¹ Siak si Pablo alagad ni Cristo Jesus, pinemalli-a te Timanem mainang a din apostol amon magwali te mepiya balita din. ² Sen mepiya balita seini impakang te Timanem kedengan pinaokit te menge propeta, aw nasulat ini diya te balaan nga kasabutan. ³ Siini se balita tepad te bata din si Jesu-Cristo se Timanem tedon: sen kandin pegkeotawen, si kandin se bowad- bowad i David. ⁴ Aw diya heman te kandin espiritohanong pegkebalaan, onto netagahan nga si kandin bata te Timanem sen gamhanan pemeokit tepad te pegke-antay din lekat te menge namatay si kandin. ⁵ Pineokit ki Cristo nakdawat kay te grasya nga mainang apaostol amon maikagihan sen kelahat menge otaw sen benal pegtuo aq pegtulo kandin. ininang day ini alang kandin. ⁶ Aw si keyo heman menge tumutuo diya te roma doma kaw heman te menge otaw egtewalen din amon mainang menge sumusunod ni Jesu-Cristo. ⁷ Sen sulat siini alang kenyo kidoen te roma kay onto dakel se pedowan te Timanem aw tinawal din amon mainang menge otaw din. Sen grasya aw kalinaw lekat te Timanem amay tedon aw ki Ginoong Jesu-Cristo. ⁸ Mona te kelahat migpesiontong-a te Timanem ko pinaokit ki Jesu-Cristo alang te kedita niyo, kay sen pegpemenal niyo ne pene-an se tibuok keneyonan. ⁹ Gayed a meg ampo alang kenyo, aw netegahan ini te Timanem te melobos se pedowan ko kandin pinaokit te pagwali ko te mepiya indan tepad te bata din. ¹⁰ Gayed a meg ampo te Timanem aw mepakay meibeg si kandin komidoen a kenyo ¹¹ Onto ko ibeg komita a kenyo amon ikapeambit ko kenyo heman sen menge grasya espirituhanon te mekepelig-on kenyo. ¹² So ibeg ko, megpekegsenay kidon pinaokit te pegpamenal ko aw te kenyo heman pegpemenal. ¹³ Menge dedowa ko, ibeg ko meketaga-taga kaw malikit a beden meglimbay diya kenyo meneng doen nekeangga kanak. Ibeg ko peden mekelagani diya kenye unawa te ininang te doma menge kena Judiyo. ¹⁴ Doen heman ketongdanan ko te pegsangyaw te kedita te menge otaw, se mge doen iskwila aw sen wudad iskwila, sen menge doen netegahan aw sen palos wudad netegahan. ¹⁵ Neyan, dakel onto ibeg ko mekewali a peden te mepiya indan kenyo te Roma. ¹⁶ Eked te heman ika-yaya ang pegsangyaw te mepiya te mepiya indan. Kay yan se gahom te Timanem te peglowas din te kelahat nemenal, minuna se menge Judio, aw simunod sen menge kena Judio. ¹⁷ Kay impatagataga te mepiya indan aw onto toliden te Timanem se aneng-aneng te menge otaw pinaukit te pegpemenal. Semala te kasulatan, "Ang otaw toliden te Timanem sen aneng-aneng dan te pad te pegpemenaal din megkinabuhi te wedad tamanan. ¹⁸ Impetaga-taga te Timanem tedon doton te langit se kebensi din te menge medaet ininang te menge otaw so kena dan egpemenal te kandin ibeg. Sen menge ininang dan medaet yan se egkebelarag kandan te pegkilala dan te kebenalan. ¹⁹ Mepakay peden meketaga-taga sen tebad te Timanem kay teped nini impekita te Timanem kandan. ²⁰ Benal wuda tedon kita-i se Timanem, nemeng te pegtebo peg-inang te keneyonan, sen wudad kepengahan gahom din aw sen pegile-Timanem din impetagata pinaokit te menge kedonan ininang din. Neyan wudad palos ikebalibad dan kandin. ²¹ Bisan netagahan dan ne doen Timanem, wuda dan pegbayaw aw megpeontong se egke-aneng-anengan dad. Migkengit-ngit se aneng-aneng dan tepad te kebanalan. ²² Minikagi dan si kandan se menge biyasa, meneng wudad kedi menge inenengen dan. ²³ Kay wuda dan pegsimba te Timanem sen wudad kemetayen, yan beling pigsimba dan sen ininang dan dios-dios nga iling te bawa te otaw sen doen kemetayen, menge-menge manok kebenesan, menge mananap epat se benis aw sen menge mananap egkamang. ²⁴ Tepad te pegkewudan inenengen dan pigpesagdan dan te Timanem te peg-inang te menge keyayaya-an ibeg dan inangen, meneng keyaya-ay se eg-inangen dan te doma dan maama aw doma dan heman bayi. ²⁵ Sinallinan dan te kebolalaw se kebenalan tepad te Timanem. Pegsimba dan aw sinagagan dan sen menge ininang te Timanem, aw kena sen eg-inang te kepiyaan te wudad kepengahan. Amin! ²⁶ Tepad te menge inenang te menge otaw, pinebeyaan dan den te Timanem doton te mekeyayaay inengenen, meng sen menge bayi wuda dan pegsubay sen tepay eg-inangen sen kandan pegkebayi. ²⁷ Iling kenyan heman sen menge maama, eked dan layok te menge bayi, so yan senehisubay te kinaiyahan, kena sen ibeg dan te doma dan maama. Mekeyaya-ay se ininang dan te doma dan maama, aw tepad te sala ininang dan siini, siloten dan te Timanem sen silot onto gabla kandan. ²⁸ Neyan kay wuda dan man egkilala te Timanem, pinebayaan din dan te kandan pegkeotawen aneng-aneng te pegpamali te kena benal, neyan eg-inang te menge butang kena peden gabla inangen. ²⁹ Neinang dan ulipon te kelehat madaet eg-inangen, egtindaet dan, gayed dan eg-inga, aw egpengimatay dan heman, aw eg-dindil, aw eg-akal, aw sen peg-aneng-aneng te peg-inang te madaet te doma dan otaw, aw egbelikbik dan. ³⁰ Aw egbaet dan te doma dan otaw, maodal dan te Timanem, aw kena dan egtahod te kandan doma otaw, egpelangkaw-langkaw, hambogen, aw maha dan te pemeokit te peg-inang te medaet. Aw kenan dan egtolo te menge obanen dan, ³¹ menge hungog, kena dan egkeseligan, aw wudad keido pengkey sen kandan keogalingon pamilya. ³² Netegehan dan se Timanem minikagi sen menge otaw eg-inang kani mekesala siloten te kemetayen, meneng gayed dan ipadeleg sen inangen da. Aw kena pa niyan olo, aw onto dan meleba kon doen kitaen dan te meg-inang te onawa heman te eg-inangen dan.