¹ Na bobo owe, mana ane, aike na mekuwa n'kati ya gbegbele a Mbali Klisto. ² eyawe waubgake kua kane mo mboka ya batondoli ba buwa, esayo mo maako ma bato ba foa, babo bengame na koebesa baphe. ³ Obunde nusu a obaba wabe sawasawa na sola wa fao wa Mbali Klisto. ⁴ Salasi uku na esa, uto koetana etana maoki mo maondi man'su na n'su mondi afuraishée owa waetake we omekambo; ⁵ nani okia obeyo mo kokoma oso, utopata ndem'po ya bokota alina aishimia eya ika. ⁶ Efai na moleki kota boso na kokonyoa tauma. ⁷ Eba eyaokoena noo, mba Mokolo okoes owe akili no besima bose. ⁸ Enyeka Mbali Klisto, Owa botekake mocthebanda tcha Daudi, waimokake o bakgbi, na bobo ika mesao masali yane, ⁹ mo isina bondi noo tesekeka bena kokandeka imba moto a beya. Ndi looki a Mokong éte kandeke ande. ¹⁰ Na bobo nota na mekuwa mondi a basoneki, bondia isina yabe kae kopata kaonda eya ika kati ya Mbali Klisto, na okuku ya laya laya. ¹¹ Looki si ono ukai liti: aikamba takba sawasawa nande, ke tokaikai nande pali omo; ¹² imba takanda metema, tokailela kae nande; imba taibeya we, ye kae okaibei ase; ¹³ imba takosa kaimana na liti, we uka na liti, mondi a we mune utoweza nde kaibeya. ¹⁴ kumbuka maondi si mamo, n kota tele boso na Mokonga, baeki kobotesana o maoki, mauwa na isi na yo kobiya bangbi mo koseyama. ¹⁵ Ta mekuwa yoose owe mune mo koimana boso ya Mokonga mba moto utengame n kangba n'soni moti a mekambo wa engame, ono okoena mo tcha looki ya liti. ¹⁶ Eka maondi ma bule ma koesa lokendi; mondi a okosesi bato wakati a kosombola, ke maoki mabo yofunyafunya imba m'mpota ya taina. ¹⁷ Umenai, na Filete baikangai bobo, ¹⁸ babaomokake mo mboka ya liti, mo koena mbe kaimoka kalake, na koyimbola koakoa ka ophe bato. ¹⁹ Bato, n'nsina ya mekuwa ya Mokonga yaimanake, na maondi si ma mande eya ebunde Baalama: mokolo weli babande na beya. ²⁰ Kti ya lumba ya ema, yauwa nde lika kopho ya wolo na bigboma, yokaikai ya mbao na ya n'nseke; ephe iki ba kopho ba okuku, na baphe eno maondi mauwa na isina. ²¹ Imba moto atchunga mobe ande, eno kophesana na besima si ebo, okaika kophoya okuku, ye phenene, mo isina ya mokolo wande, na maondi moose ma foa. ²² Eka tchebebe tca iyanuke, na phana liti, na koakaa, na moboto, nabi na baebose bolitosa mokolo na motema ya foa. ²³ Eka maoki ma bule na makose isina, mondi a mbele y'okomoli lokendi, ²⁴ na bobo itengame ane na molondai awa mokolo kaika na lokendi; akaikai na motema wa eya ka moto ose, na koengame na komoesa, na koeyesa motema, ²⁵ koekesa bo mo kaokooke babo beseke owe, na kota maenyeli ka Mokonga okaesai bo mekuwa mo kotimbola metema mondi a kokoma mo koika mo koyeba liti; ²⁶ mo inyanga, ya kosumboka ko maenyeli ma foa, bo toesai toteo ta Setani, eya ekande bo mo kota mekambo yande.