¹ To kasolomi, ka tibo no pangulu to mo Pari woy ka mo nig alap to mo Hudiyu nigpapalanu to ogmonowon tog gimatoy si Hisus. ² Inbabaku si Hisus woy pig alap diyo ki Gobernador Pilato. ³ To pogkakita ni Hudas ka traydor, no si Hisus oghimatayjan dan, nokog sondit kandin woy in uli din ka katloan no salappi du to agalon to mo pari woy ka mo pangulu to mo Hudiyu. ⁴ Nigkagiyan din sikandan “nakasalo a to pog alagad ku to sooyjow no otow no waro salo!” Hoy nigtabak kandan “Nokoy naan ka labot noy to sikan? Koykow on no purublema sikan!” ⁵ Hoy inpamanggal ni Hudas ka salappi diyo to timpulu hoy nig ongkoran, woy nighipanow kandin woy nigpakamatoy. ⁶ Inpamurut to agalon to mo pari ka salappi woy nigkagi, “Soini no salappi bayjad to kinabuhi hoy supak to kanta nu balaod ka popangholos to timpulu. ⁷ Pongkaponga ran to pogsagboka, in gamit dan ka salappi to pogboli to kamot to talaghimu to poomot oyjow ug himuwon soini no lobonganan to lumala-ag. ⁸ Umon sikan nu kamot inngaran to, “kamut No In Bayjaran To Langosa” taman kuntoon. ⁹ Umon natuman ka inkagi to ogpagagano si Heremiyas. Inpurut dan ka katloan nu salappi hoy kantidan no pigsagbokahan to mo otow diyo to Israil no inbayjad to pogboli kandin. ¹⁰ In gamit dan soini to pogboli to kamot to talaghimu to poomut sumalo to in sugu to Magbabayjo kodi. ¹¹ No si Hisus migsasindog diyo to tangkaan ni Gubernadur Pilatu no nig inso, “Koykow ka Hari to mo Hudiyu?” Nigtabak si Hisus “Pigkagi nud”. ¹² Umba so waro din tabaka ka in nangon to mo agalon to ko pari hoy ka mo manmanigo-on to mo Hudiyo. ¹³ Umon nigkagi si Pilatu kandin “ Waro ka nakarinog to tibo no in nangon batuk koykow?” ¹⁴ Umba so waro nigtabak si Hisus agad sagboka no lalag. Umon nabolong-bolong amana ka Gubernadur. ¹⁵ Naanaran on ni Gubernadur ka pog pangsabuk to mo pinirisu no in pamuyju to mo otow to matag Kowulugan To Pogligad. ¹⁶ Hun-a no panahun duon otow nu nabantog nu pinirisu nu in ngaranan ki Barabas. ¹⁷ To nasaboka on kandan nanginso si Pilatu kandan, “Hontow naan kag kaliyagan now no ogsagbukan ku? Si Barabas hoy ko si Hisus nu inngaran ki Misiyas?” ¹⁹ Nanginso man si Pilatu to soini su nataga kandin nu igbogoy dan si Hisus kandin tongod to kasina. ¹⁸ To ruon no nigpinuu si Pilatu diyo to pinuuwanan to hukumanan, nigpa-alap to sulat ka asawba rin hoy nigkagi, “Kono nu hubili sikan no otow su waro salo so kounigol a amana su tongod to nakarootan ko moyitongod kandin.” ²⁰ Inkabig to mo agalon to pari hoy ka mo pangulu to Hudiyu ka mo otow. To poghanagyon ki Pilato no ogsabukan si Barabas hoy oghimatayjan si Hisus. ²¹ Hoy nanginso mando si Gubernadur Pilatu kandan, “ Hontow man to soini daruwwa kag pilion now hoy ogkaliyagan now nog sabukan?" Hoy nigtabak kandan, "Si Barabas!” ²² Nig inso mando si Gubernadur Pilatu kandan, “Hoy nokoy naan ka ug himuwon ku ki Hisus nu inngaranan te Misiyas?” Hoy nigtabak