¹ Penga niyan doen heman kinita ko ledyawan kidon te langit onto ko nepelahan, doen doton pito ka anghel nge nengibing aw pito kededitan. Seini iyan sen temanan te kededitan nge impeibing te Timanem te melingeb se pegpelumun te menge otaw. ² Doen pa kninita ki iling lanaw onto metingaw illing te ispiho, aw doen heman kenyon kediyaan. Aw doen heman kinita ko menge itaw. Nekedeag te menenanap aw te kandin nebulto. Aw weda dan pegpeinang te pengilala te belang te menenanap. Doton iyan te lanaw nge kinablit te menge harpa nge imbegay te Timanem kandan. ³ Migdelangan dan te delangan te soguonan te timanem nge si Moises, nge delangan heman te karnero. Seini heman se kandan delangan. “Temanem, pengolo day, onto metolos te kedita, kepelahan sen eg-inangen nikaw pengolo te kedita menge lansod, metolid aw neketotoh sen menge pemeokit nikaw! ⁴ Sinu ba si Timanem nge eked kelemiti kamno aw eked ka i duyan te ngedan nikaw? Sikamno olo se loloos. Se kedita te menge otaw migpedepag aw migsimba diya kamno tepad kay kinita dan se metolid nge ininangan nikaw.” ⁵ Penga niyan, kinita ko nge neowang se dakel simbahan te Timanem kidoen te langit, sen bolongabong te simbahan diin insawol se punu. ⁶ Aw lekat doton te dakel simbahan limowan se pito ka anghel nge amon mengibing te pito ka kededitan, nenaol dn te tila iningedanan limon onto mepoti aw kidoen te kandan kegpa doen elen ininang te bolawan. ⁷ Aw yan sen sebad te egpat ka ayam-ayam imbegay doton te pito ka anghel aw doen pito ka lipong ininang te bolawan sinolan te pelumun eked pulos kematay doton te menge otaw aw weda dan pegpeinang te pengilla diya te kandan kilang. ⁸ Penga niyan onto dkel se ebel kidoen te didalem te dakel simbahan te Timanem aw sen kan din tolos. Aw wedad meke-awop doton te dakel simbahan pengkey weda ka kepenga sen pito ka kededitan nge lekat te pito ka anghil.