¹ Indakolan kot goynawa nu Tiyupilo, to nohun-a ko nu libro insulat ko ka tibo nu inpanghinang hoy inpaninuro ni Hisus ligkat pad to pogbugdang din to kandin nu himowonon. ² Hantod to panawon nu in-alap kandin diyo to langit. Ponga to pogkamatoy din hoy to pogbaton kandin, ³ mohon-in nu timpo nu nigpakita kandin to nigkaloin-loin nu paagi to mo tinounan oyjow ogpoila nu inbaton kandin ligkat to kamatayjon. Sulod to kohop-atan nu aldow nigpakita si Hisus kandan hoy inkagiyan din kandan mayitongod to poghari to Diyos. Hoy to waro pad kandin nigbaton diyo to langit. Duon on mo sugo din nu inbilin to mo pinili din nu tinuonan. Sikan nu mo sugo inbogoy din pinabayjo to gawom to Ispiritu Santu. ⁴ Sagboka to sikan no panawo tagood nigkuon si Hisus loyjod to mo tinuonan din nigkagi si Hisus, "Kuno kow pad ongkud to Hirusalim. Tagari now ka Ispiritu Santo nu insahad to Diyos no Amoy, nu inkagi ko kaniyo nohon-a. ⁵ Nanbawtismo si Huwan to woyig, di to kuno og kalugog ogbawtismohan kow to Ispiritu Santo. Sagboka nu timpu to sikan, taguod to nig lilimod kandan, in insoan dan si Hisus, "Magbabayjo, iyan on ba soin nu panawon nu igpalindog nu tog libod ka gingharian to Israil." ⁶ Sagboka nu timpu to sikan, taguod to nig lilimod kandan, in insoan dan si Hisus, "Magbabayjo, iyan on ba soin nu panawon nu igpalindog nu tog libod ka gingharian to Israil? ⁷ Nigtabak si Hisus, "Waro nigsugot ka amoy nu og katagahan now ku kagan-o og koyitabo ka mo butang nu intagana. ⁸ Di to pog-uma to Ispirito Santo diyo to kaniyo ogbugayjan kow to gawom. Hoy igpangkagi now ka mayitungod kanak, dini to Hirusalim, to tibo nu porobinsya to Hudiya hoy Samariya, hoy to tibo nu ingod." ⁹ Pogkaponga din tog kagi to soin, inbaton kandin diyo to langit. Hoy tagood to namitow kandan ki Hisus nu inbaton, inlilingotan kandin to salagapon hoy nalaag to mata ran si Hisus. ¹⁰ Tagood to ongod kandan ogpitow diyo to langit, kalit natukow kandan su duon on daruwa nu lukos nu nigsasindog marani kandan hoy nakakinabu to maputi. ¹¹ Hoy nigkagi ka darowa nu lukos kandan, "Kaniyo nu mo taga-Galilya, maniyo to nangsasindog kow pad hoy niglunghag to langit? ka Hisus nu nakita now nu in-alap diyo to langit oglibod dini to ingod. Ku in muno kandin in-alap diyo to langit, iling du ka poglibod din dini." ¹² Pogkaponga to sikan, nanglibod ka mu tinounan diyo to Hirosalim ligkat to bubungan to mo Olibo. Soin nu bubongan mo sagboka nu kilomitro pad ka kariyu-on ligkat to siyudada to Hirosalim. ¹³ Pogdatong dan diyo, nigpamanoyik kandan to sumpol diyo to ampow nu baloy nu lopawban dan. Kandan si Pidro, Huwan, Santiyagu, Andris, Pilipi, Tumas, Bartulumi, Matiyu. Santiyugo nu anak ni Alpiyo, Simun nu ribildi nahun-a to Ruma hoy si Hudas nu anak ni Santiyagu. ¹⁴ Kanonoy kandan oglilimod-limod oyjow og ampo. Songo duma ran ka mo pipilohon nu mo malitan apil on si Mariya nu inoy ni Hisus, hoy ka mo sulod din nu mo lukos. ¹⁵ Sagboka nu aldow to sikan, tagood niglilimod-limod ka mo songo-gatus hoy kaluwaan (120) nu mo tumutuo, nigsasindog si Pedro hoy nigkagi. ¹⁶ "Mo sulod, kinahanglan ogkatuman ka inkagi to kasulatan nu intagna to Ispiritu Santo nuhon-a nu panawon pinabayjo ki Dabid. Moyitungod soin ki Hudas, nu iyan nigtuon to mo nigdakop ki Hisus. ¹⁷ Duma doy kandin nu tino-unan nu inpili ni Hisus, hoy duma kandin to mo himounon doy." ¹⁸ Di nigbuli si Hudas to tanu gamit ka salapi nu nadawat din to maroot din nu hinang, hoy diyo nuolog kandin nu nighun-a ka ulo. Nigbodlas ka gutok din hoy nanlibwas ka mo bitoka. ¹⁹ Natagahan soin to mo otow nu taga Hirusalim, nukoy naan ka inngaranan dan sikan nu banwa to Akildama, no ka pasabot, "Tanu nu nalangosahan." ²⁰ Nigkagi mando si Pidro, nasulat diyo to Salmu, balagaron on ka in-ugpoon din, hoy waro on ogpaogpuon diyo hoy songo nasulat diyo, ibugoy on to doma ka katongdanan din. ²¹ Nukoy naan, kinahanglan nu ugpili ki to sagboka nu otow nu igtimol kanta nu sampolo hoy sagboka (11) nu tinu-onan. Kinahanglan nu sagboka kandin nu og duma kanta nu og alagad ki Hisus nu Magbabayjo taguod dini pad kandin to ingod, ²² ligkat to pogbawtismu ni Huwan hantod to panawon nu in-alap si Hisus diyo to langit. Su kinahanglan nu ugtitigus kandin duma kanta mayitongod to pogbaton ni Hisus. ²³ Nokoy naan ka daruwa nu lukos ka pilian dan. Si Matiyas hoy si Hosi nu in-ngaranan ki Barsabas (o Husto). ²⁴ Hoy nig-ampu kandan, "Magbaybayja, koykow ka nataga to goynawa to tibo no mo otow. Ipapitow nu kanami ku hundoi to soin darowa ka og pili-on nu. ²⁵ Nu og himuwon nu tinu-onan puli ki Hudas. So in ongkuran ni Huwan ka tarabawo din nu sagboka ka nu tino-uhan, hoy nighundiyo kandin to banwa nu og ganahan din." ²⁶ Pogkaponga dan tog ampu, nigbabalu kandan. Hoy ka napilian si Matiyas. Si Matiyas ka intimol to sampulu hoy sagboka (11) nu tino-unan.