¹ Timprano pa onto te pegkeiselem te aldaw, siyan se kedekelan te menge pari duma te menge pengulu te menge Judiyo, se menge megtulada te punu te Timanem, aw se kelahat nga sakop te hukmanan te menge Judio negtipon amon istoryahen se sunod dan inangen. Pigapos dan si Jesus aw inibing doton ki Pilato nga gobirnador amon itugyan doton kandin. ² Pig-insa dan si Pilato, "SIkona gaw se hari te menge Judio?" Tinobag si Jesus kandin, "Inikagi nikaw den." ³ Midita se menge indan te kedekelan te menge pari tepad ki Jesus. ⁴ Nayan pig-insa dan heman toda ni Piloto, "Wedad ka lay itaba niyan nga menge indan? Midita se kandan indan tepad kamno?" ⁵ Meneng weda den heman taba si Jesus, nayan nepila si Pilato. ⁶ Naandan i Pilato nga kada Pista te peg-okit te anghel begayan din te kelowaan se sibad otaw nga kenelaboso nga hengyoen te menge otaw nga boloyan. ⁷ Doen sibad keneleboso doton te pig-angadanan Barabas se otaw siini duma nidekey menge keneboso tepad te negribildi dan te obirno te Jerusaem aw nekeimatay. ⁸ Midita se menge otaw nge nigpadapag ki Pilato aw nighangyo nga inangen din peman te omay seini se naandan din nga inangen. ⁹ Neg-insa dan kandin, "Ibeg ba niyo nga boloyan ko se hari te menge Judio? ¹⁰ Natagahan i Pilato nga nesina olo se menge kalangkawan te menge pari, so nayan se pig-inda dan si Jesus kandin. ¹¹ Meneng pigboleng-bolengen te kalangkawan te menge pari se menge otaw, nga si Barabas olo se kandan poloan aw eked si Jesus. ¹² Peg-insa peman toda i Pilato se menge otaw, "Eden se kenak inangen te otaw nga kenyo inikagi nga hari te menge Judiyo?" ¹³ Migkohoy dan, "Ilansang din te Krus!" ¹⁴ Minikagi si Pilato kandan, "Nenga lay, eden lay se salan nga kandin ininang?" Meneng egpekagsen dan pa gayen onto se mig-olangag, "Ilansang dan te krus!" ¹⁵ Tepad iniyan so minoyon si Pilato nga inoyonan se menge otaw, binoloyan din si Barabas. Meneng si Jesus pigpelato aw egtugyan doton te menge sundalo amon ilansang te krus. ¹⁶ Inibing te menge sundalo si Jesus te dalem te palsayo te gobirnador aw tinawol dan se kalahat pondon te menge sundalo nga migtipon doton. ¹⁷ Penga niyan egpesuoton dan sikandin te melalag saol aw neg-inang dan te korona nga tigisen ae inpesuot dan te i Jesus. ¹⁸ Aw limohod ekon dan kandan nga egkagi, "Melayat pedowan alang te mahal nga hari te menge Judio!" ¹⁹ Aw eglisian dan te bebonan nga kayo se kandin olo aw pigteptepan dan pa sikandin, egluhud-luhuran dan sikandin aw man akon egsimba sikandin. ²⁰ Penga te kandin pegtempuyes kandin lunowas dan se malalag saol nga pinasout kandin aw pinesuotan dan sikandin peman toda te kandin saol. ²¹ Nayan pelowa dan pa ulo te siyudad, netegboan dan se sibad ka otaw nga lekat te pawa. (Se kandin ngadan si Simon nge tege-Cyrene, nga amay ni Alexander aw ni Rufo.) Linegus dan sikandin te paa lokdo te krus ni Jesus. ²² Aw inibing dan si Jesus te ogpaanan tinawal nga golgota nge se pesabot, ogpaanan te tolan te ulo. ²³ Pegdateng dan doton binagayan dan si Jesus te binu sinengedan te mira, meneng weda inemi i Jesus. ²⁴ Nayan inlansang dan sikandin te krus, aw pigtalad-talad dan se kandin menge saol pineokit te sebad-sebad, amon matagahan dan aw eden behini se meabat