¹ Mo sulod, to paghundiyan ko oyjow to pog lalag to hinolos no kamatooran ligkat sa Dios, waro a nig gamit to madalom no kinagiyan hoy dakol no natagahan, ² To doon no duma anow pad nig lingawan ko ka tibo no mo kalaglagan Gawras li Hisu Kiristu , Amano on iyan ka kamatayjon din Diyo to cross. ³ To poghondiyo ko kaniyo malotoy a hoy nigkulkul a to kahaldok , ⁴ Hoy ka pog panolo ko waro ko himoa to hinashasan to inotow no natagahan, kono og kalalis ka gaum to Espirito to Diyus. ⁵ Koy naan ka pogtoo now waro nigsandog to natagahan to otow, otow, ko kuno to gaum to Diyus ⁶ Nasi, noka mo boyjag on to Esperitohanon, ingamit ko ka Maalamon no kinagihan, di kuno malaamon ka inig alap soini Inggod, hoy ka ug sugo to soini Inggod ka mo gaum nanga awro on. ⁷ Ka kalaaman ka in panoloko iyan ka hinolos no kaalaman to Diyus no inholos to mo otow, di in alam din oyjow to ug kaliyag din, agad waro pad himoa soini inggod. ⁸ Hoy waro agalon to soini ingod no nataga to soinin kaalam ko natagahan dan pa soini, waro dan puron ilansang ta kurus si Hisus no Magababayjo. ⁹ Hoo ka inkagi to kasulatan, ka kuno og kitoon hoy og dinogon, di waro iyan sum sumanan to mo otow, iyan in andam to Diyus do to naliyag kandin. ¹⁰ Di inpapitow kanta to Diyus ka ka hinolos din pinabayjo to Esperito. Ka Espirito nig pitow to tibo no kalaglagan, agad pad ka amana nokoholos no tood to Diyus. ¹¹ Waro nataga agad huntow no otow to sum sumanan to sagboka no otow ko kono iyan do nataga ka ko ogalingon din Espirito, anat to Espirito to Diyus no iyan do nataga to Diyus. ¹² Waro ta porota ka Espirito to to ingod ko kono ka iyan ka Espiritono in paalap kanta to Diyus oyjow og katagahan ka tibo no in bugoy kanta to Diyus. ¹³ Koy naan to pog panolo ta to Espiritohanon no mo kamatooran oyjow do to nakabaton to Espirito to Diyus waro ki nanolo no ginamit ka kinagiyan to kaalam to otow ko kono ka kinagiyan no in panolo to Espirito to Diyus. ^{15 16 14} Di ka otow no waro Espirito to Diyus kono og makaporot to Gasa no ligkat to Espirito to Diyus. Kono kandin og makasabot to soini so waro polos soini para kandan so soini og katagahan do to Espiritohanon no hinanag. Ka otow no Espiritohanon makatungkad to polos to tibo no kalaglagan di waro og mokohukom kandin. So kanig kagi to kasulatan, huntow ka nataga to sum sumanan to Magbabayjo? huntow ka naka tambag kandin ? Di naporot ta ka sumsumananni Kiristu.