¹ Yunvagi akanwa k'okuliz, erhi omuntu akacifinja okuba lingers wa bakristu, erhi mukolo mwinja acifinjire. ² Lungere as bakristu akwanine abe mwerukweru, abe erhi agwerhe mukazi muguma yene, abe walugero lwinja, abe wakugeroreza, abe anacikenzire, abe erhi anayankirire ebigolo bwinja, abe erhi ayishi yigiriza. ³ Arhabaga mulalwe, Arhabaga wa mbaka, cikone mutudu arhanabaga wa milongwe, arhanabaga magene ga byen'igulu. ⁴ Abe erhi abarhegesire enyumpa yage bwinja, analere n'abana bage omu bukenge n'omu borhere bwinja. ⁵ Bulya omuntu orhamanyiri rhegeka enyumpa yage, kanamanyi rhegeka omurhwe gw'abakristu? ⁶ Arhabaga mwemezi muhyahya, wakabona akola aja cibona ahirime mwo cirya caha Shetani naye ahirimaga mwo. ⁷ Akwanine aderherwe obuhamirizi bwinja n'abantu, lyo arhaki gayabuzibwa arhak'ija omu mirhego ya Shetani. ⁸ Abashemasi nabo, bakwanine babe bantu bakengwa,barhanabaga bakuderha kubirhi. Babe ba lugero omu kunywa, barhabaga bantu bakulonza bunguke bubi. ⁹ Bagwasirwe bakalanga ihwe ly'obwemere omu murhima gucire. ¹⁰ Bakwanine barhangi barhangula, nakaba ntaco bababwine kwo, bayemerwe omu mukolo gw'obushemasi. ¹¹ Bakabo nabo bagwasirwe babe ba bothers bwinja. Barhagwasirwi babe ba kalimi . Bagwasirwe babe balugero na bantu ba kucikubagirwa omu ngasi kantu. ¹² Omushemasi agwasirwe abe mulume wa mukazi muguma yene anagwasire abe muntu ohashire okurhegeka abana bage n'abahamwage bwinja. ¹³ Abashemasi bajijire omukolo gwabo bwinja, bakwanine bahabwe olukengwa, bagwerhe n'oluhya lw'okuderha n'oburhwali bwenene obw'ohwemere rhugwerhe omu kulungana haguma na Yezu Kristu. ¹⁴ Nkuyandikire okwo erhi nanangalire nti nayisha emwawe duba duba. ¹⁵ Cikone erhi nankayorha, nkabula bwakushimana duba, aga maruba gakumenyesa gurhi kukwanine okuyorha omu mulala tea Nnamahanga, kwo kuderha okw'omumurhwe gw'Abakristu gwa Nnamahanga ozine, yeba mutungo ye n'okuli kuyimangira kwo. Neci nta muntu wankalahira okwo. ¹⁶ Neci nta wamuntu wankalahira okwo, ihwe l'idini lirhu liba ihwe linene wani! "ayishire nka muntu. Muka mwimana amuyerekana okunali Na bamalaika bamubona. Ogwage gwayigirizibwe omu mbaga, Ayemerwa omw'igulu Anayinamulirwa e mpingu.