¹ Kaniyu no mo igbuyjag to mo tumutu-o, duon igkagi ko kaniyo, no iling mando to sagbuka no inbuyjag, no kanak iyan, nakakita to pog kabayjari ni Kiristu hoy og katalaran a to kabantug din to igpakito on kandin, ighulo-hulo ko kaniyo no. ² Og tanonol now ka mo otow to Diyos no indihal kaniyo. Kaanat kandan to ayjam no karnero hoy kaniyo kaanat mando to talagtanol to soikan. Ko og tanolon now kandan og ligkat iyan to guynawa now so iyan soikan kabubut-on to Diyos, kono so og kapogos kow ro hoy og iman-iman kow nog suhulan, ko kon goynawa now iyan no ogmaka bulig kandan. ³ Kono kow ma bulut-bulot to mo otow no in inpiyal do kaniyo, ko kono og koyimo kow no maroyjow no larawon kandan. ⁴ Hoy ko og lapow on ka Agalon to talagtamong to karniru no iyan si Hisu Kristo. Ogpakarawat kow to amana doroyjawi no korona no kono og kaaw-wo, ⁵ Kaniyu mando no mo lukos-lukos no og paruma-ruma kow to mo igbuyjo now, no kaniyu tibo, no pagad-agad kow to tag sagbuka su nasulat o diyo to kasulatan kuntoon to Magbabayjo ka mo hambugon, di og buligan din ka mo otow no og paagad agad. ⁶ Koy naan paagad-agad kow diyo to Magbabayjo no amana no maroson oyjow alamon kow kandin pog hinguma to timpu. ⁷ Indihal now ka tibo now no katalong so intalong kow kandin. ⁸ Pitow kow hoy kono kow lingow-lingow suka ka kablang ta no iya ka yawa no ongod og lingot-lingot kaniyu og ogkaanat to Liyun nog lalangkob no og pamitow tog panankulaw-wan adin. ⁹ Tuguti now ka og tuu now hoy atuwi kandin so nataga kow no ka duma now no nig man tuu di to kalibutan oig antiyan daan to iling no mo pog antus. ¹⁰ Ka Magbabayjo no ogligkatan to tibo no panalangin ka nig alam kaniyu oyjow ogmakarawat ko to waro ogtamanan no ka himayaan din no iyan ka pog sagbuka tad ki Kristu. Kandin on ka balagad, og huguton din ka pog tuu now, hoy og hirosonan kow kandin oyjow kono ogkawoil ka pog tuu now. ¹¹ Kandin ka gawom taman tog katamanan! Tutu-u iyan. ¹² To pog sulat ko to soini malupot do no sulat, pig buligan a ni Saulo no domdom kod no matinumanon no sulod, no tuud to soini no sulat no og bag-goton hoy igpama-an kaniyo no tutu-u iyan ka kayid-u to Diyos. Hirosoni now naan soikan. ¹³ Ka mo sulod no no nig mantutu-u diyo to Babilunya no pig alam mando to Diyos, no nanginso-inso kaniyo anat mando ki Marcus no Anak ko. ¹⁴ Pog pangumustooy kow ka tagsagbuka to pogpa pitow no nig mool-ologay kow. Ka Magbabayjo og bogoy to karoyjawan kaniyu to nasagbuka on duon ki Kristu.