1
So inhimo ki to Diyos nu matularong pinabayjo to pog tuo, duon un Maroyjow nu goynawa ta to Diyos, oinabayjo to kanta nu Magbabayjo nu si HisusKristo.
2
Pinabayjo kandin nokohimo ka to pog pohimulos to Grasya to Diyos nu hondoi nig ugpo ki kuntuon nu duon to pog loom nu ogmaka abin ki to himaya to Diyos.
3
Nahulo ki raan duon to kanta nu pog Antos su nataga ki nu ka pog antos oghimo kanta nu maparayjon,
4
Ka pogparayjon, ogkohimo kanta nu ugkahukuan ki to Diyos hoy ka kandin nu kahulo ingbogoy kanta to pog-iman.
5
Kono ki iyan ogkoyilowan to soin poglaom so in-ug-ug to Diyos ka goynawa rin sulod to kanta nu mo pusong pinabayjo to Espirito Santo nu inbogoy to Diyos kanta.
6
Su to timpu nu waro pad nihimo ta, nigpakamatoy si Kristo para to mo makasasalo, to Timpo nu pig alam to Diyos.
7
Malugon to otow ka pogpakamatoy para to otow nu matularong, omba ku duon og pakamatoy to sagbuka nu maroyjow nu otow.
8
Di inpapitow to Diyos kanta ka dakul rin nu goynawa kanta su kanMakasasalo ki nigpakimatoy si Kristo to para kanta.
9
Nu kuntuon nu inhimo kid-o no matularong pinabayjo to langusa rin, luwason ki iyan ligkat to kabulo o Diyos.
10
To soyjow osig kipa to Diyos nig pakiglibod ki diyo to Diyos pinabayjo to kamatayjon to Anak din. No kuntuon no niglibod ki diyo to Diyos, luwason ki iyan pinabayjow kinabuhi ni Kristo,
11
di kuno no soin du, nahulo ki iyan diyo to Diyos pinabayjo to kanta no Magbabayjo no si Hisu Kristo no iyan bunsuran no naka libod ki to Diyos.
12
Ka Salo nakasulod tu ingod tungod so waro nig tuman si Adan t6o sugo to Diyos, hoy ka salo din nig alap to kamatayjon, koy naan ka kamatayjon niguma kayi to tibo no mo otow so nakasalo on man ka tibo no otow.
13
Kayi on to ingod ka salo to waro pad inbogoy kabalaod, di ko waro balaod, waro iyan salo.
14
Di ligkat to panahon ni Adan poiling to panahon ni Mowises ka tibon otow nangamatoy agad ka soyjow waro naka salo iling to pog pakasalo ni Adan to kandin ni waro pog tuman to sugo to Diyos. Ug koiling si Adan to sagbuka no otow no ug poko uma.
15
Di kuno soin og pokog iling daruwa so kuno no iling to salo ni Adan ka Gasa to Diyos. So ko mohon-in ka nangamatoy tungod to pog pakasalo to sagbuka no otow, dakul pad ka igbogoy to Duyos no Gasa no ugkaabin to mohon-in no otow pinabayjo ki Hisu Kristo.
16
Hoy songo lain ka Gasa to Diyos hoy salo to sagbuka no otow. So inbugoy ka logpad tungod to sagbuka no salo di to dakul no salo inbogoy ka Gasa oyjow pog himo no matularong ka otow.
17
Ku tungod to pog pakasalo to sagbuka no otow nig hari ka katmatayjon, ug madangon ko kandan no pog ugpo to soyjow nakadawat to Grasya to Diyos hoy to Gasa to kandin no poigka matularong pinabayjo ki HisuKristo.
18
So kapog pakasalo to sagbuka no otow iyan nuhimo no bunsuran no nalugparan ka tibo. So maroyjow ka inhimo to sagbuka no otow ug kaluwas hoy ug makawat to kinabuhi ka tibo.
19
So to waro pog tuman to sagbuka no otow muhon-in ka nayimo no salo. Oinabayjo to pog tuman to sugo to Diyos muhon-in ka inhimo no matularong to Diyos.
20
Inbogoy ka balaod oyjow ug timul ka kuno pog tuman to Balaod di nig dakul kasalo, hoy maurak ka Grasya no inbogoy.
21
Koy naan ka salo nig hari pinabayjo to kamatayjon, ug hari daan ka Grasya to Diyos pinabayjo to pog ka matularong no nig alap kanta to kinabuwi to waro ug tamanan pinabayjo ki HisusKristo no kanta no Magbabayjo.