¹ No ogsumsumanon ta ka kadakoli to pog-olog kanta to Amoy ta no Magbabayjo! Og omawon ki no Anak din, hoy tutu-u iyan soini. Waro nokoila ka mo otow kayi to kalibutan su waro man kandan nokoila to Magbabayjo. ² Mo sulod ko no indakolan ko to goynawa, kuntoon mo anak kid to Magbabayjo. Di wa pad ipahitaga ko ogkaomono to huriyan no mo aldow. Ka natagahan to no unba ko ogpokouma on si Kiristu ogkaanat kid kandin, suogkakita tad man iyan kandin. ³ Koy naan no ka nongootow no duon pog-iman no ogkaanat to soini diyo ki Kiristu kinangolan no ogtularongon din ka kandin no pogpalintutu-u hoy pogkinabuyi. ⁴ Su agad hontaw no nigpakasalo waro nigtuman to mo sugu to Magbabayjo, su ba nighimu to salo iyan ka waro nigtuman to mo sugu to Diyus. ⁵ Natagahan ta no si Kiristu waro iyan salo din, di nighondoni kandin to soin no kalibutan oyjow no ogka-awo ka mo salo ta. ⁶ Koy naan no ka mo otow no nigpalintutu-u diyo ki Kiristu konad iyan ogdayjon no oghimu to mo salo waro iyan nakakita hoy ila to Magbabayjo. ⁷ Mo anak ko, ko kow ogpamminog to agad hontaw no ogpan-akal kaniyu! Ka mo otow no oghimu to maroyjow ogpoila no matarong iyan kandin, ogkaanat ki Kiristu no matarong on iyan. ⁸ Di ka mo otow nigdayjun nighimu to mo salo, abin on iyan Satanas, su ka Satanas nighimu on to salo puun pad to bunsuranon. No tongod to sika, no anak to Diyus nighondoi oyjow to poggugus to mo hinimuwan ni Satanas. ⁹ Ka mo otow no noyimu on to no anak to Diyus duon on ma to kandin. Hoy tongod su ka Diyus iyan on man amoy ta, konod on kabaoy no ogdayjon ki pad oghimu to salo. ¹⁰ No to ogkaanat to soini ogkoylaan to iyan ko hontong ka mo anak to Diyus hoy ko hontow daan ka mo anak ni Satanas: Ka mo no waro nighimu to maroyjow hoy ka ko waro pog– alog din to mo sulod din kono no anak to Diyus. ¹¹ Iyan soin ka mo pogpanulu no nandinog now to puun pad to nigpalintutu-u kow: No kinangolan iyan no ogmool-ol-logay ki. ¹² Konon maroyjow no og-iling to si Kain. Su si Kain sakup ni Satanas, su inhimatayjan din ka sulod din. Mani to inhimatayjan din man ka sulod din? Su ka mo hinimuwan maroot di ka sulod din matarong. ¹³ Koy naan mgo sulod ko diyo ki Kiristu, kono kow on ogkabulong-bulong hoy og koinu-inu umba naan ko ogkouningolan to mo otow to soin no kalibutan. ¹⁴ Hoy natagahan ta no waro katamanan ko ogduon olog ta to mo sulod ta. Su ba waro pog–olog din mu sulod din duon iyan kamatayjon. ¹⁵ Ka mo otow no waro pog–olog a to mo sulod din talaghimatoy. Hoy natagahan ta no waro mangigimatoy no ogmakaangkon to kinabuyi no waro katamanan. ¹⁶ Nigpakimatoy si Kiristu oyjow no ogkaluwas ki hoy pinabayjo to soin natagahan ta ka tutu-u no pogkantan. Koy naan no tumanan to soini natagahan ta ka tutu-u no pog olog kanta. Koy naan no natuman do nog pakamatayjan ka mo sulod ta. ¹⁷ No umba ko arang-arang ka kanta no pog ugpo, di waro ki nigbogoy diyo to mo duma agad nakita ran on ka kalisod to mo sulod dan, ogmakakagi ba no ka pog–olog to Diyus kayo to kanta? ¹⁸ Mo anak ku, kono igpakita ta ka tutuu no hinimuwan no duon pog–olog ta. ¹⁹ To iling to soin, ogkatagahan no dinid to kanta ka tutuu, hoy litos kid no ogtangko diyo to Diyus ta no warod igkahaldok ta. ²⁰ No agad to kanta no pogsumansuman tumanan ki iyan poron hoy logparan. Su natagahan ta no ka Diyus labow pad to kanta no sumansuman hoy natagahan din ka tibo. ²¹ Mo inolog ko, umba no kono kid ungod ogmakasumansuman hoy ko ogkakonsinsya, warad on kahaldok ta to pogparani ta to Diyus. ²² Su agad nokoy pamoyjoon ta diyo to Magbabayjo ta ogkapurut ta iyan, su pogtuman-taman ka mo sugu din hoy inhimu ta man ka igkoholo din. ²³ Iyan soin ka sugu din kanta. Ogpalintutu-u kid to anak din no si Hisu-Kiristu, hoy mo ol-ologoy ki sumalo to insugu din kanta. ²⁴ Ka mo otow no nigtuman to mo sugu to Diyus hoy ka Diyus ogkinabuyi dini to kanta pinabayjo to kandin no Ispiritu no igbogoy rin kanta.