¹ Ngang le Jisas mógów efet le moni bè Jirusalim. Móyón le sut bè yó kem lewu benwu lemnek boluyen Bitfid ne Bitani, nô lem henfek yóm Bulul Ulib. Ne hegna Jisas yóm lewu bè yó kem gel lemolò du, ² monen mò ku, “Mógów ye ebè tum benwu udì tuu. Sok ye kó ditu, enget wen ton ye ngà nati fét. Yóm ngà nati yó, laen kô deng gemsakay du. Tódô ntóye, nit ye dou edini. ³ Ke wen tau smólók kuy , ‘Moen yó du ke hentó ye?’ yó mon ye mò du, ‘Wen muhen du yóm gónó tekuy mogot, bud kendel huléken he kun.’ ” ⁴ Tahu se, lemwót yó kem lewu hógówen yó koni. Tikóng le kól ditu, tódô ton le yóm ngà natinô bè lan, deng fét le bè bak dól yóm gónô. Bè yóm któle du, ⁵ mon yó sekem tau mdà bèyó, “Moen yó du kentó ye yóm ngà natiyó?” ⁶ Ne tulón lekul seyóm deng mon Jisas yó koni. Ne tahu se, tódô hlus le kul. ⁷ Omin le malak du ebè Jisas yóm ngà nati. Ne tódô afid le du nes le, ne hsakay le ke Jisas. ⁸ Ne tey dê bè yó kem tau mung ke Jisas, gotu nebó legu bè lan yó kem dumu nes le. Ne wen se bélê le ma doun koyu, gotu hasà le mulit lan mò gónó le hegfan yóm kadat ledu. ⁹ Gotu le mensag yó kem tau tukô gna du ne yó kem fen huli du, mon le, “Hol dóyón tekuy dé Dwata. Dwata he hol tmóbóng du nim tau deng hógówen ni. ¹⁰ Dwata he tmóbóng du bèyóm angat kkamalen yóm tehe kun benwu nogot yóm tehe fù tekuy Dabid teganay. Hol dóyón tekuy dé Dwata.” ¹¹ Ngangen ne gefet bè Jirusalim Jisas, ominen hlós ebè yóm Gónô Dwata, ne husek elemen, gotu tenngelen kdê yó kem nmò lebèyó. Ominen bud lemwót mulék ebè Bitani, ne mung du yó kem sfolò lewu gel lemolò du, abay se deng móyón sdef kdaw. ¹² Timbow hayahen bè yó, bud le lemwót gu bè Bitani le Jisas. Yóm tolo knóen bè lan, gnómen ne ke bitilen. ¹³ Ne wen tonen sotu koyu ge ken bunguhen boluyen fig, deng bud lomi dmoun bede tolo mayuk udì bélê le. Omin Jisas mógów etu, nénégen kewen bunguhen, okóm laen duen, hono doun, abay se là dengen kól bè yóm bulónen mungu. ¹⁴ Mung kudél Jisas ebè yóm koyu là munguhen yó, monen, “Nebuten ni ne là kói bud mungu.” Ne gungol yó se kem ge lemolò du yóm udélen ebè yóm koyu yó. ¹⁵ Timbow bud gedek bè Jirusalim Jisas, ominen ehlós ebèyóm Gónô Dwata, ne tódô glohen yó kem tau bemli neyó kem tau hembalù lemen. Yó nmoen, gotu lohen lu. Gotu lugoden yó kem lemisa yó kem tau gel lemuluk filak bè yó. Dalang seyó kem gónó le gel myón yó kem tau hembalù kfati, gotu lugoden. ¹⁶ Ne là bud hloloen du yó kem tau wen nwit leyóm lan ge helong lan le bè lósól yóm Gónô Dwata. ¹⁷ Newen toloken yó kem tau bè yó, monen, “Igò Dwata deng mon du bè Sulaten, ‘Yó muhen yóm dou Gónô mò gónó legel mni ebéléu yó kem tau bè klamangen benwu.’ Okóm kuy,” mon Jisas, “Deng mem nmò ye gónó lenô yó kem tau gel menagaw.” ¹⁸ Ne gungol le se kulyó kem geta bèyó kem ge demsù ebè Dwata, neyó kem tau gele tmolokhlau yóm deng nemò Jisas yó. Yó nemò le, mebel le lan le hmatay du, okóm likò le béléen, abay se tey tau wen gel hmungol du yóm ketoloken, ne tey kehtaw ledu. ¹⁹ Timbow deng sdef kdaw, bud le lemwót le Jisas bè yóm syudad yó. ²⁰ Hol helafus bè yó, bud lan le Jisas mius bè yóm koyu fig ne ton leyóm deng sana kékéngen efet kól bè dolilen. ²¹ Tódô getulón bènawa Pitér yóm tehe kudél Jisas ebè yóm koyuyó, ne monen mò ke Jisas, “Ngem Amo, yóm koyu le hentolo, deng sana mékéng.” ²² Ne mon Jisas semò ku, “Hol yehemtahu bè Dwata. ²³ Tódô tulónu kuy ktahuhen, ke là megewu kehetahu ye, nekehol nô bènawa yeyóm enget kguta ye yóm hniye, gbek ye tódô mdók nim bulul nii anì mdó bè nine mili elem mohin, yake tódô nimónen yu. ²⁴ Yó gónóm mon, ke wen hni ye bè Dwata, hol hentahu yeyóm kguta ye du, yake enget dohò se kgu ta ye du. ²⁵ Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà. ²⁶ Okóm ke là hnifót ye du, là se hnifót Mà tekuy du bè longit yóm kuy salà.” ²⁷ Ne bè yóm bud kekól lebè Jirusalim, bud le mógów ebè yóm Gónô Dwata. Bè yóm igò Jisas tolo tabag lemen, gotu le mógów ebéléen yó kem geta bè yó kem gel demsù ebè Dwata, neyó kemgel tmolok hlau, kkólen bè yó kem tuha gónó le gel galak yó kem Ju, ²⁸ nemon lemò ke Jisas, “Yóm deng nmoem bè ni, wen kô gembek mò du? Tau du se bemlay kóm kegebek mò du?” ²⁹ Bnalà Jisas selu, monen, “Wen sedou snólók bélêye. Ketengón ye balaen, tulónu kuy se yóm gónón lemwót yóm dou genbek mò du yóm deng nemou bè ni. ³⁰ Tulón ye do kun. Bè yóm tehe gel kbabtays Janyó kem tau, gónón lemwót de kegebeken mò du? Lemwót bè Dwata kô, duhen kelemwót bè kem tau?” ³¹ Omin le stulón són lu yó kem tau smólók ke Jisas yó koni, monle, “Mò kbalà tekuy du du? Kemon tekuy lemwót bè Dwata, angat dô monen, ‘Mò ye là hemtahu du se?’ ³² Bud là hyuhen sekemon tekuy lemwót bè tau.” Yó gónó le mon du yóm yó, abay selikò lebèyó kem tau, yakà bè kul kehedem du hol tau tugod Dwata yóm Jan. ³³ Omin le malà ke Jisas, mon le, “Là tngón medu balaen yóm snólókem bélê me.” Ne bud mon Jisas se, “Ke làtngón yedu balaen yóm snólóku, là se tulónu du kuy gónón lemwót yóm dou kegebek mò du ni kem deng nmou ni.”