¹ Mo langog kow on iyan no mo taga Galacia! Huntow man kanig lamat kaniyo no puron nig nangunan kow on man puron to kamatayjon ni Hisu Kristu diyo to krus! ² kuntoon og panginsa a kaniyo natiwnuo now on buwa ka Esperito to Diyos pinabayjo to pog tuman to balaod hoy pinabayjo to pog paminog hoy to pog too to maroyjow no balita. ³ Waro sumsumanan now! Nig bunsod kow to Esperito to Diyus. Kaliyag kow no og taposon soini pinabayjo to koogalingon now no Gaum? ⁴ Kuno kow kagi no waro do doon boot pasabot kaniyo ka tibo now no nabayjaan. ⁵ To pogtalad to Diyos kaniyo to Esperito hoy to poghimo rin to mo ko in inowan diyo to kaniyo, inhimo din soini tungod so kaniyo nig tuman to balaod hoy ko tungod so naminog hoy nig too kow to maroyjow no lalag? ⁶ Soini ka in kagi to kasulatan mohitungod ki Abraham. Nigtoo kandin to Diyos hoy tungod to pagtoo nig tinawuo kandin to Diyos anak no matarong. ⁷ Koynaan ka kinangulan no og kahaga kow no ka otow no doon pogtoo iyan totoo na kaliwat ni Abraham. ⁸ Ka kasulatan tahan on nig kagi no ka Diyos nig sumansuman to mo Judio no mo tarong pinabayjo to pogtoo. Koynaan ka kasulatan nanlalag on tahan to maroyjow no lalag Diyos ki Abraham; Pinabayjo koykow ka Diyos og panalangin to tibo no otow dinit ingod. ⁹ Nigtoo si Abraham hoy nanalanginan kandin koynaan ka tibo no nigtoo og panalanginan mando. ¹⁰ Ka nig salig to pogtuman to balaod og kohimo no tinonglo so ka kasulatan ni’g kagi, tunglohon to Diyos ka kunog tuman to tibo no insugo to balaod. ¹¹ Koynaan ka kalaro amana no waro otow no og sum sumanon to Diyos no matarong pinabayjo to balaod so ka kasulatan nigkagi, ka in sumansuman to Diyos ka matarong og kabuwi to pogtoo. ¹² Di ka balaod waro nig agad to pogtoo so ka kasulatan nigkagi, ka og tuman to tibo no insogol to balaod og kabowi pinabayjo to soini ¹³ Di nig porot ki ni Kristo ligkat to tunglo to balaod pinabayjo to poghimo to koogalingon no tunglo tungod kanta so sumalo to in kagi to kasulatan, tinunglo to Diyos ka agad hontow no og ogot. ¹⁴ In himo soini ni Kristu oyjow og panalanginan no in nangon to Diyos diyo ki Abraham igbogoy diyo to konon mo Judio pinabayjo ki Kristu Hisus oyjow og kakowo ta ka in nangon to Esperito to Dios pinabayjo to pogtoo. ¹⁵ Mo sulod, doon sagboka no sampitan, ko ka sagboka no sabot no oyjanan on, warad on og maka dugang pad to soini. ¹⁶ Ka mo saad to Diyos diyo ki Abraham hoy to kaliwat din. Waro nigkagi ka kasulatan hoy to mo kaliwat no. Noko kanta pa sagboka no mo otow no si Kristu. ¹⁷ Soini ka ig pasabot ko ka Diyos nighimo to kasabotan hoy nigsaad kandin no og tumanon din ka balaod no in talad human nig ligad ka 430 no tuig, kuno ug maka bulag to kasabotan hoy og mokohimo no waro polos ka saad to Diyos. ¹⁸ So ka in talad pa to Diyos nig tuman to balaod, warad soini nigtuman to Diyos di inhalad to Diyos diyo ki Abraham so in saad din man soini kandin. ¹⁹ Maniyo man to intalad ka balaod? Indayjon soini oyjow to pogmaan soini to mo salo hoy og pabilin soin taman to uma to kaliwat ni Abraham ni iyan in saaran, ka balaod in talad pabayjo to diwuata no nig pataliwaraan to otow no iyan og pataliwaro. ²⁰ Ka og pataliwaro kinangulan do ko doon darowa no otow di ka Diyos sagboka ro. ²¹ Nigpasabot buwa no ka balaod supak to Diyus? Waro? Ko duon pa intalad no balaod no makab no og makabugoy to kinabuwi to mo otow, kohimo puron no mamatarong poron ka mo otow totangkaan to Diyos pinabayjo to balaod. ²² Di sumalo to kasulatan, ka tibo no ingod nadiralum to gaum to salo oyjow ka og too makaporot to gasa no insaad pinasikad to pogtoo ki Hisu Kristo. ²³ To waro pad nig-uma ka pogtoo, napiriso ki to balaod taman to ig pakita to soini pogtoo. ²⁴ Koynaan ka balaod iyan nig alap kanta taman to pug uma ni Kristo oyjow og sumsumanon ki no matarong to Diyos pinabayjo to pogtoo. ²⁵ Di kuntoon no doon on ka pogtoo, ka balaod kunad iyan og alap kanta. ²⁶ Pinabayjo to pogtoo kaniyo tibo nohimon Anak to Diyos, to pogsaboka now diyo ki Kristo Hisus. ²⁷ Inbuyagan kow oyjow og kasagboka kow ki Kristo koy naan ka og maka ambit ko to batasan ni Kristo. ²⁸ Koynaan ka warad ka loinan to mo Judio hoy to konon Judio, ka mo oripon hoy ka kono, ka mo lokos hoy kamo malitan so nasagboka kow on man diyo ki Kristo Hisus. ²⁹ Ko si Hisus ka kamonoy kaniyo, kaliwat kow ni. Abraham hoy og kaporot now ka saad to Diyos.