¹ Ngang le mówóng le Jisas efet le kól sentu yóm Lanaw Galili bè benwu yó kem tau Girasin. ² Timbow le dmuung bè kilil, omin Jisas kmó ete kebu. Tódô senlong yóm sotu tau wen busaw malak du lemwót bè yó kem kilib gónó lembeng. ³ Són bè yó gónóhen gel nô nim tau ni. Laen kô dù tau gembek mefét du, baluen ke kedina. ⁴ Deng dê dulék le ne kemdina sigelen netihen, ewenem tódô gotu bkas yóm kedina le du. Laen kô dù tau gembek mafas du. ⁵ Tódô senflósen kedaw ne kifu tendo mógów sembeweg gu lem blóng yó kem lebeng ne gu lem bulul. Tódô gel hendlaen lemangat, lelen gel migad du bè knóen yó kem botu telem efet hnalì. ⁶ Bè yóm ktonen ke Jisas, hanà tolo mayuk béléen. Yó nmoen, tódô kendel mlóy ebéléen na amtud bukol bè soluhen, ⁷ ne ominen tódô hendlà lemangat, monen, “Ó Jisas, yóm hol Ngà yóm Dwata tey mefasang bè kedéen. Tedu hendufem béléu nidu? Smafai do bè Dwata kun kela tnafakemdo ni.” ⁸ Yó gónón mon du nim ni, abay se deng eles mudél Jisas ebè yóm busaw, monen mò du, “Mdóhi béléen.” ⁹ Ne snólók Jisas yóm busaw, monen, “Tedu deboluyem?” Bnalaen se, monen, “Yó dou boluy ‘Genged’ abay se tey mewen.” ¹⁰ Tódô henlelen hkodu bè Jisas anì là hdóhen kul bè yóm benwu yó. ¹¹ Bè yóm kdaw yó, kulel se keswól le talak bilil yó kem tey sdô wen, uma kóm geblà klayu ken bélê le. ¹² Yó henkodu le bè Jisas yó kem busaw, mon le, “Yake bè yó dé kem sdô tuu gónóm e hfusek kum.” ¹³ Tahu se, hlus Jisas lu. Ne tódô tebel yó kem busaw yóm tau yó koni, ne husek le ebè tu kem sdô. Kewót le se kul yó kem tey sdô wen, dô limu libu kwen le, gotu le sedlu mlóy mosol ebè tube kebu yóm lanaw, ne gotu le gekmó elemen, ne tódô le gotu lemneb yóm kdê le. ¹⁴ Kewót le se kul yó kem tau gel semgyok yó kem sdô, tódô le gotu lemwót mlóy ebè yóm benwu moni bè yó ne ebè yó kem dumu tau gmónô hmilol na le e tulón kul yóm deng ton le. Mung kungol ledu, tó dô le sguku etu na le e hnénég yó kem deng tulón lekul. ¹⁵ Timbow le kol bè Jisas, tódô ton le se yóm tau tehe kewadag busaw malak du myón le lohok Jisas. Deng bud lemsek nes, ne deng bud hyu kehedemen. Ya tey sidek klikò le yó kem tau sguku ebèyó yó. ¹⁶ Yó kem tau mton du yóm deng nmò Jisas bè yóm tau tehe wen busaw malak du yó, bud lu se fen alìtmulón du bè yó kem dumu tau. Netulón le snéen yóm kmò kton leyó kem sdô. ¹⁷ Lemwót yó kem tau bèyó, henkodu le bè Jisas anì tnagaken yóm benwu le. Tahu se, lemwót le Jisas. ¹⁸ Bè yóm kotunen elem ówóng, tey kehkoduhen bè Jisas yóm tau tehe wen busaw malak du anì tô mungkul. ¹⁹ Okóm là kô hen móyô Jisas du, mem monen mò du, “Tódói mulék ne ebè yó kem fes lówóhem. Tulónem kul yóm tey deng nmoen béléen yóm gónóhem mogot ne yóm tey kkoduhen kóm.” ²⁰ Tahu se, mulék yóm tau yó. Tódô lengeben bè klamangen yóm benwu boluyen Sfolò Benwu gónón e tmulón du yóm deng nmò Jisas béléen. Ya tey kehtaw le du yó kem tau gel mungol du. ²¹ Bud lemwót le Jisas bèyó, mówóng