¹ To pogkapawbu, ka mo agalon to mo pari duma to agalon to mo Hudiyo, ka mo talagtuon to mo balaod, hoy ka tibo no mo sakop to hukomanan to mo Hudiyo niglilimod limod oyjow og hisgotan ka sunod noog hinangon. Nigbako dan si Hisus hoy in alap diyo ki Pilato no Gobernador oyjow igbalagad kandin. ² Nigpanginso si Pitato kandin ,"Koykow ba ka hari to Hudiyo?" Nigtabak si Hisus kandin, "Inkagi nod". ³ Mohon-in ka mo subong to mo agalon to mo pari mayitungod ki Hisus. ⁴ Koy naan ka nanginso dayjon si Pilato, waro ba igtabak no to sikan to sombong? Mohon-in amana ka sombong mayitungod koykow. ⁵ Di waro nigtabak si Hisus, koy naan ka no ino-ino si Pilato. ⁶ Nabatasan on ni Pilato no kada koologan to pogligad to diwata ogbogayjan din to kagawasan ka sagbuka no piniriso no ug hangyu to mo otow no ogpasabokan. ⁷ Duon sagbuka no piniriso diyo no ka ngaran din no si Barabas. Soini ni otow inpiriso duma duon to nonokohimatoy tungod to pogsupak dan to Goberno. ⁸ Mohon-in ka mo otow no nigdani ki Pilato hoy nig hangyo no himuon din mandu to soin tuig ka na batasan din no og himoon. ⁹ Nanginso si Pilato kandan, "Og kaliyag kow ba ko og sabukan ko ka hari to mo Hudiyu?" ¹⁰ Nataga si Pilato to na ayjat ka mo agalon to mo pari, koy naan ka in nangon dan si Hisus kandin. ¹¹ Di nig nangonan to agalon to mo pari to mo pari ka mo otow no si Barabas do ka og sabukan kuno si Hisus. ¹² Nig-insoan mando ni Pilato ka mo otow, "Nukoy kag himun ko to soini no otow no inkagi now no hari to mo Hudiyu?" ¹³ Nangingiyak kandan, "Iglansang to kuros!" ¹⁴ Nigkagi si Pilato kandan, "Maniyo, nokoy man ka salo no noyimo din?" Di nigmaagbot pad ka lagong dan, 'Iglansang to kuros." ¹⁵ Tongod so gusto ni Pilato no og sunoran ka mo otow, insabokan dan si Barabas. Di si Hisus in pabarasan hoy in balagad on diyo to mo sundawo oyjow iglansang to kuros. ¹⁶ In-alap to mo sundawo si Hisus diyo to sulod to palasito to Gobernador hoy in omow ran ka mo sundawo no niglilimod diyo. ¹⁷ Hoy in kinaboan dan si Hisus to malalab no kinabo hoy nig hihinang kandan to korona no duon dugi hoy intago to ulo ni Hisus. ¹⁸ Hoy nig sugod kandan to pog luhod-luhod no nig-kagi, "Mabuhi ka hari to mo Hudiyu!" ¹⁹ Hoy in palampusan dan to kayjo ka ulo ni Hisus hoy in ilob-iloban. ²⁰ Pogkapunga to pogsumpali dan ki Hisus, in lobasan dan to kinabo no malalab hoy in kinaboan mando to kinabo din no taan. Hoy alap dan diyo to libwasan to siyudad oyjow iglansang to kuros. ²¹ Tagood nanghipanow kandan, natamo dan ka sagbuka no otow no ligkat to kamot. Ka ngaran din si Simon no taga Sireni no amoy ni Alihandoro hoy si Ropo. Inpugos dan to pog pa alap si Hisus to kuros. ²² Hoy in alap dan si Hisus diyo to lugar to Gulgota (banwa no butanganan to otow no napag-asan on.) ²³ Pog uma dan diyo, nigboygajan dan si Hisus to inomon no duon amot no mira, di waro nig inom si Hisus. ²⁴ Hoy inlansang dan on diyo to kuros, hoy in boyen-boyen dan ka kinabo pinabayjo to pog balo-balo, oyjow