¹ Dalem te peg-ipanaw dan i Jesus, Doen jinita dan otaw bota likat pa te kandin pegtebaw. ² Seini, peg-insa i Jesus se kandin mge tinoledaan, “Sir, ki sine lay sala te Timebaw sikandin bota? Kandin ba sala o te kandin menge obanen?” ³ Minikagi si Jesus, “Nebota sikandin kena doen te kandin sala o te sala te kandin menge obanen, aw kena amon kitaen te menge otaw se tolos te timanem pineokit te peg-pegoli kandin. ⁴ Dalem te aldaw pa keilangan inangen tedon se impe-inang te Timanem negpe-ibing kenitadon. So domateng se delem o se penahon wedad den mekeinng te kandin impeinang. ⁵ Dalem te dini a pa te keneyonan siak se solo egpemegay te kelowhan te menge otaw.” ⁶ Penga din idekey neikagi timeptep sikandin te tana. Sinanged din te teptep te tana aw indamos din ini te menge mata te bota. ⁷ Minikagi sikandin te menge bota, “doton ka te egdigosan te Siloam aw pegdapog ka doto.” Se ibeg igtagataga te Siloam oineibing.” Nayan dimotonse bota te Siloam aw migdapog. Pegkepenga, limiko sikanin egpengita den. ⁸ Mnikagi se kandin menge simbalay aw se menge otaw kinita kedengan kandin egpemoyo, Diba don din ini se otaw kedengan gayed egpenoo aw egpemoyo?” ⁹ Minikagi se doma, “sikandin iyan.” Meneng se doma minikagi kena oy! Onawa olo kandin bawa.” Nayan se otaw den hayed se minikagi, “Sika onto se otaw kenyo inikagi.” ¹⁰ Nayan, pig-insa dan sikandin, “Eden se nekitabo te kinita ka mandn seini?” ¹¹ Minikagi sikandin, “Se otaw egtewalen dan Jesus mig-inang te pasak. Pegkepenga, indamos din ini se kenak menge mata aw inikagihan a din te domoton te egdigosan te Siloam aw megpadapog. Nayan dimoton a doton aw pegkepenga ko migpdapag kimita a din. ¹² Pig-insa dan sikandin aw kenan den se otaw negpegoli kandin. Minikagi sikandin, “Enday, weda a ketega-taga.” ¹³ Inibing dan ayas doton te menge Parisiyu se otaw siyam, nge bota kedengan. ¹⁴ Aldaw idekey te peg-etod te ininang i Jesus se pasak te ipegaoli din te bota. ¹⁵ Nayan pig-insa toda sikandin te menge Parisiyu aw igmeno te kimita den sikandin. Aw inikagihan din sikandin, “Dinamos i Jesus te pasak se kenak menge mata aw pegkepenga mig-dapog a, aw seini kimita a den. ¹⁶ Doen menge parisiyo minikagi, “Se otaw eg-inang nini kema lekat te Timanem, tanda te weda sikandin pegtoman te kesogoan tepad te aldaw te peg-etad.” Meneng minikagi se doma, “Aw sikandin otaw egpekesala eked sikandin pekeinang te menge kepelehan iling kani nayan netenga dan. ¹⁷ Mig-insa toda se menge Parisiyo te otaw bota kedengan. “Kagi niyo pinegoli ka din, na seini eden se maikagi no tepad kandin?” Minikagi sikandin, “Alang kenak, sebad sikandin ka propita.” ¹⁸ Meneng eked pemenal se keditaan te menge Judiyo nga bota sikandin kedengan aw seini kimita den, nayan pinetawal dan se kandin menge obanen, ^{19 21} Aw pig-insa dan sikandin, kenyo ba ini bata? Benal na onto te pegtebaw din bota? Nenga kiimita den sikandin seini?” ²⁰ 20Timaba se kandin menge obanen, “Benal kenami iyan bata aw benal nga neotaw sikandin se mig-bolong kandin, siyan se