¹ Na Yusuf dana pattu wekki bana. Nya kanna ngngi'o ne aro matada hida ata wa'ina ne'e. Nyaka hinna ngge Yusuf, Patuka ngara kuadi hidda ata kaeruna wali newe, "Nyaka ngara kuada ata ka ndundakage ne pandou. Nyaka nyakidu anguana Yusuf a dangngi ne mbarra Yusuf. Nyaka na Yusuf napa lara kuwa ngge lara palina barrada anguana. ² Na Yusuf naka wika bana ngngio nyaka renge kuaba ata mesir adangngi ummana Firaun. Nyaka hinna ngge patekkina barrada anguana, "Yauwa dona Yusuf anguami. Peina na amagu na tolekapo? hinna mowe, hidda anguana nda wale kiwe oro nawe ba kadandaka ba mandautai Yusuf. ⁴ nyakka hinnage Yusuf barrada anguana, tukkemi barragu nyakka hindda anguana wudi atukke barana Yusuf, mono hinnage yauadona anguami Yusuf pabattami pa wai atada ne tana Mesir ⁵ Neba hinna dipa ngedda dommo kage ba peina bi batta ngga Yauwa ne tana Mesir. Na Maromba Alla nyadona hapa ulluwaga yauwa newe baku pawilli ngge pa toleka dengnga. ⁶ Oro nawe banna kedde bawe kareba duada ndouna netana newe monno amme dommo poge nea limma ndouna ata danna jadiba todaka ngarra hatti patodaka monno ndaiba hama keni. ⁷ Nyaka na Maromba Allah banna tukka ngga yauwa newe nggai nagu kaku pakakowe ne toleka umma katonga paka robba dengnga neponnu tana monno toleka dukki walli murri. ⁸ Nyaka nyawe ne binna ne'e, inda yemmi ki ha happa ngindingga yauwa newe, takka na Maromba Alla nya. monno Nya dona happa dadi kuwa ngge monno nyaka na Firaun banna dappa panggai ama ngga monno yongngu mori umma ngga, lappata ba ata pareta ngga ngara kuwa tana mesir. ⁹ Nyaka hinna ngge Yusuf, "ngettanami nggi bi kako mbarrana Ama. Limmi ngge mbarrana , Na'i anamu Yusuf hinna ngge patekkiwe: Na Maromba Allah nappa dadi bangga ba yauwa Gubernur ngarra kuwa tana mesir. monno kanna ngettana ba ammewi ne mbarra nggu. ¹⁰ Kanna dangi wa'i ne mbarra nggu tana Gosyen. Wou, anamu, ngara kua umbumu monno rangamu ka ngindi kuwai neme. ¹¹ Dukki ne ba ne'i minggi ne tana Gosyen kupa genna kua mengge pakalana dengngami malla ba amme dommo poddo ngge ne kareba ha limma ndouna. Wou monno ole katonga dana mu monno ngara kuwa atami nda kareba ki.' ¹² Ne binna ne'e, ne yemmi monno Benyamin eta douba ne ngadagu bah nyawe happa newe mbarra ngara kuwami. ¹³ Nyaka, tekkina mbarrana ama nggu ba peinawe ne mboto nggu pa deiba bagu ha wali tana mesir. Tekkina mbarrana ngara kuwa pa etami newe. Ne binna ne'e ngettana ka dekewa na'i ama nginndiwa neme." ¹⁴ Kadukkiwe ngge, Yusuf kanna wapowa Benyamin anguana ka ne'i kuandi ne ata duada a ngi'o ¹⁵ Na Yusuf na ngngi'o monno na dekki kuwai hidda anguana. lengnge napa hinna ngge wuddi kapa newe dngngawi. ¹⁶ Lengngenapa pande ngge Firaun monno Ngara kuwa ata pappa wedena hidda anguwana Yusuf ba wa'i ndi, nyaka Firaun kanna sennango langngu takka. ¹⁷ Nyaka hinna ngge pa tekkina Firaun barrana Yusuf, "Tekki dawe hiddi anguwamu ngga'i ka dede ngara kuwai pa nga'a wukku napa nginndida nggai ka kako tana kanaan. ¹⁸ Pa na'uwi ngga'i ka ngindiwa na'i amamu monno ngara kuwa ole dadina ka ngindiwi neme mbarra nggu. Yauwa ku yandi tana ha ndua ne mesir ne mbarramu nggai ka dangngi. monno ole dadimu ngga'i ka ngaa ngge ngaa ha ndua dounda newe." ¹⁹ Neba hinnawe, ne yauwa kupa tuka nggu, Yusuf, ngga'i ku tekkiwe mbarra da hidda: dekke wadeka kareta ha ndua wali tana Mesir ha tubai ana monno minnemi, monno ngindiwa amami neme. ²⁰ Di taukai ate hidda douda pa ngga'ida lappata ngara kuwa. ngara nea ndua ne tana Mesir enga doudumudi.." ²¹ Nyaka, ana - ana Israel kadeku kuwa ngge papa na'u dandi, na Yusuf kanna yadi kareta na deku ngge nepa tekki nai Firaun. monno na Yusuf na yadi pa ngaada hitti lara dana ba kako. ²² Nyaka na yadi anguana kalambe iya pasang ia ata. Takka na Benyamin na yawi limma pasang kalambe monno na ya dommowi touda ngau kabikka omma kaka. ²³ Yusuf napa ngindidi hakambullu keledai ha ngindiwi ngawu ha ndua wali tana Mesir. Hidda ha kambullu be'i keledai ha ngindi pare, kababa monno panga'a eka barrana amana ne ba banna kakowi lara sangga tana Mesir. ²⁴ Bage, na Yusuf kanna patauwi anguwana , bage ne ba kako na Yusuf napa na'uwi mbarrada," ndipa taukanna hiti lara dana." ²⁵ Nyaka hidda ha dunda kangge Mesir monno ha kako mbarra amada ne tana kanaan. ²⁶ Ka hidda ngge mbarrana' " ama, na Yusuf na tolekapo! monno Nia Gubernur ndukkana tana Mesir." takka, na amada na kamaddi ngindiwe oro badanna waindi. ²⁷ Bangge, nebapa dukki ngge ngara kuwa patekkina Yusuf barrana. Bage na Yakub banna etawi kareta papa ngidina Yusuf barrana ba kanna waindi bana kako mesir, pawessi tolekana na Yakub na kedde baliwe. ²⁸ Nyaka hinna ngge Yakub, " anagu Yusuf na tolekapo! Enga kako nggu baku dukkiwi ne badakku matepo!"