¹ Nayan binegayan a sukoday iling te bangka, minikagi se nemegay kanak, “Na yan sukodi se simbahan te Timanem aw menge haharanan, aw bilangi aw pila se nenimba doton. ² Meneng se doton te lowa te simbahan eka den eg-apil te sikod kay so ulo suyan se mge otaw weda kilala te Timanem. Yan se mekegubal te kandan balaan nga syudad te Jerusalem awop te korintaydos se bulan. ³ Aw te aldaw siyan egpeibing ko se kanak duwa ka eg-indan te kebenalan nga nenaol te sako. Aw megtulada dan te kanak ipetulada kandan awop te mildosintos kememen ke aldaw.” ⁴ Se duwa ke eg-indan te kebenalan siini yan se duwa te kayo nga olibo aw duwa ke solo timendig sinelowan te Timanem, se Timanem te kelahat keneyonan. ⁵ Aw doen megtinguha te pegpesakit kandan. Lomuwa se apoy lekat te kandan baba aw emehen te kandan menge kebolaw. Pengkey sine se meibeg megpeeleg te podowan dan keilangan mamatay. ⁶ Doen dan peman tolos te pegpogong te odan amon eked odan pengkey telobo megtulada dan megtulada te kagi te Timanem. Doen dan peman tolos se wayeg te menge tobod mepakay dan inangen dipanog. Aw kana siyan ulo, doen pa tolos dan pa onto te pegbeibing te pengkey eden klesihi te kedaet te kelahat keneyonan te pengkey eden penahon se ibeg dan. ⁷ Aw mepenga den dan megsangyaw te punu te Timanem, bag-noen dan te mebolot nga mennanap nga lomekat te dalem te tana. Se dowa ke eg-inda te kebenalan siini mepildi aw imatayan te mennanap. ⁸ Se kandan nematay nga lawa memaho ulo kidoen te kellsada te kinilala te siyudad, se kandan Timanem piglansang te kros. Sesiyudad negsimbolo te sodoma aw ehipto. ⁹ Awop te telo sialdaw tenga se kandan nematay nga lawa kidoen te dalan teng-tengan te menge otaw lekat te negkelian-lain kelepedan, tribu inikegihan aw igpaanan, aw eked dan togoti nga ipelebeng ini. ¹⁰ Meleba onto se mge otaw te keneyonan teped te nematay den sidekey duwa ke eg-indan te kebenalan negsadya dan megbinegayan dan te penelangin so nematay den se duma ke propeta te Timanem nga nengibig te medita kesakit te mge otaw te keneyonan. ¹¹ Meneng pegkepenga te telo ke aldaw tenga se kandan mge nematay lawa pig-antay te Timanem. Timindeg dan nelemitan se kelahat kimita kandan. ¹² Te duwa ke eg-indan te kebenalan nekedineg te magsen kagi lekat te langit nga egikagi, “Penayit kaw dini te langit.” Aw se telobo timengteng se kandan mge kebolaw, neengat dan te labon pesalo te langit!” ¹³ Te iling heman kenyan nga oras miglinog te megsen. Negubal se ikesempolo tenga te siyudad. Aw pito melalanke otaw gela nelemitan se menge otaw nga weda kematay, aw induyan dan te Timanem te langit. ¹⁴ Nepenga den se ikeduwa nga mekelilisang nga mehitabo, memeng doen somunod pa nga iketelo. ¹⁵ Se ekipito Anghel migoe ikagi te kandin bodyong aw doen megsen nga mge kagi doton te langit se litok te kagi din, “Siini se kenitadon Timanem aw se kandin pinemalli nga si Cristo yan den se meghari te keneyonan. Aw se kandin peghari wedad tinemanan!” ¹⁶ Aw se kelowan teg epat ke mge pengulo nga monsad te kandin menge trono te siminalo te Timanem limohod aw negsimba te Timanem. 17Se litok te kagi din, “ginoong Dios onto metolos te kelahat, sikamno se Timanem kedengan aw sikamno heman se timanem siini. ¹⁷ Negpesalamat kay kamno tepad te piggamit no den se kamno tolos, aw negtebo ka den peghari te keneyonan. ¹⁸ Pengkey onto neopal se menge nga weda kilala kamno. So dimateng den se aldaw nga pegpelumun nikaw dan. Aw se menge nematay ipelumun no den. Yan den ini se aldaw nga bagayan no te ontong se kaymno menge sogoenen, se menge propeta, se kamno mge otaw, aw te kelahat nga siini den se aldaw nga penga pengimetayan no den se menge otaw neg gubal te kineyonan.” ¹⁹ Nayan ne owal se simbahan te Timanem doton te langit, aw te awop nini kinita se sulanan te kesebotan te Timanem. Kimilem, doen mge kagi te kelat. Miglinog aw minodan te dag-dakel tipak te ice.