¹ Hoy nigkagiyan ni Hesus ka mo otow woy ka mo binasbas din, ² "Ka mo talag-anad to balaud woy ka mo Parisiyu iyan ka pigbogayjan to katongod to pogpasabut to balaud ni Muwisis. ³ Koy naan tumana now ka inkagi kaniyu. Hoy kono now himuwa ka oghimuwon dan so kono dan ug himuwon ko nokoy ka inpanganad dan. ⁴ Mabogat amana ka insanggat dan to mo otow di agad mismo do-isok waro kandan mog bulig para ug katuman ka mo tumanonon. ⁵ Himuwon dan ka tibo oyjow igpa-pitow ran to mo otow. Pitawa ko nokoy ka karakolan to pigholosan dan to mo sulat no mo birsikulu to kasulatan no ig pangotob to mo bukod woy bisti ran. ⁶ Ima ran ka diyo to pogko-onan kandan kag maka hun-a, hoy ka diyo to simbahan ⁷ ima ran no diyo kandan igpapipino-u to duon mo katongod. Ima ran to "Talag-anad to mo otow." ⁸ Kono kow ogngaranan to 'Talag-anad,' su nigsusulod kow man tibo, hoy sagboka ro ka talag-anad now. ⁹ Hoy kayi to kalibutan kono kow ngaran agad hontow kayi to ampow to tano 'ame' su sagboka ro ka Amo now diyo to langit. ¹⁰ Kono kow raan ogngaranan to "talag-anad" su sagboka ro ka talag-anad now; ka Kristo. ¹¹ Kono kow daan og ngaran to "Agalon" su sagboka pad kaniyo kinahanglan ogkoyimu no sulugu-anon. ¹² Kag palabilabi to pogko-otow rin igpadiralom, di kag padiralom to pogko-otow rin igpa-ampow. ¹³ Koyid-u ro iyan kaniyu no mo talag-anad to balaud hoy ka tibo no mo Parisiyu. Tigpoy-iling-iling kow! Nigbalabagan now ka mo otow no ima ran poron nog kasakup to pangulo to Magbabayjo. Anoy kow ro di waro kow mogpasakup, hoy ogsaparan now ka mo otow ima ran nog kasakup. ¹⁵ Koyid-u ro iyan kaniyu no mo talag-anad to balaud woy to mo Parisiyu. Ka pogtuu now to Magbabayjo tigbal do pogpatutuu. Nig agaw now ka kalaglagan to mo boyi no balo, woy tigbal do og patutuu no nig ampu para ogkabunbunan ka mo mado-ot no mo himu now. Tongod to soin, amana pad no masakit ka iglogpad kaniyu! Koyid-u ro iyan kaniyu no talag-anad to balaud woy to mo Parisiyu! Mo tigbal do ugpatutuu og pa alig-alig kow ro og tangkap kayi to kalibutan nog hinggat to mo otow dow aman nug kandan! ¹⁶ Koyid-u ro iyan kaniyu to mo talagkikit to mo butud! Diyo to timpulu, konad no kinahanglan nog tumanon din ka inpangunlibot din. Di kog pangunlibot kandin tongod to bulawan no duon to timpulu, kinahanglan nog tumanon din ka inpangunlibut din. ¹⁷ Mo butud woy mo angul-angul kow! hondoi man kag palabihon now! Ka bulawan woy ka timpulu? ¹⁸ Nig pang-anad kow ro no ka otow nog pangunlibot to altar, kono kinahanglan nog tumanon ka inpangunlibut din. Di kog pangunlibot kandin to intalapag duon to altar, kinahanglan nog tumanon din sooyjo. ¹⁹ To pogkabutud now on ba! Hondo-i kag palabihon now, ka talapag buwa woy ko ka altar? ²⁰ Koy naan kog pangunlibot ka diyo to altar, ogpangunlibot kandin to tibo no intalapag diyo to altar. ²¹ Ko ruo og pangunlibot diyo to timpulu, iyan din do ogpangunlibutan ka timpulu woy ka Magbabayjo no nig ugpo diyo. ²² No sooyjo nigpangunlibot to langit, no nangunlibot to turunu to Magbabayjo woy nig pinnuu