¹ Tatekulu yovikonde veavelei notyinamwenyo ngetyi mwakungunyika okuti muna tatekulu yenyi keulu. ² Endeiko tyakwatesa nomalikwambelo nokuyunga nokuundapela otyali. ³ likwambelei momuwo watyo auho opo nonthwe etuikulile omapito onsaka opo tupopia omahuviso akristu aa okwandjikisa. ⁴ Iya likwambelei opo ame ndjipopie etyi tyimoneka ngetyi ndjipondola okutyilinga. ⁵ Endei nounongo mokati kavana vokuli kondje omuwo watyo auho nawa. ⁶ Onondaka mbenyi mbukale apeho ononamwenyo nokupepa ngo mongwa, iya omono nawa ongeni upondola okutavela wike wike ⁷ Titiku memukungunyikisa ovipuka viatyo aviho monthilo yange, oe ondenge yetu omululikwa oe mwendesi movilinga via tatekulu. ⁸ Ame nemutuma opo onwe mukungunyike etyi onthwe tukahi opo nae atuliye omitima vienyi. ⁹ Oe kumwe na Onesimo ondenge yetu nae ontyolwe, iya omukwatyili ovo mavemukwatesako atyiho etyi tyikahi nokulingwa pano. ¹⁰ Aristarco oe nae wonkhalelo yange yokwaikwa umukukunya ngetyi una Marco tyepwa tya Bernabe una oku mwatambulile ounongo ine weya nae mutambulei. ¹¹ Iya Yesu wokwaihanenwe okuti omunamwenyo, ovatyuumbo ovo vakwateseko vala movilinga viouhamba wahuku, iya ovo vslinga etuliyo lyange ¹² Epafra omuundapi wa Yesu kristu una wokwatyitwa monthwe umukukunya aprho nokulwa nokulikwambela opo onwe mulifuilepo ngetyi apanga Huku. ¹³ Ame ndjimbangi yotyo okuti muundapa unene tyapama opo onwe Valaudiceia novoko Hierapolis. ¹⁴ Lucas omutomi onthyolwe nahuku wemukukunya. ¹⁵ Kukunyei onondenge mbetu mbetu mbokolaudiceia nooko Koninfa nongeleiya yokuli meumbo lyove. ¹⁶ Omukanda oou nga watangelwa poonwe, iya outangelwa vali mongeleya yovalaudiceia iya ngwe noove otyimonomwe okuti watangwa omukanda wokolaudiceia. ¹⁷ Popilei Arquipo atale momahuviso atambula kutatekuluopo efuisepo. ¹⁸ Omakukunyo aa okomafa ange ame Paulo hinangelei omakumba ange, otyali tyikale nonwe.