kandan, “Ilansang kandin to kurus!” ²³ Hoy nigtabak kandan, “Ilansang kandin to kurus!” Nokoy man salo din” Nanginso si Pilatu. Di duon maagbot no ulaloy ran, “Iglansang kandin to kurus!” ²⁴ To pogkakita ni Pilatu nu waro og kohimu rin, hoy ugkagubut soini, migpurot kandin to woyig hoy nigpanlulu diyo to tangkaan to mo otow hoy migkagi, “Waro labot ko to langosa to soini no otow! Kaniyu soini no ogkaliyagan!” ²⁵ Hoy ka tibo no mo otow nigpanabak kandin, “Kanami woy ka anak noy iyan nu utuni tog hilogpad to langosa rin!” ²⁶ Hoy insabukan ni Pilatu si Barabas hoy inlamposan dan si Hisus woy inbogoy woy inlansang to kurus. ²⁷ To in alap on si Hisu to mo sundalo diyo to palasyu ni Gubernadur Pilatu hoy diyo in lilinglingutan kandin to mo sundalo. ²⁸ Inluungan dan si Hisus hoy insaluuban dan to malalab no kinabo. ²⁹ Hoy nighimu kandan to kuruna ligkat diyo to dugiyon, hoy inpakugus to ulu rin. No inpatutukod dan on kandin no iyan inpagon-gon ka kawwanan nu bolad din hoy nigluud kandan diyo to tangkaan hoy insumpalit kandin hoy nigkagi kandan “Mabantug ka Hari to mo Hudiyu!” ³⁰ Natamman, mig-iiloban dan on si Hisus Hoy inpurut dan on ka nalipak no kayju woy inlampos diyo tu ulu rin. ³¹ Nataman dan insumpalit si Hisus inluungan dan to kinabo no malalab hoy insaluuban to kougalingon no kinabo din woy in alap kandin diyo to libwasan woy inlansang to kurus. ³² To poglibwas dan, duon nalambagan dan no otow no taga-Sirini no ogngaran to Simon, no in-usunan dan to pogtiang tu kurus ni Hisus. ³³ Natamman, nokouma on kandan diyo to banwa nog ngaranan to Gulguta (no to kanta pad “Banwa to Nangapag-asan). ³⁴ Diyo inbobogayjan kandin to binu no insagulan to aporu. Hoy ug inomon din. Di so naantiyan din on soini, waro on kandin nig inom. ³⁵ Hoy inlansang dan on si Hisus diyo to Kurus, inbaad-baad dan on ka kinabo din, pinaybayjo to pogbabalo. ³⁶ Natammanan, naminuu kandan woy nigbabantayjan dan on kandin. ³⁷ No duon intagu diyo to ampow to ulu ni Hisus no karatula to nignangon moyitongod kandin no nigkagi to, “Iyan soini si Hisus no Hari to mo Hudiyu.’’ ³⁸ Duon daruwa no takawon no inlansang to kurus no duma ki Hisus. Ka sagboka diyo to igkakawanan woy ka dangob diyo to igkagibang. ³⁹ Ka mo otow no nanligad, nangolong-kolong woy insampit dan si Hisus: ⁴⁰ Koykow buwad ka otow no og gommas to tempulu woy ug tutukud to soin solod to tatolu no aldow? Ko koykow ka anak to Diyos luwasa nu ka kaugalingon nu woy lono ka dut to kurus? ⁴¹ Insumpalit mando kandin to mo agalon to mo pari woy talag-anad to balaud woy agalon to mo Hudiyu, woy nigkagi kandin, ⁴² “Naluwas din ka mo duma rin dika kaugalingon din waro din luwasa. Ko tinuud no kandin ka Hari to Israil kinanglan oglono kandin ligkat to kurus woy kag tuu ki kandin. ⁴³ Nigsalig kandin nog dumaan kandin to Diyus woy nigkagi to kandin ka anak to Diyus. Pitawon ta kuntoon ko og luwason kandin