¹ Pa etana Obaja. Ne hinnawe li, ina maromba Allah tubana Edom. Yam, me mareng, ngi awali barra. na Morri. Na ia ata papatuka a, pangindi ne,e dongada bangsa - bangsa " kededa, mainda kata kende papatau dengngadi ne hida!" Mori napa newe denga, wi Edom. ² " Mba deku kongge, yowa kurai'gu yo'u muki'ina newe donga da bangsa- bangsa, mono newe yo'u ata aka nisika langutakawu. ³ Newe panewe bodomu nyawe apa ngade do'u. Yo'u adangngi ne donga togo watu, pando'u danngngi wa'imu amadeta. Newe yo'u napa newe ate danamu, " garrani a'paburruga yauwa ne'e ponnu tanah?. Edom a'paburruni. ⁴ Laka hin'nakopo yo'u mba lerapama detana bapa tudana keila raja wali, laka hin'nakopo mba bondalagowe ne redetamu ne dongada ngarrada madubbu a'nggaina, awali nemme you'wa kupaburrugu, patekina Morri . ⁵ Nyaka ne mbana dukki kowe gede ata kadu angu ata kabukuta a'mai barramu, ne yo'u modda bamo ! peina ne hida n'da keduki sodikina? Nyaka mba ma'iko mbrramu mba oppu'ka uwa anggur, ne hida nda ng,gai dundi mono nda wagodundi pa oppu,danya! ⁶ Natetakawe dudadina Esau needi paelleda, do'nda paburrida awega -awegawi ⁷ Dukki ne wate dana yowa awolawu ngarra kua ole banimu, ne yo'u a'panangngawu, ataluwu hida kadua-kadua mu. Hida angaagudi kababamu ataugo ira ne toumu. ⁸ Nda nyakiwe neti lodona," hinnawe li'ina Morri, ne yau'wa ku padeedi ngarra ata amanakata awali Edom, mono apangedang'ge awali letena padouna Esau. ⁹ Ngarra ata bani, ta oda,nda madautakana, ng'gai ngarra kua ate nee letena pan'douna Esau a'pamoda'i mbapa matewi. ¹⁰ Orro dona we, mbapa wasuna oro angunguamu, Yakub. Pamake denga we mba burri kong'ge newe yo'u, mono newe yo'u enga pande'e dang'gu murri wali-morri wali. ¹¹ Ne a'palodona yo'u mu dede marrowu, taka hida ngarra ata eka akeketawi poteda Yerusalem, mono ata-ata eka atamang'ge ne binna kalada, mono betina undi ne'e poununa, newe yo'u laitoka natudawe ia ata awali barra da. ¹² Dapa radaka kawa angu nguamu na lodo pamaula weki denga da. N'daka lada ate nenga kangge ne mba burru wali Yehuda ne lodo apa ba'ana. Ndana kalada kangge ngadamu ne lodo nda duwa. ¹³ Nda tamakana ne bina kalada da ana allimu ne lodo a'bokala. Ndu eta kawe ne mbana lawarre we nepa podda da ne lodo nda duwa. Nda lumu kadi poteda, na lodo nda duwa. ¹⁴ Nda dede kana nee kadonga larra ng'gai kapa modda wi ngarra kua ate nda wena poda mono nda ya'akai ata apa sela wekina ne lodo ndapa madikira denga . ¹⁵ Mba deku kong'ge, napa mbarra bana lodona Morri tubada ngarra kuada bangsa. Hinna kaido neti pa'raimu, nya kaido pa'raida mbarramu nepa raimu enga kaballekanawe mbana ria'kawe nee ponu katowamu. ¹⁶ Mba deku takka kong'ge, natubawe yemmi mba enu ne ponu lada kana a'matua, ngarra kuada bangsa enga enu pakitada. Ne hidda enu taka a'mangangnguta, mono ne hida yo'nda wai memakinadi. ¹⁷ Mba hinna ko ne letena sion wa'idi ata wenna podda. Ne lete nyawe pa'ndou amaringngina, mono ngarra kua pa'walina Yakub a'ma'ndii balin'di tana douda. ¹⁸ Ngarra kuada pawalina Yakub a'ngindi api taka ngarra kuada pawalina Yusuf a ngindi malao api mono ngarra kuada pawalina Esau angindi unu kua. Ne hidda atunuwi mono apa koboladi. Ne pawalida Esau nda'i panguki ia ata paka lokkoda orrona,Morri dowa a tekkiwe. ¹⁹ Ngarra ata a'neena tana Negeb ado'udi letena Esau, ngarra ata a'neena wanno letena hida a'madiige tana ata filistin. Hidda a'madiige wanno Efraim mono wanno Samaria, mono kabisu Benyamin hida a ' torrage wanno Gilead. ²⁰ Ngarra ata Israel pakeketada wali pa'ndou paleto wai'nda ndi a ndo'udi tana ata Kanaan a'duki Zarfat, mono ngarra ata Yerusalem pakeketada awali pa'ndou paletoda wai'nda'ndi a'waiina Zarfat, hida ndouge tana Negeb. ²¹ Ngarra kuada a'gatadi hida penne ne letena Sion, nggai kana paniba do'uge letena Esau nyaka nya'a ndona Mori a'mboto nee Sangadigu.