¹ Entambala n'okulwa omukagarhi kenyu yi byarhenga ngahe? Arhali omunyifinjo zenyu zibi ze zili zajir'entambala omubirumbu byenyu? ² Yimwachifija na ntacho muherhe. Yimwa yirha n'okuba n'obongwa okubimurhankabona. Yi mwajir'entambala n'okulwa na ntacho mwabona bula murhahuna Nyamuzinda. ³ Munahuna murhanahabwa bula munahuna kubi, omukulonza okurhabalwa omunyifinjo zenyu zibi. ⁴ Bahushi nk'okumuli! murhamenyere ok'okasima ebyegulu wanaba muntu mubi embere za Nyamuzinda? Owalonza okuba mwira w'egulu anaba mushombanyi wa Nyamuzinda. ⁵ Changwa mumenyere okw'amandiko gaderhere busha? oku Nyamuzinda asima bwenen'Omuka arhuhere. ⁶ Aliko Nyamuzinda anarhuha lukogo lunene, chechirhumir'amandiko gaderhere: Nyamuzinda arhonvana n'abanya burhe, aliko, abirhonzi anahabo olukogo. ⁷ Mukenge Nyamuzinda, mugayaguze Lyagombe naye abalibirha. ⁸ Mushegerere Nyamuzinda, naye abashegerera. Muchese efune zenyu, mulibanya byaha. Muchese n'emirima Yenyu ndyalya. ⁹ Mube omuburhe, muchivebe, n'okulaka! muhindamule amasheka genyu okuba malira n'obushagaluke bwenyu okuba burhe. ¹⁰ Muchiyandagaz'embere za Nahano, naye abazamula. ¹¹ Bene berhu, Mumenye mwaderhana mwenine ku mwenine. Olala waderha mwene wabo kubi, changw'achire mwene wabo olubanja, aderhere ebirhalolere amarhegeko, anachirir'amarhegeko ga Nyamuzind'olubanja. Eyiwakachir'amarhegek'olubanja, orhakengere amarhegeko, aliko wamachijirir'olubanja. ¹² Muguma ye han'amarhegeko yena mucha w'emanja, Nyamuzinda, yenyine yi wakachungula yi wakanahana. Woyo olinde w'okuhana mwalungwe wawe? ¹³ Oyunvirize wederha."Zene changw'omusezi nji rhwaj'omu chishagala, rhwamala y'omwaka, rhwachuruza n'okubon'obunguke." ¹⁴ Nd'omenyere ebyakayinj'omusezi n'akalamo kawe karhola bulyo buchi? Muli nkalwakungu lwana chiyerekana omukasanzi kageke kandi lwanahera. ¹⁵ Mwakaderhere okwindi: "nka Nahano akayemera Rhukalama, Rhwakanajirri'echi na chilira." ¹⁶ Aliko kandi yi mwachishinga omumajambere genyu, omwibono gwenyu guli gubi. ¹⁷ Olal'oyinji kujir'amenja arhanagajira, ajirir'echaha.