¹ To pog ligad to aldow no ting himuloy, si Mariya Magdalina, hoy ka sangoy rin no si Mariya no inoy ni Santiago hoy si Salome to puhomot oyjow ig puyed to lawwa ni Hisus. ² To kasulomi soiyjo to Dominggo, to pog silat to aldow, nangondiyo kandan to lubonganan. ³ To pog pangipanow ran, nig inoin-insooy kandan, “Hontow naa kag paligiron ta rot bato hoy kag tukas dot lubunganan?" ⁴ Hoy to pogpitow ran, nakita ran no nalilid on ka bato no in lukod do to lubunganan. ⁵ Hoy to pogsulod dan dot niglubungan, duon nakita ran no lukos no nig pinuo diyu to kawanan no nigsasaluob to maputi to kinabo no malayjat hoy nangantim kumod kandan. ⁶ Migkagiyan kandan “Kono kow’g kahalati? Pigpamitow now si Hisus no taga Nazarit, ka inlansang to kurus? Warad kandin kayi, nauyjag on kandin: pitawa now ka intagoan kandin. ⁷ No, hondiyoi now ka mo hibatoon ni Hisus hoy panguguri now, duma ki Pedro, no si Hisus nig hun-a on kaniyu diyo to Galiliya. Diyo’g kakita now kandin sumalo to pigkagi kaniyu." ⁸ Nigmanglibwas hoy nig mamalagoy kandan ligkat to lubungan no nahaldok hoy nig mangobaan. ⁹ To pogkauyjag ni Hisus to kasulomi soiyjo to nahu-a no aldow to simana, nig una kandin nigpakita ki Mariya Magdalina. To soikan pig pang dugil ni Hesus ka pitono yawa no nig sulod dot buye. ¹⁰ Hoy niggipanow si Mariya hoy nig pangnangonan din ka mo duma rin no nangatalong hoy nig manisinogow. ¹¹ Pogkarinog dan no si Hisus nauyjag hoy si Mariya nakakita kandin, waro kandan nig mantuo. ¹² Kapunga to soin, nigpakita si Hisus dot loin hibatoon di no daruwa tagood nig manghondiyo to siyudad, ¹³ nigmanglobod kandan hoy nanglalag dot duma, di waro kandan tuowi. ¹⁴ To pog kapunga to soinkan, nigpakita si Hisus dot sampolo hoy sagbuka no hibatoon, tagood to nig magoon kandan, insawwoy ni Hisus kandan so doisok ka pogtuo ran, hoy waro nig manuo rot nakakita kandin no nauyjag kandin. ¹⁵ Migakagi si Hisus si Hisus kandan, "Hondiyo kow to mo ugpaan dini to kalibutan, hoy ipanglalag now ka maroyjow no lalagunon diyo to mo otow. ¹⁶ Ka ug tuo hoy og pabunjag og kaluwas, di ka kuno og tuo og kabaybayjaran, ¹⁷ iyan soin timaan no natuowan dot nig manuo pinaybayjo to ngaran ko, makapang-alow kandan to mo busow hoy makakagi kandan to nig loin loin no mo kinagiyan. ¹⁸ Makagungun kandan to mo ulod hoy kog mokoinom kandan to hilo, kona kandan og kupmono. Og gungunan dan ka mo naralowan hoy og kongoulian kandan." ¹⁹ Pogkapunga nakiglalag ka si Ginoong Hisus kandan, inbatun kandan diyu to langit hoy nigpunoo diyu to Diyos. ²⁰ Hoy nangipanow ka mo hibatoon hoy nanggugud to maroyjow nolalagon to tibo no ugpaan, ka Magbabayja nigbulig kandan to pog panglalag panabayjo to pogbugoy kandan to Goom to pog himo hoy mo timaanan.