te meteg-sibad kandan. ²⁵ Menge alas nuwibi nidekey e iselem inlansang dan si Jesus te krus. ²⁶ Se nesulat te keretula te krus indan teped kandin inikagi, "Se hari te menge Judio." ²⁷ Doen duwa peman te tulisan eglansang duma i Jesus. si sibad kidoen tepad tepad te bibang i Jesus aw se sebad te kuwanan. ²⁸ (te iling kani nga pemeokit netuman se insulat te kesulatan nga inikagi, "Inisip sikandin nga sebad te menge kriminal.") ²⁹ Se menge otaw nge nekeokit doton nigkiling-kiling aw nenempuyus aw nesila ki Jesus. Minikagi dan, "Siini kedi ha! Sikona se eg-ikagi nga gubalen nikaw se simbahan awop te telo si aldaw petindegen nikaw toda. ³⁰ Kena kidoen te krus aw luwasi se kamno serili!" ³¹ Te pineokit nenempeyus peman se kalangkawan te menge pari aw se menge megtulada te puno, minikagi se meteg sebad kandan, "Linowas din se doma, meneng eked din keluwas se kandin serili." ³² Tengtengan te kwani aw meketena ba te krus se Cristo nga hari te Israil, aw kon meketena sikandin memenal ki kandin." Bisan se menge duma din nga linansang nenepuyus peman kandin. ³³ Nayan dimating si alas dusi, megkengit-ngit se kenayuhan taman te alas tres. ³⁴ Aw te pegke alas tres te maapon timawol si Jesus te magsen, "Eloi, Eloi, lema sabactani?" nga se pesabot, 'Timanem ko, Timanem ko, nengalay egkebiyaan a nikaw?" ³⁵ Te pegdineg te duma timindeg doton minikagi dan, "Tinawal dan si Ilias." ³⁶ Kimagnan se sebad ke otaw aw ne mengabat te ispongha aw inagem dan te melaksing nga bino. Insawol dan ini te toktok te sebad ka kayo amon mesupsup i Jesus. Minikagi dan, "Tengtengan ta aw dumating si Ilias te peg-abat kandin te krus." ³⁷ Mig-olangad te onto magsen sii Jesus aw nebugto se kandinpedowan. ³⁸ Te iling peman nga oras, siyan netenga se kayad dalem te simbahan te Jerusalem lekat te datas pasalo te ongan. ³⁹ Te kapitan te menge sundalo timendeg te pesalo te krus kimita te pegkebugto te peduwan i Jesus. Minikagi sikandin, "Benal onto kedi se otaw siini se bta te Timanem!" ⁴⁰ Doton te mediyo doen menge baye nga timengteng te nehitabo. DUma dan si Salomi, si Maria nga tege Magdala, aw si Maria (nga inay ni Jose aw ni Santiago nga kandin adi.) ⁴¹ Siini dan timaking aw migtalaban ki Jesus te doton pa sikandin te Galilea doton peman se doma pa nge menge baye nga nekeduma ki jesus te Jerusalem. ⁴² - ⁴³ Namatay si Jesus te aldaw te peg-andam te pista, aw te maapon den kaaldawan niyan aldaw te peg-oted, minantak si Jose nga taga-Araimates nga domotan te Judio aw sebad te menge negtagad te peghari te Timanem. ⁴⁴ Te pegdineg i Pilato nga si Jesus namatay den, nepela sikandin. Nayan egpatawal din se opisyal te menge sundalo aw ininsa din aw benal nematay si Jesus. ⁴⁵ Te pegdineg i Pilato te inikagi te opisyal nga nematay den si Jesus, impakay din se Jose nga abaten din se lawa i Jesus. ⁴⁶ Nayan namayad si Jose te penukten nga meputi aw egpeabat din se lawa i Jesus te krus aw egtenges te penukten nga kandin bineyadan. Egpehimutang din se lebeng nga impaawang diya te kesendigan aw egpeligid dan se dakel bato te pegsampeng te lubangan te lebengen. ⁴⁷ Timengteng si Maria nga taga-Magdala aw si Maria nga inay ni Jose, nayan kinita dan aw kenan lebengi si Jesus.