¹ Omurhondero gw'emyazi ya Yesu kristu,mwene Nyamuzinda. Nkoku byay'andikagwa n'omulebi Isaya: ² lolaga okuntumire Entumwa emwenyu y'okurhegany'enjira. ³ Omulenge gw'omuntu gw'ayamira omumpinga: Murhegany'enjira ya Nahano ,muharule ahagera. ⁴ Yohana ahulukira omumpinga, ayigiriza okudubikwa k'okuchihana n'okuleka ebyaha . ⁵ Echihugo choshi ch'Eyudeya n'abantu boshi b'Eyerusalema bamushegerera,n'o kuchihana ebyaha,n'okudubikwa naye omulwinji lw'Eyorodani. ⁶ Yohana aliyambere omushangi gw'oboya bw'endogomi n'omukaba gw'oluhu omumpindi. Alemag'alya enzige n'obuchi bw'elubala. ⁷ Yohana ayigiriza,aderha: Oku enyuma zani hayinja owindi ogwerh'emisi kundusha.Ntakagala kuyinama okushwekula omugozi gw'Echirato chage. ⁸ Nyono nabadubikire omu menji s'aliko olinyuma zani abadubika oku Muka mweru. ⁹ Ago mango Yesu ayinja e Nazareti ye Galilaya abatizwa na Yohana omulwinji lwe Yorodani. ¹⁰ Ely'arhenga omumenji, abona empingu zachinguka Muka gwa Nyamuzinda amuyandagalira nka nguku, ¹¹ omulenge gwayunvikana kurheng'empingu : we Mwana wani nsima wunchivugira. ¹² Honaho Muka gwa Nyamuzinda amuhek' omumpinga . ¹³ Ajira mu siku makumi mane, arhangulwa na Lyangombe; aliri haguma n'eby'elubala na ba Malaika balema bamukolera . ¹⁴ Enyuma ly'okushwekwa kwa Yohana, Yesu aj'e Galilaya kuyigiriza omwazi gwa Namahanga. ¹⁵ Abwira abantu : Muchihane, munayemere omwazi g'omurhula bulala agasanzi kagerere n'obwami bwa Nyamuzinda buli hofi . ¹⁶ Yesu abere agera eburhambi bw'enyanja ye Galilaya , abona Simoni na Andreya b'enkulikirane ; eyi bali barhega bulala baliri bashana . ¹⁷ Ababwira : munkulikire na bajira bashana b'abantu . ¹⁸ Honaho baleka emilaga yabo , bamukulikira . ¹⁹ Bajir'embere hityu babona Yakobo na Yohana bene Zebedayo bali n'eshe , bali omubwarho banali bahangula Emilaga . ²⁰ Abahamagal'ababwira mpu munkulikire ,honaho baleka eshe nabakozi bage bakulikira Yesu . ²¹ Aja omuchihugo che Kaperanaumu , n'olusiku lwe Sabato aja omuchishagala ayigiriza . ²² Boshi basomerwa okw'alyayigiriza nka muntu w'obuhashe , arhali nka bandisi . ²³ Omu chishagala chabo mwali omuntu olimwabazimu ; ayama aderha mpu : ²⁴ bichi rhwafa nawe Yesu we Nazareti ? oyinjire kurhulibuza ? Menyere ok'oli muchesi wa Nyamuzinda . ²⁵ Yesu amukalihira , amubwira : sira orhenge m'oyu muntu . ²⁶ Ogo muka mubi gwarhenga m'oyo muntu . Gwamuchundachunda bwenene , ayama okumulenge gunene . ²⁷ Boshi baja m'oboba , badosana mpu by'ebichi bi ? nyigirizo zihyahya ! Lyakolesa oburhwali chiro n' okumyuka mibi ! Kurhega olo lusiku bamukenga . ²⁸ Okumenyikana kwage kwayenera omu bishagala byoshi by'e Galilaya . ²⁹ Arhengere omu chishagala, agenda yewe na Yakobo na Yohana emwa Simoni na Andreya . ³⁰ Nazala wa Simoni alilyamire n'eshushira linene . Honaho bajibwira Yesu . ³¹ Na Yesu ager' aho amuzusa , amufarha efune , honaho eshushira lya mulika naye abakolera . ³² Egolo, ezuba lizika ,bamulerhera abalwala banene n'abantu balimw'abazimu. ³³ Abantu bamwecho chishagala bayunjulirana oku lunvi. ³⁴ Afumy'abantu balilwalire n'okuhiga abazimu. Arhazigaga baderha bulala alibayinji. ³⁵ Esezisezi , azuka miseke, ajihunira omumpinga. ³⁶ Simoni n'ababo barhangira kumushonda . ³⁷ Babere bamubugana, bamubwira: Waliha abantu yibakushonda. ³⁸ Naye ababwira rhugend' ahandi, nji yigirizayo bulala enyanya lyokola checharhumaga narhengayo. ³⁹ Nantyo ayigiriza omubishagala byoshi bye Galilaya n'okuhig'abazimu. ⁴⁰ Omubenzibenzi aj'emwage afukama amubwira: Waliha nka wakashonda wananfumya. ⁴¹ Yesu okulukogo amulambulira okuboko aderha; nshondere ofume . ⁴² Honaho ebibenzi byamulika abamwerukweru. ⁴³ Yesu amukul'aho amulahiza bwenene , ⁴⁴ omenye orhabwira omuntu yeshiyeshi; aliko ogende ochiyerekane emw'Omudahwa mukulu, onarhul'entulo yokufuma kwawe nkakula Musa abiyandikaga, bube buhamirizi okubo. ⁴⁵ Oyu muntu abere agenda, arhondera okubiderha n'omulenge gunene , n'okubishambalir'abantu. Byarhuma Yesu arhachija omubishagala oku mugarogaro. Yesu ajibera eburhambi, Omumpinga . Abantu balema bamubugana kurhenga eyi neyi.