¹ Penga te adlaw igpepehulay, si Maria (nga Magdala) nga inay i Santiyago, aw si Salome nemayad te pehumut kaydumutan dan te lebangan amon dugsuan anag patay lawa ni Hesus. ² Timprano te aldaw nga linggo, dimuton dan te lebenganan. ³ - ⁴ Samtang minipanaw dan mig-insaay dan, sine se suguen tadon te pegligid te bato nga pigsampeng te lebenganan? (Unto dakel ang pigsampeng bato) Meneng pegdateng dan duton, kinita dan nga neligid den se bato. ⁵ Nayan minawop dan te lebenganan aw kinita daw se sebad te bayong-bayong meama na nennuo te kuwanan tepad na migbisti te meputi, nelemitan dan unto. ⁶ A minikagi ang meama kandan, "Ika egkelemitan! Netagahan ko na pinamaha niyo si Hesus nga tege Nasaret nga piglansangdiya te krus! Wedad den dini! Neantay si kandin! Ayas kaw, tengtengi niyo se pigsulan kandin! ⁷ Aw minikagi sikandin, kesayo kaw, indani niyo ang menge pigtuludaan labi den si Pedro nga muna si Hesus kenyo duton te Galoilea, aw duton niyo sikandin kitai sumala te pene din kenyo." ⁸ Nayan limuwa se mengebaye te lebengan aw migsikagnan tanda tepad te unto dan nelemitan, wedad inindanan dan kay unto dan newanitan. ⁹ Timprano te aldaw te linggo neantay si Hesus, muna sikandinn migpekita ki Maria nga taga Magdala nga pigpekedasa den te pito ka medaet Ispirito. ¹⁰ Aw pigdutunan i mariyu ang menge timin'an i Hesus nga neguul aw negkelag aw pigkegihan din dan. ¹¹ Meneng weda dan pengitoo te kandin undanen nga si Hesus neantay aw migpekita kandin. ¹² Pegkepenga niyan migpekita si Hesus pineukit te laing bawa dutun te kandin diduwa ka tinun-an nga migpesalu te tenemanan. ¹³ Nayan lumiku te Jerusalem ang diduwa te tinuludaan aw pigkegihan dan se menge kedumaan ng si Hesus migpekita kandan, meneng weda dan heman pengintoo. ¹⁴ Te kelepusan migpikita heman si Hesus te 11 ka menge Apostoles samatang ki maen dan. Pigsagda din dan tepad te weda pengintoo, aw magsen se menge ulo dan kay weda dan pengintoo te inikagi te menge kumita kandin penga si kandin neantay. ¹⁵ Aw minikagi si Hesus kandan, "Ipanaw ka tetibok kalibutan aw iwali se mepiya belita mehitungud kenak te kedita te otaw. ¹⁶ Kon sine se nengintoo aw migpebawtismo mekeluwa, memeng seni se weda tulo pegehukman na silutan. ¹⁷ Siini se menge ilhanan nga kitaen diya te menge nga tinulo kanak, pineukit te kanak tulos mekepehingilin dan te medaet nga menge Ispirito, mikeikagi dan te duma nga menge inikagi nga weda dan metun-i. ¹⁸ Kon mekeawid te menge mmemokan aw kena ba mekeinem te bisan eden nga ilo eked dan kemenu, aw kon iledung dan ang kandan menge belad te menge mesakiton, meguli ini. ¹⁹ Penga minikagi si Hesus kandan inibig sikandin duton te langit aw minunsad te kewanan te Diyos, ²⁰ Aw migsangyaw se tiinuludaan te negkelain-laing menge dapit. Piglibangan dan te timanen aw gipamatud-ann din nga ang pigsangyaw te menge tinun-an pineukit te menge timeilhan te kandan ininang.