¹ Diyo inlosut si Hisus to lungsud to Bitlihim no sakup to purubinsiya to Hudiya. No si Hirudis pad ka Hari to soini no timpu. No duon mo otow no og katou no ug pitow to bituon no diyo ligkat to dapit to igsilo no nokooma diyo to Hirusalim no nig inso, ² "Hondoi ka bato no nootow no iyan ogkoyimu no Hari to mo Hudiyu? Nakita noy ka bituon no diyo dapit to igsilo no iyan indanan to pog losut din. Di nangondini koy oyow to pog simba kandin.’’ ³ To pogkarinig ni Hari Hirudis, waro kandin naajon-ajon duma te langun no otow to Hirusalim. ⁴ Di impalimud din ka langun no mo pangulu to mo talagpanubad woy ka mo talagpanulu to balaud to Diyos woy mig insoan din ko hondoi og lusot ka Kiristo. ⁵ No migtabak sikandin, ‘Diyo ig lusot kandin to lungsud to Betlihim no sakup to purubisiya to Hudiya, so soini ka nasulat to poropita to Diyos: ⁶ ‘Ka Betlihim no sakop to Hudiya, ka mabantug to langun no lungsud duon to Hudiya, so diyo ligkat ka agalon no mandu to kaow otawan ku no mo kabulahan ni Israil.’’ ⁷ To pogkarinog ni Hirudis, to sikan impaipanow rin o to holos ka mo otow no ogkatou no ug pitow to bituon, woy mig nengnengan din ko kon-o miglupow ka bituon no nakita ran. ⁸ Nataman, inpoundiyo din sikandan to Bitlihim to migkagi, ‘hondini kow woy ay-ayari now to ogpamitow ka bato. No omun ko ug kakita now sikandin, nanguno a now ru ojow songog mo kohondiya aru to pog simba kandin.’’ ⁹ Pogkapunga to Hari to miglalag, nangipanow o sikandan, umba no kamulo pad sikandan no ug hipanow, duon o man un ka bituon no nakita ran diyo dapit to igsilo. No soini naa ka in-ikul ran taman to nalongoran diya to na ugpaan to bato. ¹⁰ Amana sikandan naholoholo to pogkakita ran to Bituon? ¹¹ Topogsulod dan to baloy,nakita ran ka batu duma to inoy rin ne si mariya. No nigluud si kandan woy nig simba ran ka bato. Nataman,migbulakasan dan o ka mahal no in alap dan woy inbogoy ran o diyo to bato ka mo dasag dan no bulawan, insinsu woy mira. ¹² Hoy te pog uli dan o, diyad si kandan migbayo to luin no dalan tungod su nig na ngonan si kandan to Diyos pinaagi to karuot no kunad o ugpaliburan diyo to ki Hirudis. ¹³ To nangipanow o ka ogkatou no magaliyog, duon panalihan to Magbabayjo no Diyos no migpakita ki Husi pinaahi to karoot no migkagi,’ ‘Unow ka, alapa nu ka manggianak, woy awo kow diyo to Ihiptu. No diyo kow naan pa ugpa taman to ig pauli kud kaniyo, su pamitawon ni Hirudis ka bato uyjow ug himatayjan.’’ ¹⁴ Woy nig unow sikandan in poundiyo to Ihipto. ¹⁵ No diyo pad nig ugpa si kandan taman to namatoy on si Hirudis. Nayitabo ka iling kayi oyjow ogkatuman ka ingkagi to magbabayjo no Diyos pinabayjo to prupita no nig hunduon, ‘Mig-umow ku ka anak ko puon to ihipto.’’ ka poggimatoy to mo bato. ¹⁶ No nig kagotkot ka langot ni Hirudis to pogkamaan rin no in nalibatan si kandin to mo otow no no ogkatou no nigpamitoon. Kaling mig sugo sikandin no pahimatayjan ka tibo no mo bato no lukos diyo to Betlihim woy to marani no mo bariyu puun to iyan pad nig lusot poondiyo to daruwa nu tuig no mo bato, su nakaligdong sikandan ne migdaruwo o ne tuig ka kariyuan puun to nakita ka bituon to soini so ogkongaton no ogpamitoun. ¹⁷ Pinabayjo to sika no nayitabo, natuman o ka inkagi ni puropita Hirimiyas no nighanduon: ¹⁸ ‘Duo lagong no ogkarinog diyo to Rama, ne og sinugow woy pabibigtow, woy pandawit si Rakil tungod to mo anak din. No kono iyan sikandin ogkuhuluan, iyan su nonammatoy ka mo anak di.‘ ¹⁹ No hundini to migpatoy o si Hirudis, migpakita ka balaang Espirito to Magbabayjo no Diyos ki Husi pinabayjo to karuot to diya pad sikandan to Ihiptu. Migkagi ka balaang Espirito, ²⁰ ‘'Onuw ka. Dumaa nu ka talaanak, woy uli kad diyo to Israil, tungod su migpatoy o ka otow no ogkoupian no oggimatoy to bato.’’ ²¹ No mig-onow si Husi woy migduma rin o ka talaanak to mig-uli diyo to Israil. ²² Hoy to pogkarinig din no si Arkilaw o ka Hari te Hudiya in liwan to amoy rin, nahaldok o sikandin no og hundiyo. Nataman, impanpanayan o man-o sikandin to Magbabayjo pinabayjo to karuot din no og puondiyoon to prubinsiya to Galiliya. ²³ No diyad o sikandan mig-ugpo to lungsud to Nasarit. Di natuman o ka inkagi to mo prupita moyitungod te Kristu nighonduon, ogngaranan sikandan to matig-Nasarit.’’