¹ Ni seyóm Tulón Hyuho gbak ebè Jisas Krays, yóm ho kun Ngà Dwata. ² Yó buten nim Tulón Hyuni, duhen yóm tehe snulat Isaya teganay, yóm sotu tehe gna tugod Dwata, yó monen, “Yó udél Dwata ebè yóm Ngaen, monen, ‘Wen hógówu tukô gna kóm mò eles hemtifes yóm angat lanem.’ ³ Angat tmaba gu bètum benwulaendù tau benwu du, yó utóm tabahen, monen, ‘Eles hen‑gifat yeyóm gónón enget mlanyóm gónó tekuy mogot. Eles hentedeng ye yóm lan mò enget loloen.’ ” ⁴ Tahu se, wen sotu tau boluyen Jan, tódô sut bè yóm benwu laen dù tau benwu du.Yó nmoen, mabtays tau, ne hetengónen kul yóm Udél Dwata. Yó gel monen mò kul, “Hegsel ye ne, knogol ye ne yó kem sidek gel nmò ye, ne hbabtays ye, ne angat hnifót Dwata he yó kem salà ye.” ⁵ Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim.Tódô gotu benkas tulón le du salà le, ne bnabtays Jan lu bè yóm él Jurdan. ⁶ Nim Jan ni, yó nesen yóm nmò le lemwót gu bèbul kamél, ne yó hileten kulit ógóf ne yó gel kenen són tlangas ne tneb. ⁷ Yó heglalagen bè yó kem tau, monen. Wen huli dou tey mfasang sentahu. Là kóe knóón balù olohu hesek béléen. ⁸ Béléu dou, él gel babtaysu kuy. Okóm yó kun kmò kbabtaysen kuy, suen bélê ye yóm Tulus Dwata.” ⁹ Sotu kdaw bè yó, sut bè Jan Jisas, lemwót gu bè Nasarit, yóm benwu udì nolemen prubinsya Galili. Yó nógówen, nen e hbabtays ke Jan bè él Jurdan. Tahu se, bnabtays Jan Jisas. ¹⁰ Timbow hahun gu lem él Jisas, tódô tonen henas longit, ne tonen se yóm Tulus Dwata hetuntun etahen gu ta, ho lómó kmoen. ¹¹ Ne hemongen yóm udé gu bè longit, monen, “Uu se yóm ho dou Ngà tendo gónón nô nawahu. Tey keligalu béléem.” ¹² Ne tódô kende hógówen Jisas yóm Tulus Dwata etu bè yóm benwu laen dù tau menu du. ¹³ Botong fat folò butengen nô ditu, ne bè yó gónó Seitan tendo tô tmilów du. Uma kóm yóm benwu yó,tey dê ógóf lem benes nô du, okóm wen hógów Dwata gu bè longit na a tmóbóng du. ¹⁴ Sotuk daw bè yó, gefet bè Jisas yóm deng keheblanggù Hirod ke Jan. Bè yóm kungolen du, tódô mulék ebè prubinsya Galili nan e hetngón bèyó yóm Tulón Hyu lemwót bè Dwata. ¹⁵ Yó gel tulónen, monen, “Ni se deng endu kegefeten yóm kuy kdaw. Móyónen heto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.” ¹⁶ Yóm igò Jisas mentad Lanaw Galili, tonen yó kem lewu tau setwoli hmuket, Simun ne twolihen Andru.Yó se kul sana gel nmò hmuket. ¹⁷ Tódô mon Jisas mò kul, “Ó kem tau hmuket, mung yedo ne. Wen teles hmou kuy, hebelu yu tau mò lemolò do.” ¹⁸ Tahu se, tódô kendel tebe le huket le, ne mung le ke Jisas. ¹⁹ Ngang le bud mógów efet bud ton Jisas yó kem lewu tau setwoli JimneJan, hono ngà Sibidi. Nô le lem ówóng le, tolo beneteng le ksê kem huket le. ²⁰ Yóm keton Jisas kul, tódô tenabahen lu ebéléen. Tahu se, tódô tebe le mà le lem ówóng, dalang se yó kem tau mò nmò bélê le, ne mung le ke Jisas. ²¹ Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegenô, lemwót Jisas mógów ebè kul gónô gel setifun yó kem Ju nen temolok bélê le bè yó. ²² Tey kesefetaw le du yó kem tau hemungol du, abay se