¹ Timbow deng mwas bèyó, gotu le kendel stifun yó kem geta bè yó kem gel demsù ebè Dwata, ne yó kem tuha gónó legel galak yó kem Ju,ne yó kem tau gel tmolok hlau, dalang se kdê yó kem tau gel kmukum.Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét. ² Snólók Paylét Jisas, monen, “Uu kô tau hol geta bèyó kem Ju?” Mon Jisas se, “Duhen yó sem deng monem yó.” ³ Tey dê tifù le ke Jisas yó kem geta bèyó kem gel demsù ebè Dwata. ⁴ Yó gónó Paylét bud mon du mò ke Jisas, “Gungolem kô yó kem tey dê tifù le kóm? Laen dù balaem du kô?” ⁵ Okóm là kô dog bnalà Jisas kul, balù sekteb. Tey ketnga Paylét du yóm là dog kbalà Jisas kul. ⁶ – ⁷ Yó kun nmò Paylét ke sok gel kól yóm mò ken bong bèyó kem Jubè Kdaw miwes, sal wen tau bnanggù hefewaen ebélê le, okóm yóm tau kul nélék yó kem tau. Bè yóm kedaw yó, wen sotu tau belanggu boluyen Barabas, tau monok lanen mung bèyó kem tau tô matùyóm gubérnor. ⁸ Timbow le deng gotu stifun yó kem tey tau wen, hni le bè Paylét yóm tehe gel nmoen bèyó kem tau blanggù. ⁹ Snólók Paylét lu, monen, “Móyô yekô ke hewau ebélê ye yóm tau hol geta bélê ye yu kem Ju?” ¹⁰ Yó gónó Paylét mon du yóm yó, abay se deng tódô tengónen seyóm kat kélés nawa le ke Jisas yó kem tau hol geta bèyó kem gel demsù ebè Dwata, yó gónó le meted du ebéléen. ¹¹ Okóm yó nemò yó kem tau hol geta bèyó kemgel demsù ebè Dwata, nofong leyó kem tau sebung bèyó anì hni le bè Paylét Barabas. ¹² Ne bud mon Paylét mò kul, “Tedu setô nmou du bèyóm tau bnoluy ye tau hol geta bélê ye yu kem Ju?” ¹³ Deng le mem gotu hetê, mon le, “Htutukem bè kros yó dum kun.” ¹⁴ Bud snólók Paylét bélê le, monen, “Moende? Tedu deng salaen bélê ye?” Okóm deng mem lenwê le he tê, mon le, “Tódô htutukem bè kros ne.” ¹⁵ Ne mem yó nmò Paylét, hewaen ebélê le Barabas anìhyu nawa le ebéléen yó kem tau. Ne nen habid hfes Jisas, ominen bemlay du bèyó kem sendalù mò ne e tmutuk du bè kros. ¹⁶ Lemwót yó kem sendalù, newit le Jisas ete klósól yóm gónô bong yóm gubérnor, ne gotu tnaba leyó kem dumu le sendalù bè yóm kulbung. ¹⁷ Ne omin le hesekdu keJisasyóm nes ginggung, heningón nemò letau hol geta.Ne lenikinleyóm sotukay tinu semnual,nemò lekuruna,mò suuble bè kuluhen. ¹⁸ Nemon lemò du, “Ni siiyóm tau hol geta bèyó kem Ju. Yake hol tahà klowilen.” ¹⁹ Bud sensulit nfeslebèkuluhen, lel lesemdulakdu. Gotu lemtud bukol bè soluhen, heningón tô nemò lebéléen yóm gel kadat le yóm tau hol geta. ²⁰ Timbow le deng tmakas hmowon du,omin le bud mlus yóm nes ginggung hesekledu yó koni, bud hesekle du yóm sanakun nes. Kewót lebèyó ne, nit le Jisas ebè yóm gónó le temutukdu. ²¹ Yóm tolo knô le bèlan, geslong leyóm sotu tau boluyen Simun, lemwót lem bulul tô mógów ebè Jirusalim.Tódô henselu htihang ledu yóm kros Jisas.(Nim Simun henselu leni, sotutau lemwót bèSayrin. Du semà le Eliksandel ne Rufus.) ²² Newit le Jisas ebè yóm benwu boluyen Golgata. Yó lanenyóm boluy yó, “Bangag Kulu.” ²³ Wen tô hinumledu yóm ninum lóbô, wen bulung héét bolen boluyen mira, okóm làkô dog ninum Jisas du. ²⁴ Omin le etmutukdu bèkros.Yó nmò yó kem sendalù, sensatùle yóm nes Jisas mò lan lesemsólól du. ²⁵ Deng sóól meneged nekdaw yóm ktutukledu bèkros. ²⁶ Nesenulat leyóm duón le du, yó monen, “Ni setau hol geta bèyó kem Ju.” ²⁷ Newen lewu tau