KABALA APAWODDA NGARAKUAWI HIDDA OMA ¹ Li’ina Maromba Allah a ammina barrana Yoel anana Petuel: ² Rengngewe, ne Yemmi pa limma pawaigu, etawe, ne yemmi amadiige ne wanno! Na dadiba nea hidda ³ Tekkiwe barrada anamu, monno anamu a tekki kaiwe barrada anada hidda, monno hidda anada a tekkiwe barrada wolla uada mba nemme. ⁴ Appawe nepa gaida kabala pakippura monno pa gaida kabala a dikki. Appa pagaida kabala a dikki, a ngaadi kabala koudaka. Monno, appawe nepa gaida kabala koudaka, a ngaage hidda kabala panawita. ⁵ Kedemi, ne yemmi a enu kindora, monno ngiomi. Kalangngomi ne yemmi ngara kua a enu wee kindora orona ne wee kindora a baru, apamoddabawe wali ngada ndanamu. ⁶ Orona, ne ia bangsa ammige a lawage ne wannogu, monno dapa bisaki mba kirawi luada. Hidda ngunduda hidda wai ngunduda singa, monno hidda ulleda hidda wai ullada mbi singa. ⁷ Naraigai na wasu angguragu mbana mate dede, monno na wasu aragu mbana mbata. Na wika neka litana, mbage na lettoge; na dukkiwe hidda karaana mbakakana. HIDDA ATA MBALAGE A NGIO ⁸ Hinna waiwe na mbua winne mbakalangngomi akaborowe wekkina a waige kaba orona naka mbani pabeina nebana bo’upo. ⁹ Hidda maraka monno hidda maraka payana a moddabana wali ne sangadina Maromba Allah. Millami ne yemmi a ngindiwe ne liina Marombah Allah. ¹⁰ Oma a muabana, tana na millabawe, orona hidda pare apa modda mbawi. Uada anggura amarokota, monno ne wee lengi yodipo. ¹¹ a makke, mbana ata manairo monno ata pawilli ne oma anggura, hidda wulli pare daimbadi, pakeni ne omandana a moddabana. ¹² hidda wasu anggura amarokotambana, monno hidda wasu ara a mawola. Wasu delima, monno wasu kurama monno wasu apel, ngarakuda wasu ne omandana amarokotambana. A hinna takkana, nela woiwara na mawolawe ne tilluda ana ata pia. ¹³ pawenna ge kaba pakaboro monno ngiomi ata papatukana Maromba Allah, ngiomi ne yemmi ata ngindi li’i. tamami monno tadda dengngage ne kaba gasu , ne yemmi ata papawedena Maromba Allahgu, orona mba pattu mba wali sangadina Maromba Allahmu hidda maraka monno maraka payamu. NAMA NDAWU LETO ORONDA HIDDA KABALA ¹⁴ Mawettiu wali ngaa enu, kawulage ne loddo paimmbona a mbia, pakuadi ngara kuada ata a louka papande kyia. Monno ngarakuada ama diige ne tana wanno barrana sangadina Maromba Allahmu. ¹⁵ na loddo,na tukke mbana na lodona Maromba Allah a wali barrana a Mboto Bibbita. ¹⁶ Da nyakiwe ne aromata, mbapa dee hidda pangaa, ne ma nunna mawewera a wali sangadina Maromba Allahda. ¹⁷ Ngarakuada togoda ama rokkota ne tanah ndana, ne padou pama bondalawaida naka marage. Ngara kuada kapetlada aka pettidi orona ne pare nama marokkota mbawe. ¹⁸ ama marou karemba hidda ranga, monno ama tallara hidda sapi, orona daibana oma pama noppa waida. Monno, simbi, bebe a kolana karoduka. ¹⁹ Ne barra-Mu Maromba Allah kuka wula kuka dengnga, orona ne api na tunnuba ne oma ruta ne rabana gurun, ne wegara api na tunnu pakarradi hidda wasu omadana. ²⁰ Monno hidda raga ama rou kareba barra-Mu orona ne wee uppu-uppu loka a marabana, monno ne api na tunnu pakarra bag enema redda padawa wai raga ne rabana gurun.