là mekélen bè yóm kul ktolok yó kem tau gel temolok hlau bélê le. Alì mefasang yóm kun ketolok Jisas. ²³ Yóm igò Jisas tmolok, tódô sut bèyó yóm tau wen busaw malak du, tódô lemangat,monen mò ke Jisas, ²⁴ “Ó Jisas lemwót bè Nasarit, tedu hendufem bélê me nidu? Nam e tô genlà mi kô? Dilóu uu, uu se yóm mólós hógów Dwata.” ²⁵ Okóm benólów Jisas yóm busaw malakdu, monen, “Béi mudél. Medóhi béléen.” ²⁶ Tahu se, tódô heningkil yóm tau yó, ya tey sidek kelangaten, ne tódô medó se yóm busaw malakdu. ²⁷ Ya tey ketenga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.” ²⁸ Ya tey kesetulón le du yóm nemò Jisas, tódô kendel lengeben klamang prubinsya Galili. ²⁹ Timbow le hewà gu lem gónó le gel setifun yó kem Ju le Jisas, tódô le hlós ebè gónô le Simun lewu le Andru, mung kul Jim ne Jan. ³⁰ Yóm kkól le bè yó, tódô glo le tuón Simun libun gemnóm des kinì là lembó, tódô henmung tulón leke Jisas yóm desen. ³¹ Omin Jisas mógów ebéléen, nogoten bè sigelen, ne bentiken. Tódô senegengen se mkó yóm kekinien, deng mom helingas bud mò ken bélê le. ³² Timbow deng sdef kdaw, gotu nwit le ebè Jisas yó kem tau gemnóm des dalang seyó kem tau wen busaw malak kul. ³³ Tódô kdéen tau bè yóm benwu gónó le nô yó, gotu le stifun bè lósól yóm gónô gónó Jisas nô. ³⁴ Ne gotu hekó Jisas se yóm kdê yo kem des le, ne gotu hdóhen yó kem tey dê busaw malak yó kem dumu tau. Okóm là kô hudélen ku, abay se tódô dilô le Jisas yó kem busaw. ³⁵ Timbow deng hayahen bè yó, hanà tolo kifu sana btik Jisas nen e mebel gónón tinof mò gónón meni ebè Dwata, bede malù mayuk yóm gónón e solu. ³⁶ Timbow le betik le Simun, là kô bud ton le ke Jisas, tódô le lemwót ne le e nebe. ³⁷ Bè yóm keton le du, mon le mò du, “Tey dê tau mebel kóm, Sér.” ³⁸ Mon Jisas se mò kul, “Lemwót tekuy ne, mógów tekuy ebè yó kem dumu benwu hmilol. Là gebeku du ke là tmolok e bélê le snéen, yakà yó du yóm hol nógówu elem benwu.” ³⁹ Tahu se, tódô lenngeben klamang prubinsya Galili gónón e temolokbèyó kem gónó le ge setifun yó kem Ju, lelen hdó yó kem busaw bè yó kem tau nalak le. ⁴⁰ Sotu kdaw bè yó, sut bè Jisas yóm sotu tau gemnóm des mifù. Tódô tuden bukolen bè desnolohen, ne hekodu béléen, monen, “Ó Amo, ke yó dum móyói, yake gebekem hekó du nim desu ni.” ⁴¹ Tey kekodu Jisas du yóm tau yó, tódô nen e nenok, monen, “Móyóe temóbóng kóm. Hol mekó he yóm desem.” ⁴² Tahu se, tódô senegengen se mimot mkó desen yóm tau yó. ⁴³ – ⁴⁴ Tey keget kemon Jisas du mò du, “Hol béem abay tulón yóm deng nemou béléem ni. Tódói hetedeng mógów ebè tum tau gel demsù ebè Dwata, nam e hetenge du lówóhem. Elesi mit mò desuem anì nemoem yóm sotu hlau Musis teganay mò gónó le milô du kem dumu tau yóm deng kekó yóm desem. Yó ne,”mon Jisas, “lemwóti ne.” ⁴⁵ Okóm bè yóm deng kulék yóm tau yó,deng mem tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen todo sekelot ebéléen. Yó nemoen, tódô gel hetólóng ebè yó kem benwu laen dù tauhen. Ewenem yó, sana tey wen tau lemwót bè ket benwu todo gel mógów ebéléen.