kandin. ²³ Koyid-u ro iyan kaniyu to mo talag-anad to balaud to Magbabayjo hoy to mo Parisiyu! Sikaniyu ka ogpapitow-pitow ro! Nig bogoy kow to ogkasampulu no bahin to Magbabayjo iling to hirbabuwina, to anis woy kaningag. Di waro now tumana ka amana no importanti no mo anad woy to mo balaud. Su kono kow no mataldong, no kono kow no hihid-uwon diyo to duma, woy kono kow egkasaligan. kinahanglan egbogoy kow to ika-sampulu no bahin, di kono now balagara ka duma no anad. ²⁴ Kaniyo so mo butud no talagkitkit, ogsasalo kow to kiti-kiti now diyo to og-inuman now di og-abolong kow to honduon karakol to kamilyu no mananap! ²⁵ Mokohid-u hid-u kow so mo talag-anad to balaud to Magbabayjo hoy sikaniyo so mo Parisiyu! Su ka solod now naponu to pandoogdoog woy kaakot-akot. ²⁶ Sikaniyu so mo butud no mo Parisiyu! Hun-aa now limpiyuhi ka solod to baso woy to palatu woy ko ogkalimpiyuhan daan ka gawas to soini! ²⁷ Makohid-u-hid-u kow so mo talag-anad to balaud to Magbabayjo woy so mo Parisiyu! Sikaniyu so ogpapitow-pitow ro! Egkoiling kow to lobonganan no pinatikan to maputi no maroyjow no ogpitawon ka libwasan di diyo to solod naponu to mo bokog to mo patoy woy maligsom. ²⁸ To sikan naan ka ogkoilingan now so mataldong no di ka solod naponu to pogpakitakita hoy to salo. ²⁹ Mok- hid-u hid-u kow so mo talag-anad to balaud to Magbabayjo hoy si kaniyu so mo Parisiyu? Su ogpapitow-pitow ro! Indoroyjawan now to lobonganan para to mo mataldong no otow. ³⁰ No nig kagi kow man, ko kanami nog ugpo kow to panahun to kaawpuan ta kono ki poron og paka-amung-amung kandan to pogpangimatoy to mo purupita." ³¹ Kaling ka pig-angkon now no kabuwaran kow to sikan no mo otow no nigpangimatoy to sooyjo no mo purupita! ³² Na parayjona now on ka in bunsuran to mo kaap-apuan now. ³³ Mo uwod, no mo anak to uwod! Ogmonuwon now to pogpanaliyu no kono kow ogkalogparan diyo to linow no hapuy? ³⁴ Sikan iyan kagiyan ku kaniyu. Paalapan ku kaniyu to mo purupita no maagsob no mo oto. Hoy mo talagpanulu to balaud to Magbabayjo. No ka duma kandan ogpangimatayjan now hoy inlansang to kurus. Hoy ka duma ogpanlamposan now diyo to simbahan hoy ogpanlupugon now kandan diyo to naloin-loin no mo ingod. ³⁵ Sikan naan ka ogkarakosolan kow to logpad tongod to poghimatoy to tibo no mataldong no mo otow, sukad pad nohun-a to pog himatoy ki Abel no waro salo woy to poghimatoy ki Sakariyas no anak ni Barakiyas. No inhimatayjan now diyo to taliwaro to altar woy to timpulu. ³⁶ Og-kagihan ku kaniyu to malogot ka tibo no iglogpad duon, ogkanoom-nooman iyan to mo otow to kuntoon no panahon. ³⁷ O sikaniyu so matig-Hirusalim no nig pangimatoy to mo Purupita hoy nigpamanggal to sooyjo so inpohonduon to kaniyu. Kamohon-in ad on poron ogkahibulung kaniyu, iling to sagboka no inayjan no nig pangalopkop to mo piyak din, di waro kow naholo. ³⁸ Kuntoon ongkorin now on gotongi ka siyudad now. ³⁹ Su ogkagiyan ku sikaniyu, kono kow og pakita kodi taman to ogkagi kow on, "Ogdayjanon sikandin so inpohondini to Magbabayjo no Amoy ta."