weda day ketegehan. Insai niyo sikandin so but-an man sikandin aw meketaba alang te kandin keotawen.” ²² Yan idekey se intaba te kandin menge obanen so tanda te lamit dan te kedekelan te menge Judiyo. So seini sikandan migsebad den pengekey sine komilala ki Jesus te yan se Cristo eked den dan peopi te kandan sinagoga. ²³ Yan ini se doen nga sikandin menge obanen minikagi, “Insai niyi sikandi so but-an man den sikandin.” ²⁴ Nayan tinawal dan toda se otaw ledengan bota aw inikagihan, “ikagihi se benal tepad te otaw sidekey, so se Timanem egpenalan, te kenami kabahin, netegahan day sikandin neleleb te sala.” ²⁵ Timaba si otaw, “Weda a peketaga-taga aw neleleb sikandin te sala o weda. Meneng netegahan ko te bota a kedengan meneng kimita a den.” ²⁶ Mig-insa dan tod, eden se kandin ininang kamno? Pigmeno din peg-bolong te kamno menge mata?” ²⁷ Timaba sikandin, “Tapay ko man den inikagi kenyo? Meneng eked kaw pemenal. Na nenga mig-insa kaw pa heman toda? Ibeg lay toda niyo meinang kandin menge tinoledaan?” ²⁸ Nayan neopal dan aw giinsulto dan sikandin aw inikagihan, “Sikona yan se kandin tinoledaan meneng sikenami menge tinoledaan i Moises. ²⁹ Netaga-taga kat te migbalaw-balaw se Timanem ki Moises kedengan, meneng tepad te siyan otaw, weda kay ketaga-taga aw kenan sikandin lekat!” ³⁰ Timaba ayas se otaw, “Kepetehan! Sikandin se migbolong kenak, nayan mikagi kaw te weda kaw ketaga-taga aw kenan sikandin lekat.” ³¹ Netaga-taga kidon te eked tabahi te Timanem se menge nelelem te sala. Meneng tabahen din se menge otaw egtolo kandin aw egtoman te kandin ibeg. ³² Lekat te ketebo te kenyonan weda kidon palos dineg te doen otaw nemoyo te mata te sebad ka otaw bota lekat te kandin pegkeotaw. ³³ Aw kena sikandin lekat te Timanem, eked peden sikandin peke-inang te ilang sidekey.” ³⁴ Timaba se kedekelan te menge Judiyo, “Neotaw ka aw negkeakel te sala, aw seini toledaan kay nikaw?” aw gidid-an dan ini te peg-awop te kandan menge sinagoga. ³⁵ Netegahan i Jesus nga gidid-an den dan te peg-awop te kandan menge sinagoga se otaw igbolong din. Nayan pinengabal din ini. Te pegkakita den pig-insa din ini, “Nemenal ka ba te bata te otaw?” ³⁶ Timaba sikandin, “Sir, indani a aw sine sikandin amon memenal a kandin.” ³⁷ Minikagi si Jesus, “Kinita no den sikandin, so sikandin mismo se minikagi kamno seini.” ³⁸ Minikagi se otaw, “Timanem, nemenal a kamno.” Awlimohod ayaw sikandin aw migsimba ki Jesus. ³⁹ Minikagi si Jesus, “Dimini a dini te keneyonan amon hokmense menge otaw. Se menge egangkon nga sikandan bota te kebenalan imendayen ko amon sikandan komita. Aw se menge eg-ikagi te kndan kena bota, yan beling se mebota.” ⁴⁰ Nayan doen menge Parisiyu doton dapag kandin te dimineg te kandin inikagi. Aw mig-insa dan, “Se ibeg no ikagihen pengkey sikami menge bota heman?” ⁴¹ Tinaba dan si Jesus, “Aw angkonen niyo nga bota kaw te kebenalan, wedad peden kenyo sala, meneng tanda so minikagi kaw man te kena kaw bota, seini nagkahulugan olo nga negpetanan gihapon se kenyo sala,”