¹ Doon mo Parisiyu hoy mo sadusiyu no nigparani ki Hisus. Nigboyjo kandan no ogpapitow to koin-inowan no egligkat to langit oyjow to pog-ulog-ulog kandin. ² Di nigtabak si Hisus, "Ko ug salop on ka aldow, ogkagi kow, 'Maroyjow ka panahon sug pamalawag ka langit.' ³ To pogka-masolom ogkagi kow, on to og-uran kuntoon su malalab ka langit woy ogpamalawag. Makatagno kow on to panahun pinabayjo to pogpitow to langit. Di mani to kono kow ug pakasabut to kahubaran to soin panahon? ⁴ Ka mgo otow kuntoon no panahon amana no mabagad-bagad warad kahaldok to Magbabayjo. Hoy nigtimul si Hisus to nig kagi. Nigboyjo sikandan to koin-inuwan di waro ipapitow kandan angin on to koin-inuwan no noytabo ki Hunas no sagbuka no puropita. Taman nig awo un si Hisus. ⁵ Nakadoypag on ka mo hibatoon ni Hisus diyo to doypag to lanow. Di nalingaw kandan tog aap to pan. ⁶ Nigkagiyan ni Hisus kandan, "Tanod-tanod kow pitow ko to igpatulin to pan to mo parisiyu hoy mo sadisiyo." ⁷ Di nigpaguguroy ka mo binasbas nigkagi, "Nakagi rin sikan so waro ki naka aap to pan." ⁸ Di nanongnongan ni Hisus ko nokoy pig pan kagi dan, hoy naan pigkagiyan din si kandan, "pugkadoisok to pogtuu now! Maniyo to ogkasasow kow to pogkalingow now to ugkakoon? ⁹ Waro kow pad ma naan naka sabot? Waro niyo nasuman-suman ka lalima no pori no pan no inpakoon ku to lalima no libu no otow nakalimud kow pad sampulo woy daruwa no liyang no nasamu? ¹⁰ Wa now naan nasuman-suman sooro pito no pori no pan no inpako-on ko to hop-at no libo no mo otow no nakalimod kow pad to pito no liyang nasamo? ¹¹ Wa now naan nasabot to kono no pan ka inpasabot ku, inkagi ko tanud-tanud kow to inparakol to pan to mo parisiyo woy to mo sadusiyo?" ¹² Human dan pad nasabot no kono manaan no parakol to pan kag patantanuran kandan, ko kono pogpanulu nanaan to mo parisiyu hoy to mo sadusiyu. ¹³ Hoy nig hondiyo si Hisus to ingod to Sisarya Pilipus woy nig insaan din ka mo hibatoon din no nigkagi, "Hontow kun naa ka Anak to otow sumalo to mo otow?" ¹⁴ No nigtabak kandan, "Ka duma nigkagi no si Huwan taag bawtismo. No nigkagi ka duma no si Ilyas kun. No ka duma raan nigkagi no si Hirimiyas kun, hoy ka sagbuka naan kandin to mo purupita." ¹⁵ Nig insu si Hisus kandan, "Di ko kaniyo kag pakagihon hontow naan?" ¹⁶ No nig tabak si Pedru, "Koykow iyan ka Kiristu, ka anak to manokal no Magbabayjo." ¹⁷ No nigkagiyan kandin ni Hisus, "Iyan ka mampu Simun no anak ni Hunas, so kono no otow ka nigpataga koykow soin, ko kono ka Amo ku no diyo to langit. ¹⁸ Nokoy naan ognangonan ku koykow si Pidru to ampow to soin bato, igpasasindog ku ka simbahan to mo magtutuu kanak agad ka mo gawom to kamatayjon kono ugmakaro-og to soin. ¹⁹ Hoy igbogoy ko koykow ka yabi diyo to nighari-an to Magbabayjo, no agad nokoy no kono nu igtugut kayi to ampow to tano kono no daan igtugut diyo to langit, hoy agad nokoy ka igtugut nu kayi to ampow to tano igtugut nu daan diyo to langit." ²⁰ Hoy inpatahanan ni Hisus ka mo binasbas din no kono igpanggugud no kandin ka Kristu. ²¹ Ligkat to sooyjo no timpu, impasabot on ni Hisus ka mo binasbas din no kinangolan no oghondiyo kandin to Hirusalim hoy og-antus woy pabadbayjaran kandin to igbuyjag to mo Hudiyu, to mo pangulu to mo talagpanubad ruo to mo talagpanulu to balaud to Magbobayjo. Ighimatayjan kandin woy ogkouyjag to igkatolu no aldow. ²² No migwoil-woil si Pidru, impasuwoy rin on si Hisus hoy insaparan din to migkagi, “Suwang-suwang! Magbobayjo, kono ogkaayjun no ogkoyitabu sika duon to koykow!” ²³ Piru migbalikid si Hisus hoy migkagiyan si Pidru, “Awo ka ruo Moibulan! Ogpakabalabag ka koddioy; su kono no Manama ka indapihan nu, ko kono, ka mo otow!” ²⁴ Nataman, migkagiyan on ni Hisus ka mo binasbas din, “Ko hontow sooyjo so og-ikul kanak, kinangolan no og-ongkod to kandin no igkoupii hoy egtiang to kandin no kurus hoy og-ikul kanak. ²⁵ Su sooyjo so ogkoupian no ogluwas to umul din, nasi ogkawaraan kayi, piru sooyjo so ogkawaraan to kandin no umul tongod koddioy, ogpakarawat to umul no waro ogtamanan. ²⁶ Hoy duon ba ogkapurut angkon to otow ko ogkaangkon din ka tibuuk na kalibutan di ogkaawoan to kinabuwi din? Waro iyan! Waro igkabogoy no agad nokoy to otow oyjow og kahawwi din ka kandin no kinabowi. ²⁷ Su ka anak to otow hapit on og mokouma duma to himaya to Amo din og durumahan to mo diwwata rin hoy hakowan og balosan din ka matag sagboka sumalo to nabuwat din. ²⁸ Sumsumana now soin, duon pipilohon kayi no kono og kamatoy taman nog kakita ran ka anak to otow nog poko-uma oyjow no oghari."