le mulék efatu lanaw. Bèyóm bud kduung le, ya tey tau wen bud sembung kul bèyó bè kilil lanaw. ²² Ne wen sotu tau sut bè Jisas, boluyen Jarus, tau wen glalen bè yóm kul gónô stifun bè yó. Bè yóm ktonen ke Jisas, tódô na amtud bukol bè soluhen, ²³ ya tey kehkoduhen béléen, monen,“Ó Sér, tey leed desen yóm ngau libun. Holi mung dou bè gónóu nem ennok dou anì tódô mkó tum desen, ne anì bud mowil.” ²⁴ Ne tahu se, mung du Jisas, nelel yó kem teytau wen tendo seklot mung du. ²⁵ Wen sotu libun gemnóm des tenbalung gbool bèyó kem tey tau wen huli ke Jisas. Deng sfolò lewu halayen gemnóm du yóm desen. ²⁶ Deng dê duléken negel hebulung bè duktur, botong gotu filaken, ewenem là kóen mekó yóm desen, deng mem temnù. ²⁷ Deng gel gungolen yóm nmò Jisas, yó gónón tódô sebool bèyó kem tey tau wen hulidu. ²⁸ Yó hendemen, “Baluen keolohu medù nesen, yakem tódô mekó nim desu.” ²⁹ Tahu se, nen e gedù nes Jisas, ne tódô segeng se keko kyóm litô tendo gu béléen, negnómen seyóm deng keheyuhen. ³⁰ Unin mdù du, tódô gnóm Jisas seyóm kwenktued hkó des lemwót gu béléen. Ominen binguy etekwangen, monen, “Tau du mdù nesu nikoni?” ³¹ Ne mudél seyó kem gel lemolò du, mon le, “Ilóem là tonem du kô yó du kem tau seklot hmilol kóm yóe? Tlek kóm tô semólók ketau du mdù nesem.” ³² Okóm là kóen mekó kebel Jisas du mata yóm tau mdù ne senyó. ³³ Ne tódô tengón yó sem libun, ebéléen gónón egbakyóm mon Jisas yó. Tódô setbol kekelen lemwót bèyóm tey klikoen, ne e tódô mtud bukol bèsolu Jisas. Gotu benkas tulónen du yóm ketahuhen. ³⁴ Mon Jisas se mò du,“Yó ne, Lenibun, bè yóm kehetahuhem béléu, yó se gónón mekó yóm desem. Tu ne, muléki.Dwata he henek nawahem. Laen dù bud sfuhen neyóm desem.” ³⁵ Yóm igò Jisas tolo stulón bèyóm libunyó, wentau sut bèyó lemwót bè gónô Jarus, nemon lemò ke Jarus, “Là bud gafitem du ne ngaem. Bêkuy dog bud hnalaneJisas.” ³⁶ Okóm ke Jisas, làdog kenmónen du yóm mon leyó, olon mon du mò ke Jarus, “Béem hetafa nawahem. Tódô henlelem yóm ksaligem do.” ³⁷ Kewót Jisasbèyó, tek són Pitér neJim netwolihen Jan nwiten, là nwitenkul yó kem dumu tau. ³⁸ Bèyóm kkól leditu bè gónô Jarus, tódô glo le tey dêtau hebnes bè yó, lenangagleyóm ngàdeng matay, ne tey sidek kkik le. ³⁹ Omin Jisas husek elem gónô, monen mò yó kemtau bèyó, “Mò ye kat hebnes nidu? Tedu kat nkik ye ni? Là kóen matay yóm ngà, olon tungô.” ⁴⁰ Deng mem henkéng le Jisas yó kem tau yó. Omin Jisas gotu hewà ku, tek són màyóm ngà ne yéen neyó kem telu tau gel lemolò du newiten elem tum dfél gónón nô yóm ngà. ⁴¹ Kól bèyó, nogoten sigel yóm ngà, ne monen mò du bè ku udél, “Talitha koum.” Yó lanen, “Ó Bun, betiki ne.” ⁴² Tahu se, tódô kende btik yóm ngà, ne tódô mógów gu bèyó. Deng wen dô sefolò lewu ne halayen yóm ngàyó. Ya tey ketngayó kem tuhahen. ⁴³ Bede tey mget kmon Jisas du mò ku, “Ho bê ye abay tulón yóm deng nemou bélê ye ni.”Nebud monen mò ku, “Henken ye dé.”