhembo lw'amani. ¹⁶ Ci atumuzibwa enyanya ly'amaligo gage: Punda orhaderha aderha nka muntu, amala ebi omulebi alimo. ¹⁷ Abao bantu gali maliba gaganyire nankakula olukungu luyehulwa n'empusi, Namahanganababikire omwizimya gwendunduli. ¹⁸ Banakasinga ebinwa by'obwibonyi binali bya buhwinja, banakakoles enyifinjo z'omubiri bakaolnza kugwarha balya bantu bazindi yemera. ¹⁹ Bakazi balaganya omurhula n'obo bone baba baja bangeso mbi, bulya ngasi'muguma aba muja wangasi omurhambwire. ²⁰ Okubundi, erhi anakaba omuntu arhenzire omu mashumi mabi, omukuyemera Nyakasane na muchunguziwirhu Yezu Kristu, acishubira enyuma, oborhere bwage bunabihe kulusha oburhanzi. ²¹ Bulua kwali kwinja kuli ye arhacimanye enjira yobushinganyanya, ahali hokuyimanya ashubi nayileka, kushimbana n'irhegeko limana ahabirse. ²² Agwarhwa n'omugani guderha mpu: '' Nyakabwa ashubiriraga ebishaliza ashalaga n'engulube yali yamashukwa yashubirira omwizinga.''