¹ Orhakalihioraga omushosi bwenene, cikone omurhamule nka sho. Orhamule abana b'emisole nka balumuna bawe. ² n'embuguma nka banyoko, n'abahya nka bali binyu erhi onagwerhe engersrezo nyinja bwenene. ³ Okakolesa abakana n'obuknge, bali balya banali bakana bokunali. ⁴ Ci erhi omukana ogwerhe abana erhi binjikulu, kukwnine burhanzi bayigirizibwe oku kombera omulala gwabo n'okuvuga ababusi babo omunkwa. Okwo ko kusimisa Nyamuzinda. ⁵ Omukazi oli mukana arhagwerhi ca kumurhabala, alangalire Nnamahanga arhanaleke okushenga n'okumuhuna oburhabale buca buyira. ⁶ Cikone omukana olamire omu masima Ernie akola afire, ciru ankaba azine. ⁷ Ebyo by'ogwasirwey obakengeze lyo barhag'iba ebyankarhuma baka baderhaderha. ⁸ Erhi ankaba omuntu arha rhabala bene wabo, na kulusha abomu manage yene, oyo alahire obwemere anakola mubi kulusha omupagani. ⁹ Orha yushulaga omukana aha mazino g'abakana gayandikirwa, nkaba erhi akola arhalusize myaka makumi galindarhu. Kandi, kukwanine abe arhasag'ija oku wundi mulume, abe erhi anajire irenge erhi, mikolo yage minja erhuma , abe wakumanyi let's abana bage bwinja, wakuyankirira bwinja abakagija aha mwage, abuli namanya emikolo minja yoshi. ¹¹ Cikone olahire okuhira bakana banahya aha mazino gabo gayandikirwa, bulya han'irala ly'okuyinjirwa libasukuma, banaleka Kristu. ¹² n'okuhinduka bagma obwo, bulya bamaleka cirya ciragane cabo cirhanzi bwoshi naye. ¹³ Nakulusha, barhozire obworhere bw'okuheza amango gabo omu Kuna aja omu n'omu, cikone ebicibiragi boys kulusha, bahindusire Bantu ba kulogoshera n'okubera amahwe n'oku kaderha derha ebirhabayerekiri. ¹⁴ Co cirhumire nsimire abakana banahya bayinjirwe, baburhe abana balange n'enyumpa zabo lyo barhagih'abashombanyi birhu igwarhiro lyo kurhuderhera kubi. ¹⁵ Bulya bakana baguma baguma barhenzire omunjira eshinganine, bashimbulira shetani. ¹⁶ Cikone erhi hankaba omukazi mwemezi ogwerhe abakane muli bene wabo, agwasirwe akabarhabala, arhalekeraga omuzigo oku murhwe gw'abakristu, ly'omurhwe guhasha okurhabala abkana bali buhumba kobinali. ¹⁷ Abagula balanzire abakristu bwinja bagwasirwe oku kamarha kabirhi ebi bakamarha, kulusha balya bacishwekerera oku mukolo gw'okuhanula n'ogw'okuyigiriza n'obushiru. ¹⁸ Bulya amandiko gadesire mpu: "Orhashwekaga ecimasha akanwa nka ciri ca hula engano." Kandi gadesire oku omukozi akwanine akamarhe. ¹⁹ Irhondo orhayemeraya olubanja badwirhe omugula nkalurhadwirhwi na bahamirizi babirhi erhi basharhu. ²⁰ Abajira ebyaha okabakalihira emalanga n'abantu bwoshi,lyo abandi nabo bayoboha. ²¹ Nkulahizize embere za Nnamahanga, n'embere za Kristu, n'embere za baganda bage bamalahika. Okayunva n'okujira okw'enyigirizo zidesire, omu kurhaba n'enzigirizi erhi kabolo. ²² Orhalambuliraga omuntu kw'amaboko duba duba omu kumuha ecikono c'omukolo gw'abemezi, onamanye wankashangira ebyaha bya bene. ²³ Orhacikagi nyw'amishi gone gone , okanywa idivayi lisungunu erhi endwala olwala omu lurholero erhuma. ²⁴ Hali abantu ebyaha byabo bibonekana embere batwirwe olubanja, haligi abandi ebyabo biyalagala enyuma. ²⁵ Ebijiro binja nabyo kubonekana bibonekana, n'ebiri kundi kundi birhankahash'iyorha biri bifulike.