¹ Maili ya n'su kakolo-kolo, Mbali na kula mo Kapelenauma. ² Ke ibamba emo ya bato ya sungana bena asima boso ya molango ya kamba ko engamesa bo wa ena nabo looki. ³ Bato na ko luleya we na mopki wa mao owa webileke na bato bana. ⁴ Bowa itaengamanga bo na ko bakameya we mo isina ya n'nguma ya bato, bakandowa okate ya lumba asima a ikanga we, ke ba selelesa mo molondo si owo itanda si eya moto wa ko pka mao wa lamanga. ⁵ Mbali mo ko mona kowakowa kabo, na ko ena moto wa ko pka mao mbele:"Mana ane, ko beya kabe kameselekake". ⁶ A ikangai aowo na baandeki bamo, si ba ikanga moo, ke ba eneena n'nkati n'nkati wabo mbele:" ⁷ Oni boyaeli ono yo ko ena moto si oono boono? Ikai ophfendo. Nani weengane na ko mesela ko beya m'mba iteike omune Mokonga? ⁸ Mbali na ko eba kabeyo beyo ko mosombo ya maa maengeleanga bo n'nkati ya bo we na ko ena nabo mbele:"Bondiya tchei ika bane na toengeleo si eto ko metema ino? ⁹ Tchei tche talale mo ko ena mopki wa mao mbele:"Imana, biya itanda yabe ke wiye? ¹⁰ N'ndi mo isina ya ko ebesa ambele Mana moto uka na tchekamba tcha komesela ko beya. " ¹¹ Na esake owe isosa, we na ko ena na mopki mao, imana, biya itanda yabe, ke yaa mo lumba ya be. ¹² Ke mo n'nyanga si eeyo, we na ko imana, na ko biya itanda yande, ke wena koomoka boso wa bato boose, mo isina mbe boose ba ikangai mo kosangala na kolombesa Mokonga, na ko ena mbele titi namoni moabito bondi okitaka si oono. ¹³ Mbali na koomoka ephfe mo bila iyaba. n'nguma ya bato na kula kowakande ke wa fundisa bo. ¹⁴ Mo koeta, ke we na ko mona Levi, mana Aliphfi, ambele uka ase asima ya kolipesa mandjandja. Wa ena nande mbele onda noo. Levi na ko imana, na koonda we. ¹⁵ Bowa Mbali wa ikanga mo mesa mo lumba ya Lewi, bakongoi ba mandjandja na bato ba beyaeli ba beya, na ko ika nande asima amo o mesa na baeki bande; bondiya ba ikangai babuwa si baa baondanga we. ¹⁶ Baandeki na ba Falisayo na ko mona ambele o kowanga na bakongoi ba mandjandja na bato ba beyaeli ba beya, na ko ena na baeki bande mbele : "Bondiya tchei yo koanga we na bakongoi ba mandjandja na bato ba beyaeli ba beya beya?" ¹⁷ Mo ko n'ngba boobo, Mbali na ko ena na bo mbele:"Yo buande bato ba bosasui bika na n'nkasa ya monganga, n'ndi bato ba n'nso. N'ntile ane koeta baa bengame, n'ndi bati ba ko beya". ¹⁸ Baeki ba Yoani na ba Falisayo ba kandangai buwa koanga. Ke bala ko ena na Mbali mbele:"Bondiya tchei baeki ba Yoani na ba Falisayo bekande buwa koanga; n'ndi baeki babe bito okandanga abo buwa koanga moleli? ¹⁹ Mbali na ko sumboleya bo mbele :"Masau ma amo wa isongi beengame na ko kanda mabele amoome wa isongi uka nabo? Mo n'nyanga si eeya amoome wa isongi uka nabo, biteengame abo na ko kanda. ²⁰ Mo n'nsu si eya yekala abowa amoome wa isongi wekatokeya bo, mo n'nyanga si eyoi ekakanda bo. ²¹ Moto uto osowanga ande monuku ya n'ntulu ya m'mbesi mo ikpende ya n'ntulu ya boso; mo isina si, monuku ya n'ntulu ya m'mbesi yo okpatowai n'ntulu ya boso. Ke molondo si yo ko emai iboka. ²² Ke moto uto otanga ande malu maeneeke n'nkati ya kobole ka boso: mo boobo malu mao balangane si beongo ke malu na tobole maseyama; n'ndi efowei kota malu maeneeka mo tobole ta m'mbesi. ²³ Ke na kula botu omo ya sabato, owa Mbali wa bukanyesanga maba ma tokutu, baeki bande moondo ke ba pkatowa touma. ²⁴ Ba Falisayo na ko ena nand mbele: "Mona, bondiya tchei yoota bo eya yeekeleke koteleka mo botu ya sabato e?" ²⁵ Mbali Mbali na ko sumboleya bo mbele :"Bita bandanga mono eya yatanga Dawiti, abowa ya ikanga we mo bokambe na n'ndja, we na baa si ba baikanga nande; ²⁶ boni ya n'ngeyanga we mo lumba ya Mokonga, mo n'nyanga ya mobundi mophfe wa mafaefi Abiatala, ke wa anga mokati si owa itaengamanga na baphfe koanga ke wa abeya anga baa ba ikanga nande?" ²⁷ Ke we na ko ena nabo mbe sabato wa telekangai mo isina moto ke buwa moto mo isina ya sabato. ²⁸ Mo isina mbe Mana Moto ukai bena Mokota ya Sabato.