¹ Di duon kono tutuu Purupita, mokohondiyan to kaniyu ka kono no tutuu ogpanulu, ogpanlalag kandan to ubat hoy makadaat no katounan hoy kono dan ogtuuwan ka agalon. No nigluwas kandan, koy naan ka ogmokouma diyo to kandan ka karaatan. ² Agad pad to soini, mohon-in ka og-unog do to kandan no hinang no maroot koy naan ka ogsumpaliton to otow ka tutuu no dalan. ³ To kahanhanon dan ogpohimolosan kow to mo kono no tutuu no ogpanulu pinabayjo to pogkagi to hinimu-himu no lalag. Nalugoy on kandan ka kamatayjon. ⁴ Waro mohoy-uwi to Diyus ka Diwata no nakasalo. Inbanggal kandan diyo to hapuy hoy inpiro taliwaro to karusilom toman to aldow no poghukum. ⁵ Waro kohoy-uwi to Diyus ka tahan no ingod. Inpalanogan din nasi tongod to kaddoot to hinang to soini no mo otow. Ka inluwas din si Nuwi no nigwali to kamatuuran hoy ka loin no pitu no otow. ⁶ Inlogparan to Diyus ka banwa to Suduma hoy Gumura pinabayjo to pogsilab to soini hoy inhimu soini paanatan to ogkohitabu hangkuwan do to otow no mad-doot. ⁷ Di inluwas din si Lut, sagboka no otow no matarong no naaras amana tongod to karootan to mo otow. ⁸ To duon nig–ugpo pad si Lut duma kandan, nigkita rin ka karoot hoy nigdinog ka maddoot no hinang koy naan ka nahasul amana ka matarong din ka gimukud. ⁹ Ka Diyus on ka balagad no ogluwas do to poghukum. ¹⁰ Hilabi on do to nigparoog to kougalingon no koibog hoy wa nigtuman to uturidad. Ka soini kono tutuu no ogpanulu kono ogkahaldok no ogdaraat to mo langit no hinang. ¹¹ Ayro ka mo Diwata no amana pad gaumanon to soin kono no tutuu no ogpanulu di waro nakaako to poghukom kandan pinabayjo to pog–insultu to tangkaan to Diyus. ¹² Di soin no mo otow nighimu sumalo to batasan dan anat to diyo tano no ayjam no in–anak oyjow ogdakupan hoy og–iyawon. Nigsumpalit kandan to mo butang no waro dan natugohi. Koy naan ka oghimatayjan kandan anat to ayjam no diyo to tano. ¹³ Oglogparan kandan tongod to poglogpad dan to duma. Kaliyag dan ka oghimu to himonowon to talaasawva no ogmakatagbaw to lawva agad maaldow. Mangil-hoy hoy makasisi pod amana ogpakigtugon kandan kaniyu so nigparayjon man kandan no nangubat to duma ran no otow. ¹⁴ Waro loin no inpamangno ko kono iyan ka mo boring no malitan su kono kandan ogkatagbaw no ogpakasalo. Pasuloran dan ka mo mohomol to lit-ag dan hoy ka pusung dan naanad to han-ha. Linog paran kandan to Diyus.” ¹⁵ Ka ognangon no si Hisus anak to Diyus. Kandin duon to Diyus hoy ka Diyus duon kandin. ¹⁶ Koy naan ka nataga ki hoy nigtuu no indakolan ki to goynawa to Diyus. ¹⁷ Inmalogot din to kanta ka goynawa oyjow ogmalogot ka kanta no ka balot to Aldow to poghukum su ka kinabuhi ta dini to kalibutan anat on man to kinabuhi ni Kristu. ¹⁸ Waro kahaldok duon to gugma: Ka gugma malogot no og–umow to kahaldok. Koy naan kuntoon ogkahaldok ka otow, waro pad namalogot ka gugma duon to kandin su ka kahaldok duon man labot to silut. ¹⁹ Naliyag ki to Diyus su Diyus iyan man hun-a naliyag kanta. ²⁰ Ko duon ogkagi, naliyagan ku ka Diyus, di nigdomot kandin to anat din no otow, ubaton kandin, monuwon din man to ogliyag to Diyus no waro din kita ko waro kandin maliyag do to duma rin no ogkitoon din? ²¹ Maroyjow pad poron ko waro pad kandin nataga to matarong no dalan kono to natago-on no nig–ongkod to balaan no sugu no intalad kandan. ²² Ka nohitabu kandan nigpatamood to koyigonon, ka aso ogkoon dayjon to ilob din hoy ka babuy no tapos on digosa dayjon oglolobi to tano.