¹ Nie Polo , ntumwa ya Yezu Kristu okw'irhegeko lya Nnamahanga Muciza wirhu n'oku lya Yezu Kristu bulangalire bwirhu. ² Nkurhumire aga maruba wa Timoteyo, mugala wani w'okuli omu bwemere. Mashi olukogo n'okubabalirwa ebyaha n'omurhula gwa Nnamahanga Larha na Nyakasane Yezu kristu bibe haguma na nawe. ³ Nka kulya nakubwirag erhi nja e Makedonia, oberage e Efeso. Eyo munda eri abantu bakayigiriza enyigirizo z'obunywesi, kukwanine obahanze okujira ntyo. ⁴ Obahanze baleke oku kaligolola ogw'endibi baleke n'okukarhondobola emyanzi erha gwerhi nda na mugongo y'emimo ya bashakuluza, ebyo byo bibalerhera akadali, birhakolesibwa omulugero l'obucize bwa Nnamahanga bumanyikane omu bwemere. ⁵ Eryo irhegeko lilonza okulerha obuzigire burhenga omu murhima mwinja n'omu ntimanya nyinja n'omu bwemere bw'okunali. ⁶ Hali abalesire eyo njira baherera omukadali k'obungolongolo. ⁷ Bwo balya balonza okuba bashamuka b'ihano lya Nyamuzinda , nobwo barha manyiri bone ebi badwirhe baderha n'ebi badwirhe bahamiriza. ⁸ Rhuyishi okw'amarhegeko gabaminja nka gakolesibwe nk'oku binakwanine. ⁹ Rhukwanine rhumanye bwinja bwinja okw'amarhegeko lirhajirirwa abajira aminja, Cikone lijirirwa abakola amabi, n'abantu, n'abemirhima mini, n'abantu haha, n'abantu Nnamahanga n'abemirhima akanatu kimana, n'abantu b'ishe erhi ba Nina, n'abisi ba bantu, ¹⁰ n'abajira eby'enshonyi, n'abalume nisi erhi bakazi bajana nyumpa n'abarhimbula abaja, n'abanywesi, nisi erhi abalahira abira, erhi abajira ngasi cindi cijiro coshi cirhashimbiri okw'enyigirizo z'okuli zidesire. ¹¹ Ezo nyigirizo ziba omu myanzi y'Akalsmbe n'ahirwe, n'eyo myanzi eyerekire Nnamahanga w'obulangashane na was kuvugwa omunkwa. ¹² Nvuzire Yezu kristu omunkwa bulya ampire emisi njira mw'omukolo. Mmuvuzire omunkwa bulya acinikubagire erhi acinishoga mpu mmukolere, ¹³ ciru akaba mira nakagi muderha kubi, nakamulibuza n'okumujaciza. Cikone Nnamahanga ambabalire bulya erhi nkajira ebyo ntalijiyemera, n'ebyo nakagijira ntali bimanyire. ¹⁴ Nyakasane ambulagira kwo olukogo lwage, ampa obwemere n'obuzigire rhwahabagwa omu bulangale na Yezu Kristu. ¹⁵ Yunvagi akanwa k'okuli, kanakwanine kayankirirwe n'abantu bwoshi, Yezu Kristu ajire en'igulu mpu ayishi cungul'abanya byaha, nie munyabyaha mukulu mili bo, ¹⁶ Cikone kwo kwarhumire Nnamahanga anfa bwonjo okwo, ali alonzize Yezu Kristu ayerekene muli nie, munyabyaha mukulu, obulembedu bwage mpu lube lwiganyo lokuyeresa balya banamuyemere n'okuyankirira obuzine bw'ensiku namango. ¹⁷ Mwami w'emyakula, Nyamubaho, Ntaboneka na Nyamuzinda muguma, ahabwe olukengwa n'irenge ensiku n'amango! bibe ntyo. ¹⁸ Mwana wani Timoteyo, nkurhegesire nti oshimbe ebinwa by'obulebi bwa Nnamahanga, birya byaderhagwa mira erhi we rhuma. Ocishwekere kuli ebyo binwa ly'olwa entambala nyinja. ¹⁹ Olange obwemere olange n'entimanya nyinja. Hali abalahire okuyunva entimanya zabo bone, na ntyo kwo basherezize mwo obwemere bwabo. ²⁰ Muli bo, muli Himeneyo na Alegizandre, bo nahaga shetani nti lyo irhondo barhacishub'ilogorhera Nnamahanga.