gel mò sidek homong tnutuk le, sotuhteg le fibè kwananen, ne sotu fibèi wóngen. ²⁸ Yó gónón dohò yóm tehehsulat Dwata, yóm monen, “Gomong matay bèyó kemtau gelmò sidek.” ²⁹ Lemwót yó kem tau gel miusbè yó, són mò lekmotuk, nesendekà le Jisas, teydê udél le sideke béléen, mon le, “Éhé, uu kô kuntô gembà yóm Gónô Dwata, ne tektlu kedawem bud hdà du? ³⁰ Yó kun, kemóhielaan, lenwaem knóem bèyó.” ³¹ Senged se kul kehlowon du yó kem geta bè yó kem gel demsù ebè Dwata dalang seyó kem gel tmolok hlau, stulón le, mon le, “Deng gel lenowilen dumu tau, là sem gebeken lemowil kun knô. ³² Né nég tekuy kun ke gbeken kmó elaan nim Misaya ni, yóm tau hol geta bè yó kem tau Israél. Hemtahu tekuy béléen ke ton tekuy yóm kekmóhen elaan.” Balù yó kem lewu tau gomong tnutuk le bè Jisas, gotu gbót semdekà du snéen. ³³ Timbow deng gtungu kdaw, botong tlu urasen tódô kmifu talak tonok. ³⁴ Timbow deng sóól mosol kdaw, omin Jisas hgel udélen, monen bè kul udél, “Eloi, Eloi, lema sabachthani? ”Yó lanen yóm udélen yó, monen, “Ó Dwata, Ó Dwata, moen du ke tódô bayaem ou?” ³⁵ Wen kem tau mdà bè yó mungol du yóm udél Jisas yó, mon le, “Éhé, tnabahen Ilaydya.” ³⁶ Ne wen sotu bélê le bè yó kendel ma yóm lómón tô gófós, ne duen bèyóm ninum lóbô là mebtesen, ominen hemsù du bètukô yóm ngà koyu mò gónón tô hsef du ke Jisas, ne oguhen ebéléen. Neyó monen bè yó kem tau, “Tagad. Nénég ke sut Ilaydya mò mit du elaan.” ³⁷ Omin Jisas hgel du udélen, ne tódô milot se nawahen. ³⁸ Uma kóm bè yóm Gónô Dwata, wenteynes mfól mò sengle yóm dfél hetfing leebè Dwata. Bè yóm kilot nawa Jisas, tódô sen‑gengen lómón kehning gel dnólóhem bè gónón sóól yóm nes yó, lenwóten fita kólelaan. ³⁹ Bè yóm kehto Jisas, mdà bè soluhen yóm kfitan bè yó kem sendalù, botong monen, “Tahu duhen ni se yóm Ngà Dwata.” ⁴⁰ Wen se kem libun nô bè yó, olo le temngel mayuk. Mung kul se yóm Midi lemwót bè Megdala, ne yóm sotu Midi yê yóm sotu Jim yóm gel mon le twoli, ne Jusif ne yóm sotu libun boluyen Selumi. ⁴¹ Ni kem libun ni, lu se tehe gel lemolò ke Jisas bè yóm tehe knóen bè Galili mò tmóbóng du. Tey dê dumu libun nô bè yó snéen, hono kem libun tehe mung du bè yóm kógówen ebè Jirusalim. ⁴² – ⁴³ Bè yóm kdaw katay Jisas, kedaw laan yóm Kdaw Kehegnô yókem Ju, yóm kdaw eles gel kehtifes le bè yóm Kdaw Kehegnô. Timbow deng móyón kimel bè yó, wen sotu tau sut boluyen Jusif, tau lemwót bè Arimatiya. Du se sotu bè yó kem tau gel kmukum bè yó kem Ju, ne tey kadat ledu. Gel hendónen snéen kun yóm kdaw angat kogot Dwata tau. Yón moen, tódô mógów ebè Paylét nen e bal du yóm kwahen lówó Jisas. ⁴⁴ Tey ketnga Paylét bè kungolen du yóm deng sana katay Jisas. Ominen htaba yóm kfitan, snólóken béléen ke deng legen yóm katay Jisas. ⁴⁵ Timbow gungolen bè yóm kfitan yóm deng katayen, ominen hemlus du ke Jusif yóm lówó Jisas. ⁴⁶ Tódô lemwót Jusif bèyó ne e bemli yóm kumù bukay, ominen bud mulék etu bè yóm benwu gónó le hmatay ke Jisas. Tódô nwahen elaan yóm lówóhen, ne lenambungen yóm kumù bukay. Ominen yó meted du bè yóm kilib deng tehe eles hokolen bè but léhék, ne bè yó gónón lembeng du. Ne wen botu bong hluyen ebè yóm bak lebeng mòsengen. ⁴⁷ Ne ton yóm Midi lemwót bè Megdala, ne yóm sotu Midi yê yóm sotu Jusif snéen yóm gónón lembeng ke Jisas.