¹ Kukwanene nchikuze...okola kurhali kwinja, nayinja kugerera omu kubonekerwa n'omu bibonekezi bya Nahano. ² Menyere muntu muguma muli Kristu waliriho, hamagera myaka ekumi nene, alihekerw'omu mpingu ya kasharhu, akaba kwali kugerer'omu mubiri gwage ntamenyere nkaba kurhali kugerera enyuma y'omubiri ntamenyere, Nyakasani yemenyere. ³ Namenyere ok'oyo muntu, nkaba kwali kugerer'omu mubiri gwage, changwa, arhali omu mubiri ntamenyere, Nyakasani yemenyere. ⁴ Ahekwa omu Paradizo ayunv'ebinwa bisomezwe bilala nta muntu wali kwanene abiderhe. ⁵ Nji nachikuza, nka muntu oli nk'oyo , s'aliko nyenyine ntakachikuza enyanya z'obulema bwani. ⁶ Bulala, eyinakalonza ku chih'enkunga ntakaba muhwinja bulala nakaderha okuli, s'aliko, echimbuzize yiharhajira omuntu wakaderh'enyanya zani binwa binene kulusha bilal'abwene mu nyono, changwa kulush'eby'ayunvirhe kunyono. ⁷ Yintagwarhwa n'omwibono y'obulenga bunene omu mafunuliro ngwerhe, yintachibona nahabirw'omushaki omu mubiri gwani, Malayika mubi wa Lyangombe angerereze yi ntachibona . ⁸ Kasharhu nahunire Nahano mpu, ampimire obo buhanya ; ⁹ ambwira mpu: obonjo bwani buyener'emund'oli, bulala obuhashe bwani bwajirikan'omubuzamba. Nyechishingire bwenene n'obulonza b'obuzamba bwani. Y'obuhashe bwa kristo buba enyanya zani. ¹⁰ Bulala echo chechirhuma nchishing'omubuzamba bwani, omu kudukwa, omu kubulirwa, omu malibuko, omu mpanya enyanya za Kristo, bulala muli Kristo mundi muzamba, kandi munamperh'emisi. ¹¹ Namaba muhwinja, mwe mwarhumire, bulala ntacho nalibulirw'omu ntumwa zikulu chirw'akaba ntali wakamaro. ¹² Ebyemezo by'oburhumwa bwani byachiyerekene ahagarhi kenyu, omu kulembera ngasi chemezo chiyerekene empanulo n'ebisomezo. ¹³ Omubichi mwantaberemo changwa mwajirir'eshishi y'ezindi nshegero, bulala ntalibalemerere oku kantu koshi; mumbabalire k'obo bubi. ¹⁴ Talag'okubwagasharhu buno, nchirheganyize kuj'emwenyu, ntakanabalemerera oku kantu koshi, bulala birhali bintu byenyu ndonzeze, s'aliko mundonzeze. Bulala arhali abana bobabikir'ababusi enguli s'alik'ababusi babika enguli enyanya z'abana babo. ¹⁵ Nyono nanjir'eshololo enyanya zani nyenine n'enyanya z'emirhima yenyu, omu kubasima nani nsimwe nenyu? ¹⁶ Nakaba ntali balemerere ! s'aliko nka muntu mwenge nabagwarhir'omu bwenge. ¹⁷ Nka nabwen'obunguk'emunda muli, kugerer'oku bantu narhumag' emunda muli? ¹⁸ Na rhumire Tito emwenyu, haguma n'owindi mwenewerhu, ka Tito hali akantu abahemer'oku misi? ka rhwalambagiraga mw'ezola ntambo zenezo? ¹⁹ Ka kandi muganizize oku rhwabalahire? Rhuderher'embere za Nyamuzinda omu Kristu. S'aliko emyazi yoshi bazigirwa eri enyanya z'okubayumbaka. ²⁰ Bulala nyubahire, chirw'amango nayinja, nji ntababuganaga nk'oku ndonzize mbabugane na chiro nabonekana emwenyu arhali nk'oku mulonziz'oku bona; nta buganag'obushombanyi, obongwa, oburhe, obuhaka, obukomezi, Obuchibone, n'olwamo; ²¹ Nani amango nashubi yinja Nyamuzinda wani nj'antohya embere zenyu, Ndakire banene bagomere mira, nachiro barhahungamaga enyanya ly'ezinga, N'obuhushi n'enyifinjo zibi bajirire.