¹ Amango esabato egera, Maria Magdalena, Mariya nyina wa Yakobo na Salome, bagula amavurha gw'okugenda kushiga Yesu. ² Olusiku lurhanzi lw'eboso,baj'okushinda, emiseke, ey'ezuba lyalonza shoshoka. ³ Bachidosa: nde wajirhukulira lila bal'okushinda? ⁴ Hanaho, Omukuziba n'okuzibula, balangir'ebale lyahiningwirwe. ⁵ Baj'omushinda kulola ahabamuhambaga, bahindamuka okumalyo gabo, babona hali omusole rhabana oyambere omushangi g'omweru, bagwarhwa n'obuba. ⁶ Ababwira: Murhayubahaga,yimwalonza Yesu w'Enazareti, olala wahanagwa chungulo, njafukire, arhachiri hano, mulole ahabamuhambaga. ⁷ Mugende mubwire abegirizwa bage haguma na Petro okwabarhangire Egalilaya nko kw'ababwiraga. ⁸ Barheng'okushinda bagaluka. Obuba n'omusisi gwagwarhabo; na ntakugala kuderha n'omuntu kugerera n'okudirhimana. ⁹ Yesu afuka esezi y'olusiku lurhanzi lw'eboso, abonekana burhanzi na Maria we Magadalena, olala afumyaga bazimu mushanvu. ¹⁰ Agenda kubahekera omwazi gwinja balala bali haguma naye,bali chibishire n'okulaka. ¹¹ Omukashanji bayunvaga mpw'aliho, anamubwene, barhayemeraga. ¹² Ahabuzinda, abonekana, okulind'ishusho, kubabiri babalala bigirizwa bage baliri omunjira y'okuj'omuchishagala. ¹³ Bagalukire,babwira ababo,balala barhalizi yemera. ¹⁴ Okubuzinda, abonekana kubalal' ekumi n'amuguma, eyi bali balya, n'okubakalihira omukubul'obwemere n'obuzibu bw' emirhima yabo, okurhayemera abamubonag'okwafukire. ¹⁵ Ashubi babwira: Mugende omugulu lyoshi, muyigirize abantu boshi. ¹⁶ Owakayemera abatizwe n'owakalahir' ahanwe. ¹⁷ Mulol'ebisomeze, byakaz'ikulikira abanyemerere: Okuzino lyani, bak'ikukula abazimu n'okuderh'enderho zihyahya. ¹⁸ Bakazi kugwarh'enjoka, eyibakanywa ebibi by'okuyirha ntako byakanabajira, bakazi lambul'amaboko okubalwala, n'abalwala bnafuma. ¹⁹ Nahano, amalire kubabwwira, agend'omuchalega, nokujiyikala okukuboko kwa malyo ga Nyamuzinda. ²⁰ Banagenda, kuyigiriza omugulu lyoshi: Nahano akolaga haguma nabo, n'okubamenyesa omwazi kugerera ebisomezwe bya kasi bakulikira.