ogkatagahan dan ku nukoy no bayin kag kapurot to matag sagbuka. ^{25 28} Mo alas noybe to masolom no inlansang dan to kuros si Hisus. ²⁶ Ka sombong no nasulat to kasulatan, "IYAN SOIN, KA HARI TO MO HUDIYU. ²⁷ Duon daruwa no tulisan diyo no inlansang duma ki Hisus to kuros, ka sagbuka diyo dapit to kalintuo ka sagbuka diyo dapit to kawbanan. To soin no paagi natuman ka insulat to kasulatan no nig kagi, 'Insuman-suman no kandin duma to kiriminal.' ²⁹ Ka mo otow no nang ligad, nakapakulong-kulong hoy nigsumpalit si Hisus, nigkagi kandan, "Ow’ koykow man naan ka otow no og gumas to timpulo hoy og himuon do solod to tatulo no aldow, ³⁰ puno-og ka hoy luwasa ka lawbu nu!" ³¹ Ka mo agalon to mo pari hoy ka og panuro to mo balaod nig sumpalit ki Hisus. Nig kagi kandan to matag sagbuka, "Inluwas din ka doma, di kuno kandin ogmakaluwas to kaugalingon din? ³² Pitawbon ta kuntuon ko ogpakalono ka Kiristo no hari to Israil, no ko og makalono kandin ogtu-o kid kandin." Agad ka duma din no inlansang to kuros nigsumpalit kandin ³³ To pogkaodto, nigmasusilom taman to tatolo no oras. ³⁵ Hoy to pogkatolo no oras nigpangiyak ki Hisus to maaagbot, Eloi,Eloi, lama Sabachthani, to kanta pa, Dios ko, Diyos ko, maniyo to inpasagdahan ano?" ³⁴ Ka mo otow no nakadinog kandin no nig kagi, "Pamminog kow, nangomow kandin ki Ilyas." ³⁶ Hoy nigpapalagoy ka sagbuka kandan no nig alap to iling to kutson hoy in olod to maporus no inomon hoy inbogkos di diyo to good. Intarowoy din diyo to bubu ni Hisus hoy nigkagi, "Tagad ka pa, ogpitawbon to ko ogluno si Ilyas oyjow og purot kandin ligkat to kuros. ³⁷ Nigpangngiyak si Hisus to maagbot no lagong hoy nammatoy. ³⁸ Hoy ka dingding to ti timpolo nagisi ligkat to ampow taman to diralom. ³⁹ Ka kapitan to mo sundawo no nig sasandidiig tangkaan to kuros. Nakita din ka pogka matoy ni Hisus hoy nig kagi kandin, "Tinuod iyan no soin no otow anak to Diyos." ⁴⁰ Diyo duon pila no malitan no nigpitow. Duma dan si Salomi, si Mariya Magdalina, hoy si Mariya no inoy do’t balobato no si Santiago hoy si Hosi. ⁴¹ Iyan soin ka nigduroma-duma hoy nig bulig ki Hisus tagood no diyo pad kandan to Galiliya. Hoy mohon-in pad no mo malitan ka nigduma kandin diyo to Herusalim. ⁴² To magaan on og dangkoy ka aldow no ogpunaan to aldow to poghimoloy, ⁴³ nig-uma si Hosi no taga Arimatya, sadboka no tinawod no otow, nigpagin bobolot no oghundiyo ki Pilato oyjow og pamoyjoon ka patoy no lawa ni Hisus. ⁴⁴ Nabulong-bulong si Pilato no natagahan din no si Hisus patoy on. Inpaomow din ka kapitan hoy nigpanginso ko nalogoy on no nammatoy si Hisus. ⁴⁵ To pogkadinog ni Pilato to istorya to kapitan, insugon din si Hosi to pogpurot to lawa ni Hisus. ⁴⁶ Nigboli ni Hosi to maputi no manggad hoy intago to sagbuka no lubunganan no inlongag diyo to dalama, hoy inlilid din ka sagboka no bato oyjow iglukob to longag to lobunganan. ⁴⁷ Si Mariya ni inoy ni Hosi hoy si Mariya Magdalina nigpitow ko hundoi iglubong si Hisus