¹ Okubuzinda, beneberhu, bulala mwayunvirh'enyanya zerhu gurhe mwakagala kurhambula nokusimisa Nyamuzinda, nokwebyola muherhe mwakola, rhubahemere rhunabaher'okuzino lya Nahano Yesu oku mulambagire kuderha mpu yimuj'embere. ² Muyinji bwinja marhegeko machi swamuher' okuzina lya Nahano Yesu. ³ Echi nyamuzinda alonzeze, muhindamuke bakechesibwa; mulek'ebyeshoni. ⁴ Ngasi muguma mu mwewe amenye langa omubiri gwage omuchesibwa n' omubukenge, ⁵ Arhali echihe chenyifinjo ebihire, nkabantu barhamanyire Nyanuzinda; ⁶ Kw'ebyo harhagiraga owasirhaza mwenewabo n'okumujira kubi, bula nahano anachiholera kwebyo byoshi, nkula rhamubwiraga swana nakuhaniriza. ⁷ Birhali bya shonyi Nyamuzind'arhuhamagalirag, aliko bu chesibwa. ⁸ Na ntyo wagay'amo marhegeko, ey'arhali muntu agayire, s'aliko Nyamuzinda yenine, wamuhaga omuka gwage gu chesibwa. ⁹ Oku biyereker'obuzigire, nta bulagirire mugwerhe bw'oku yandikirwa bula kuba Nyamuzinda yenine wa muyigirizag'oku zigirana mwenine n'oku bandi; ¹⁰ Nakumunayorha mujirira bene werhu boshi b'omu Makedoniya yoshi. Aliko rhubahemere mwe bene berhu bwenene na bwenene. ¹¹ Muchihangane oku chisa bufi bwenene n'okujir'emyazi yenyu mwenine n'oku kola omu fune zenyu, nka kula rhwabarhegekaga, ¹² okujir'oku mulambagire n'obukenge embere z'abal'embuga, kandi mu menye mwakagwarha enyifinjo z'omuntu. ¹³ Bene berhu,rhurhalonza muhab'emyazi ya bafire, murhagayaga nka bala bandi barhagwerh'obulangalire. ¹⁴ Akaba rhu yemerer'oku Yesu afire anafuka, ntyo kwa bafire mu Yesu nabo banayij'iba : Nyamuzinda ye baheke naye. ¹⁵ Bulala rhuba bwirire mwabo inty'oku mwazi gwa Nahan'oku bulala rhwabano rhuchiri bagumaguma, n'abalamya kuger'amango Nahan'agaluka rhu rhakarhang'abafire. ¹⁶ Bulala Nahano yinja yandagala kurheng'empingu n'omulenge gunene na gwa malayika mukulu, haguma n'eholere lya Nyamuzinda: Na bafire muli Yesu banafuka burhanzi. ¹⁷ Buzinda rhwerhuchiri bagumaguma, rhuchiriho njirhwazamulwa omu chalega haguma nabo kushimanana na Nahan'omu chalega na ntyo rhwelame haguma na Nahano n'esiku zoshi. ¹⁸ Mukazi rhulirizanya n'eyo myazi.