¹ Adam nappa ia ndengngawi Hawa, na ole ummana, nya kanna pati'a na ole ummana mbage napa anawi na Kain. Hinnangge, "Oro manawarranna na Maromba Allah ku kole na ana kabani." Murrinangga Hawa napa ana pi'a ndommo wi allikanna Kain nappa ngarawi Habel. Na Habel ata ndawa rangawa, takka na Kain ata tau omawa. Kawungnga Pamate Ata ³ Appa ia loddona Kain na ngindi wi i' omana papa'nggai marakanna mbarranna Mori, ⁴ na Habel hinna kaina na elle tawwi ranga pakarawana a ndua mpongngu monno a morru mpongngu, na Mori na ndeimbawi haida marakanna Habel, ⁵ takkana Kain indakki. Bani lolo mbanna Kain ne mata laito na ndanna ndua ponggkkye. ⁶ Na, Mori na tuawa na Kain, " appa ku mbani wu? Monno, ne matamu ndanna singir mponggukiye? ⁷ Mu rai dongge a ndua, ndai ki a nda ndeibawu. Takka mu rai koge a ndengga, ne a ndengga na rema ngngu, ne salah enggange barramu takka engga pa atemu." ⁸ Murrinage, Kahinnage Kain barra Habel barra alikana, haida pa allikana pa ka'ana a kako netti marek'da dana nbage na Kain napa pa mate wa allikana. ⁹ Mori na tuwa wa Kain, " ngewi Habel allikamu?" Na Kain nawalewe, " dakku pandekiwi. Yowa jaganya ?". ¹⁰ Takka, Na Mori na walewa, " Appawe parawimu? rak'ana allikamu na toma nbarragu wali ponnu tanah. ¹¹ Mbahinna nek'e, Mu melidommokona wali ponnu tanah ama wukke a deiba we rak'a na allikamu wali limma detamu. ¹² Mu pawilli kongge tanah ndanna 'nda'ndi monno ndanna timbu ke ne a timbu. Mu pangaina ata kasasara monno ata a nanggana netti ponnu tanah." ¹³ Mbage, hinnage Kain mbarra Mori, na boto ponnguwe pa toddu monno pandeitogu. Mu wuddakowaga wali ne tananggu ne loddo ka bumni bago yowa wali mbarra matamu. Nangga bago monno ngarra ko wa takbokawaga pa mate badaga." ¹⁵ Nyaka, Hinnage Mori barra na Kain, " indahinnake ! garra ku apa mate wa Kain ne Yowa dona atauge tangana pittu wunda." Murrinage, Mori na yawi tada kadakkana ata appa pa matewa Kain langgo kappo a takboka ata. Ndu'nda'ndi na Kain ¹⁶ Nyaka, hetti Kain wali arona Mori, monno nyaka enga wai'ni ne tanah Nod, balina ne Timur Eden. ¹⁷ Kain napa i'a dengga wi mawinne na, nya kanna pa'tia monno kanna pa ndandi wi Henokh. Kain napa kedde we ia wanno kanna pa ngara a hinna wa'ina ngara anana "Henokh", ¹⁸ Ananai Henokh, na ndadi Irad. Irad amanai Mehuyael. Mehuyael ananai Metusael. Monno Metusael amanai Lamekh. ¹⁹ Lamekh a dwada mawinnena, a i'ya ngarana Ada, monno na i'ya ngarana Zila. ²⁰ Ada nappa ndadi wi Yabal, ina kaweda ngara kuawana ata a danggi ne'e kareka dana monno a toleka wak'i wali karawa ranga. ²¹ Ndudadi na nya Yubal, umbu a'i bana ngarra kuwa ata a pande pama dungga monno po'wi. ²² Zila napa anakai Tubal - Kain, umbu a'i bada ata apande pa tukku be'i. Ngara na wottona Tubal- Kain, Naama. ²³ Lamekh napanewe mbarra olle ummana a 'nduanda, "Ada monno Zila, rengngengga ne patekkinggu! Yemmi mawinne na Lamekh, rengngeangga! Ku pamate mbana i'a ata orona napapakaroddukangga ategu, Ata a mbo'u powwa orona karoddukangga ategu. ²⁴ Wak'ikugu a papamte wa Kain pittu kapotta ponna ba tauna tangana, nyako barra Lamekh pittu kabullu pittu kapotta pongge!" Ana ndommo nda Adam monno Hawa ²⁵ Adam nappa iya 'ndeng'ngawi mawinnena, nya kanna 'nda'ndi ia ana kambanina nappa pangarawi Set orona Hawa hinnangge, " Maromba Allah na ya pi'a mbangga ana eka mbar'ragu. Na Kain napa mate mba Habel, takka mbahinna ne'e wa'i mbai Set." ²⁶ Na Set wa'i kai ana kambani papa ngarrana Enos. Netti pona mulai mbana ata mba tabayya mbarrana Mori