¹ Te pegluma i Hesus templo, te sebad te menge pigtulodaan din minikagi, "Maistro, tengtengi pa se siini templo, pegkedegdakel te menge bato pigamit aw mepiya ang pegpehindeg niini." ² Minikagi si Hesus diya kandin, "Seini templo na ininang te degdakel bato meg-ubal ini pegdateng aw wedad gayod bisan sebad na bato nge megpetenanan lanto te lain bato. ³ Te minunsad si Hesus te bontod te menge Olibo atbang te templo, migpedapag si Pedro, Santiyago aw si Andres aw sekreto mig-insa kandin, ⁴ minikagi dan, "Kegihi kenami aw kinunu kehitabo se inikagi nikaw, aw eden se menge penengteng na agpet se seini kelahat mehitabo?" ⁵ Timaba si Hesus kandan, "Pegtengteng na weda mekepelaang kenyo. ⁶ Kay medita se dumateng aw mikagi nga kandan siaken, aw medita se kandan melaang. ⁷ Aw mekedineg kaw na duen menge gira ne medapag kenyo aw meketaga-taga kaw nga duton te mediyo duen heman gira, ika niyo egkelenitan. Kinahanglan gayod mehitabo ini. Meneng kena pa seini se ketepusan. ⁸ Meggubat se nasod batok te lain nasod aw se gingharina batok te lain gingharian. Duen dumateng nga menge linog te keditaan te lugar aw duen dumateng bitil. Meneng seini kelahat sinugdanan pa ulu te menge kelisud nga dumateng. ⁹ Pegbanatay kaw, kay dekepen kaw aw ibingen te menge hukmanan kulatahen kaw duton te dalem te menge sinagoga te menge Hudiyo. Mengetubang kaw te menge Gubernador aw te menge Hari tepad te kenyo pegtulo kanak, aw kesangyaw kaw te mepiya belita duton kiandan. ¹⁰ Te weda pa dateng se ketepusan, kinahanglan iwali una se mepiya belita mehitongod kanak te menge utaw. ¹¹ Kon sikiyo dekepen aw ibingin duton te hukamanan, ika niyo egketetana, kon eden se kenyo itaba, kay te takna nga sikeyo kinahanglan den te peg-ikagi, ikegihi ulo niyo se ipeikagi kenyo te Ispirito Santo. Kaya kena sikeyo se mikagi kon kena ang Ispirito Santo peukit kenyo, ¹² te si'yan penahon duen menge utaw nga mengonay pegtugyan te kandan keduwa para metayan. Duen menge amay nge mengimatay te kandan menge mengise. Aw duen menge mengise mekigbatok te kandan menge lebanen, aw meimatay dan. ¹³ Dumutan kaw te kelahat tepad kay sekyo kenak menge pigtulodaan meneng se megpedeleg te pegtundog kenaken hangtud te ketepusan ayan ulo se mekeluwas." ¹⁴ Kon kitaen niyo sen mekelimitan nga mengibng aw kelaglagan nga keduen te lugar nga kena angay tindegan nini te siyan teknai ang menga kiduen te Hudeya kinahanglan mekesayo duton te kebuntudan. ¹⁵ Ang otaw nga kiduen te luwa te kandin balay eked den awop aron maekeabot te bisan eden ¹⁶ te kiduen te kandin uma eked den pekeuli te peg-abat te kandin bisti. ¹⁷ Alant se menge mebedes nga menge inay nga negpesoso te siyan aldaw teped kay melimahan dan te pegkados. ¹⁸ Peg-ampo kaw nga sini eked kehitabo te tingmegenaw. ¹⁹ Kay te siyan menga tekanai dumateng se peg-antos nga weda pa sukad mehitabo lekat te pegkeinang te Diyos te kelibotang aw eked den kehitabo pegsubli se iling kani bisan kinunu. ²⁰ Te minukit menge aldaw weda konhori te timamen wedad gayod metekenan nga otaw. Meneng tepad te kandin menge pinili din se siyan menge aldaw. ²¹ Aw duen mikigi kenyo, 'Seini din se Kristo o kaha sidekey sikandin! Ika niyo petulo... ²² Kay gumemaw se kena benal nga menge Kristo aw menga mini nga menge propita. Meg-inang dan te menge kepelehan aw mekepela nga menge inang te ketuyoan nga mekepehisalaag, kon meinang, bisan pa ang menge pinili te Diyos. ²³ Nayan peg-inap kaw! Igpenean ko sikeyo daan mehitungud nini nga menge pegpesaol. ²⁴ Pegkepenga te menge kesekitan te penahon siyan, megkewedad se keluwa te aldaw aw bulan aw eked den pegkeluwa. ²⁵ Aw se menge bitoen mengedagdag, se menge butang te kelengitan petedinegn lekat te kandan neandan nga ukitan. ²⁶ Penga niyan siak nga bata te otaw kitaen kiduen te menge penganod nga dumine te kelibutan demusgan te dakel tulos ang himaya. ²⁷ Suguen ko se menge anghel te pegtapok te kenaken menge pinili lekat te kedita dapit te kelibutana." ²⁸ Ebati niyo te pegtuhunan ang kayong Igira. Kon ang kandin menge panga menelingsing natimaan ini kenyo nga agpet den sa ting-init. ²⁹ Iling himan niyan ang pemeukit, nga mekita niyo nga mehitabo den sini inikagi ko kenyo, metegahan niyo nga agpet a den dumateng. ³⁰ Te pegkebenal, metuman sine kelahat te weda pa kematay ang menge otaw te penahon seini. ³¹ Metalon ang langit aw tana meneng ang inikgai ko eked ketalon aw kena metuman unto. ³² Ang mehitungud te aldaw aw oras te kenak pegdateng wedad unto nekataga-taga nini, lakip ang menge anghel te langit o siak nga bata te Diyos, gawas ulu te Timanem. ³³ nyan pegbantay kaw, aw peglegilan kaw kay eked kaw peketagtaga kon kinunu a dateng. ³⁴ Iling ini te otaw nga dimuton te keduyoang dapit, pegkesayo din te kandin balay, pigpene din se kandin menge sinugo tagsa-tagsa kandan nga menge inangenen. Aw pigpenean din ang goldiya te lebangan nga meg-inap. g ³⁵ Nayan peg-inap kaw, kay weda kaw kesayo kon kinunu leku ang tig-apo te balay, te tenga delem, te kedlawon ba o te pegbetu te aldaw. ³⁶ Basin aw te pegliku din mesa'ban kaw din nga tumedugi. ³⁷ Ang inikagi ko kenyo inikagi ko te kedita: Peg-inap kaw!