¹ Ni se kmò kestugoden yóm gónó Jisas Krays gu semfu bèyóm tehe kehbalingen tau. Semfu gu bèyóm tehe Dabid. Neke Dabid, sfu yóm tehe Abraham. ² Yóm Abraham ni, du se yóm hol kun mà yóm tehe Isak. Ne mngà yóm Isak, duhen Jakub. Timbow mngà Jakub, duhen Juda neyó kemdumun setwoll hono logi. ³ Timbow mngà Juda kun,duhen Pérés n eSira. (Yó boluy yê le, Tamar.) Mengà Pérés, duhen Hisron. Yóm Hisron ni, mà yóm tehe Ram. ⁴ Timbow mengà Ram, duhen Aminadab. Mengà Aminadab, duhen Nasun. ⁵ Mengà Nasun, duhen Salmun. Mengà Salmun,duhen Buas. (Neyó boluy yê Buas, Rahab.) Mengà yóm Buas, duhen Ubid. (Neyó boluy yê Ubid, Rut.) Timbow mengà nim Ubid ni, duhen Jisi. ⁶ Mengà ke Jisi, duhen Dabid, yóm tehe sotu tau hol geta bèyó kem Ju. Timbow mengà ke Dabid, duhen Selumun.(Yó yê Selumun, yóm tehe yehen Yuraya.) ⁷ Mengà yóm Selumun, duhen Rihubum. Mengà nim Rihubum, duhen Abidya. Mengà Abidya, duhen Asa. ⁸ Nim Asa ni, màyóm tehe Jihusafat. Mengà Jihusafat, duhen Jihuram. ⁹ Mengà Jihuram, duhen Usaya. Yó kun ngà Usaya, duhen Jutam. Ne mengà Jutam, duhen Ahas. Mengà Ahas, duhen Hisikaya. ¹⁰ Nim Hisikaya ni, hol kun màyóm tehe Manasi. Mengà Manasi, duhen Amon. Mengà Amon, duhen Jusiya. ¹¹ Mengà Jusiya, duhen Jékunaya newen kem twolihen. Blaem kóm bèyóm kul kdaw yó, yó seyóm gotu kewa lekul ebè Babilun yó kem tau Israél. ¹² Yóm deng kekól le ditu bè Babilunyó kem tau yó koni, mengà Jékunaya, duhen Syaltil. Mengà Syaltil, duhen Sirubabél. ¹³ Mengà ke Sirubabél, duhen Abyud. Ne mengà Abyud, duhen yóm tehe Ilyakim. Mengà Ilyakim, duhen Asor. ¹⁴ Mengà Asor, duhen Sadok. Mengà ke Sadok, duhen Akim. Mengà Akim, duhen Ilyud. Mengà Ilyud, duhen Élyasar. ¹⁵ Mengà ke Élyasar, duhen Matan. Mengà Matan, duhen Jakub. ¹⁶ Mengà Jakub, duhen Jusif. Duse yóm tehe myehen ke Midi, Yê Jisas. Jisas se yóm bnoluy le Misaya, yóm deng nélék Dwata mò smakuf yóm klamangen. ¹⁷ Duhen yó, sfolò fat duléken temugod lemwót bè Abraham efet kól bè Dabid. Ne bud sfolò fat duléken se temugod lemwót bè Dabid efet kól bè yóm kewa le kul ebè Babilun yóm kdê kem tau Israél. Bud sfolò fat duléken se mugod lemwót bè yóm kegef lekul ebè Babilun efet kól bè yóm ksut Jisas Krays, yóm Misaya. ¹⁸ Ni se mò kewóten yóm tehe ksut Jisas Krays. Yóm yéen Midi, deng selomong yóm sotu sawang logi boluyen Jusif. Okóm yóm gulaan le là deng sgefet,tódô mlutut Midi mlan bèTulus Dwata. ¹⁹ Nim Jusif deng te meyehen ke Midi ni, tau tedeng kloloen yó kem hlau Dwata, okóm bè nim kwen bnutut Midi ni, là móyóen kewen gónó Midi myak bè gónón wen. Yó gónón tódô tô hetinof mit du skó bèyóm deng keslomongen du. ²⁰ Yóm igoen tolo hemdem du yóm yó, tódô wen hógów Dwata gu bèlongit hegefan béléen bèknahen, monen mò du, “Ó Jusif, semfu gu bè Dabid, béi lengaya myehen ke Midi abay se lemwót bèTulus Dwata yóm bnututen. ²¹ Angat logi yóm ngaen, neyó boluyem du Jisas, yakà du yóm lemwà yó kem kun tau gu lem salà le.” ²² Bèni kem ni, deng tódô tahu edu yóm tehe tulón Dwata hlanen bèyóm sotu tehegna tugoden, yóm monen, ²³ “Angat wen sawang libun tódô mlutut, ne mengà logi, ne boluy ledu Imanyuwél  (yó lanen yóm boluyen yó, tendo nô bélê tekuy Dwata).” ²⁴ Timbow betik Jusif bèyóm ktungóen yó, tódô nimónen yóm deng monen mò du yóm hógów Dwata, ne tódô nen e nangay Midi, nwiten ebè gónóen. ²⁵ Okóm song sentungóen, deng sut yóm ngaen logi. Neyó boluy Jusif du Jisas.