¹ Kristu arhushwekwire okurhube bashwekulwa Ntyo lero muyimange omukuli murhashuba kugaluka omu mugozi g'obuja. ² Mulole mbabwirire, nyono Paulo, eyi mwakachikembulisa, ntacho Kristu abarhabalamo. ³ Ndi nashuba kubwira buli mutu yeshi wakachikembulisa, okwa shinganene kukola erhegeko lyoshi. ⁴ Muli hale na Kristu. mweshi muli kulonza kucheswa oku rhegeko. mwaherere n'okurhenga omu lukogo. ⁵ Bulala rhwabo rhugwerhe omunihiro g'okuli omu njira y'obwemere. ⁶ Bulala omu Kristu Yesu, oku kembulwa ntacho kumalire, changwa okurhakembulwa; s'alik'obwemere bukola akasi omu buzigire. ⁷ Mwalibirhaga bwinja: Nde wababuzize kukenga okuli? ⁸ Oko kulahizwa kurharhengene n'olala w'abahamagalaga. ⁹ Chibolo chityu chinaboza akarhanda koshi. ¹⁰ Mperh'omunihiro ku mwabo emwa Nawerhu, oku murhaba n'ogwindi murhima. S'aliko buli yeshi nji wabagayisa nj'ahek'obuhanya bwage yenyine. ¹¹ Beneberhu, eyi nani nakayigiriza eyi myazi y'okukembulwa, chakarhuma ndi nalibuzwa kugera buno? Natyo omugayo gw'empamiko gwahwere! ¹² Mpemere balaboshi babalibuza mwabo bachilahir'emibiri yabo. ¹³ Bulala, beneberhu, mwahamagerwe mube bashekulwa, alik'obo bushwekulwe burhabarhumaga mwakulikir'eby'omubiri, s'aliko murhabalane omu buzigire. ¹⁴ Bulal'erhegeko lyoshi lishwekerwe na mwazi muguma gon'ogu: osim'owenyu nk'okochisima wenyine. ¹⁵ Aliko eyi mwakalumana n'okulyana baguma na bandi, mulole bwinja mumenye mwaka rhindibuzanya. ¹⁶ Mbabwirire lero: Mulambagire nka b'Omuka changwa murhajirag'eby'omubiri. ¹⁷ Bulala omubiri gujira enyifinjo zirhali nkaza muka, na muka nay'ajira ezirhali nka zamubiri baherh'oluhali ahagarhi kabo chechirhuma murhajir'ebimulonzeze. ¹⁸ Nka makalongolwa n'omuka murhankaba eshishi wa marhegeko. ¹⁹ N'obo ebijiro by'omubiri bibonekene: by'ebi; obuhushi, obumaguza, kuderh'ebyeshonyi. ²⁰ Okuchikumba okurhereker'abazimu, obukurungu, obushombanyi, entabala, obwagalwa, oburhe, akajinya, entonganyi, olugomo, okuchifinja, ²¹ obulalu, obudanbi n'ebiri nk'ebyo embere nababwira nkakula nabaga nababwirire okw'abajir'ebiri nk'ebyo barhakaja omu bwami bwa Nyamuzinda. ²² Aliko amalehe g'Omuka bulibusime, bushagaluke, murhula, kukomerera, obwinja, murhima gwinja, obonjo, obuyemere. ²³ Obutudu okuchigerera; enyanya lyebirintya ntarhegeko. ²⁴ N'abo abali ba Kristu Yesu barhindibwize omubiri haguma n'eganiza zago zibi n'enyifinjo zago. ²⁵ Rhukalama oku Muka rhulambagire nk'abanya Muka. ²⁶ Rhurha chikuzaga busha rhwahalangana n'okuyagalirw'aberhu.