to Diyus." ⁴⁴ Agad ka mo otow no takawon no inlansang duma kandin nigsumpalit man do kandin. ⁴⁵ To moudto on, nig marusilom ka tibo no banwa to tatolu no uras. ⁴⁶ To alas teres to maapun nig-ulaluy si Hisus, "Ili-ili, lama sabaktani." Kanta pa, “Magbabayjo, Magbabayjo, manyo to in-ongkoran a nu?" ⁴⁷ To pogkarinog do to mo otow nansasindog kandan, woy nigkagi, inpangumow rin si Ilyas. ⁴⁸ No duon sagbuka no migpalaguy hoy nig purut to manggad hoy in olod dut maporos no binu woy intokayjow din oyjow ogkoinom ni Hisus. ⁴⁹ Hoy duon nigkagi, "Ko kow pa, ogpitawon ta kog hondini si Ileyas hoy ogluwason kandin. ⁵⁰ Nig ulaluy si Hisus woy namatoy on. ⁵¹ To soikan dod man no timpu, nagisi ka in olot du to timpulu ligkat diyot dibabow poiling diyo’t diralom. Woy nig linug woy napori ka mo batu. ⁵² Woy nanatukasan ka mo lobong, woy mohon-in ka namatoy no nango uyjag no mo koot-otawan to Diyus. ⁵³ Woy nanlibwas duot nig lobongan dan. ⁵⁴ Pog ka uyjag ni Hisus nig mangondiyo kandan to balaan no siyudad woy nakita kandan to mo otow. Ka kapitan to mo sundalu woy ka mo dumarin no nig gaat ki Hisus, amana nangaaldok to pogdinog woy to pogkakita ran to mo kain-inuwan no hitabu to poggimatoy ki Hisus, woy migkagi kandan, "Untul ma naan iyan no anak soini to Diyus." ⁵⁵ Diyo to mad mariyu duon mohon-in no mo buhi no nig pitow to nohitabu soini. Kandan ka nig sinundul woy nigtanol ki Hisus ligkat to Galiliya. ⁵⁶ Duma ran si Mariya Madalina, si Mariya no inoy ni Santiago woy ni Husi, woy ka asawa ni Zebedeo. ⁵⁷ Hongkayi tog kahapun on, duon nokouma no sapian no otow no taga Aritmatiya. Husi ka ngaran din no binasbas dod man ni Hisus. ⁵⁸ Nig hondiyo kandin ki Pilatu woy inbuyju din ka namatoy no lawa ni Hisus. Woy nigsugu si Pilatu no ig bogoy soikan ki Husi. ⁵⁹ Inpurut ni Husi ka lawa ni Hisus woy pigbodboran to bag-u no manggad no maputi. ⁶⁰ Duo bag-u no lobonganan si Husi no diyo to dalama no pighimu para to kaugalingon din; diyo din itagu ka lawba ni Hisus, woy pig lilid din ka dakol no batu woy nalokoban on ka lobong ni Hisus. Hoy nighipanow on kandin. ⁶¹ Si Mariya Magdalina woy ka sangoy rin no Maria, nig pinuu kandan woy diyo nigtangko to lobong. ⁶² Sunud no aldow, Aldow soikan to Tinghimoloy, nighondiyo ka mo agalon to mo pari woy ka mo parisiyu ki Pilatu. ⁶³ Woy nigkagi, "Agalon, nasuman-suman noy ka inkagi to waro pad namatoy sooyjo so ubaton no nigkagi to ogkouyjag kun kandin to igkatolu no aldow. ⁶⁴ Pabantayjan ka intaguan dut lawa ni Hisus solod to tatolu no aldow. Su atuk ko ogtakawwon ka lawa rin to mo binasbas din, woy igpan lalag no nauyjag kandin. No soini mohuri no ubat, og kohimu no amana pad no maroot du to ana-anayjan." ⁶⁵ Woy nigkagi si Pilatu kandan, "Duon mo bantoy now, bantoyi now on. ⁶⁶ Woy nangondiyo kandan to lobonganan woy nigtuusan dan ka lokob oyjow katagaan dan kog katukasan, woy inpatamongan dan on soini.