¹ Nayan pineabat i Pilato si Jesus aw impebadas din sikandin. ² Pegkepenga neg-inang se menge sundalo te korona tigisen, aw insawol dan ini te olo i Jesus. Impesaol dan heman sikandin te kapa melalag. ³ Aw tegsebad-sebad dan migpedapag kandin aw minikagi, malungtarong pedowan alang te mahal pengolo te menge Judio, aw nenampak kandin. ⁴ Limowa heman si Pilato doton te menge otaw aw minikagi, “Tengtengi, pelowaen ko sikandin, toda dini kenyo amon ipekita kenyo te wedad palos kinita ko sala kandin.” ⁵ Nayan limowa si Jesus doen korona nga tigisen aw negkapa te melalag. Minikagi ayas si Pilato kandan, “Tengtengi niyo sikandin.” ⁶ Pegkita kandin te kenekalan te menge pati aw te menge egtonggo, nemegais dan, “Lensangi sikandin te kros! Lensangi sikandin te kros!” Minikagi si Pilatao kandan, “Enday ken kenyo, ebati niyo sikandin aw sikeyo den peglansang kandin te kros, so diya kenak wedad palos kinita ko sala diya kandin.” ⁷ Timaba se menge Judio, “Doen kesogoan kenami, aw sumala te kesugoan siyan, seini otaw angay imetayan, so minikagi sikandin bata ekon sikandin te Timanem.” ⁸ Pegdating idekey i Pilato, labi pa se kandin lamit. ⁹ Nayan inibig din toda si Jesus te dalem te palasyo aw pig-insa kon Tege-kenan onto sikandin. Meneng weda taba si Jesus. ¹⁰ Nayan minikagi si Pilato kandin, menge eked ka man taba kenak? Weda ka lay ketega-tega te doen tolos ko ipelowa ka o ipelawang te kros?” ¹¹ Timaba sikandin i Jesus, “Meinang no olo iyan te otaw nemegay kenak kidoen kamno.” ¹² Pegdating idekey ni Pilato nengabel pa onto sikandin te peokit te boloyan si Jesus. Meneng nemegais se menge Judio, “Aw boloyan no sikandin, kena sikona sigalak te Emperador. So pengkey sine megpeke langkaw kedatan te podonan te emperador.” ¹³ Pegdineg idekey i Pilato. Enibing din se Jesus te lowa aw minonsad sikandin te onsadanan kidoen sikandin maghukom, doton te tinawal, “Te tindeganan bato, aw te Hebreo eg-ikagihen tinawal gabata.” ¹⁴ Menge alas dosi onto idekey te udto aw dispiras te pista te peglaklak te anghel. Mininikagi si Pilato te menge Judiyo, “Seini den se kenyo pengolo.” ¹⁵ Nemegais dan ayas, “Imetayi sikandin! Imetayi sikandin! Lensangi sikandin te krus se kenyo pengolo?” Timaba se menge kedekelan te menge pari, “Wedad den kenami lain pa pengolo awkena se Emperador olo.” ¹⁶ Nayam imbegay i Pilato si jesus kandan amon ilansang te krus. Nayan inibing si Jesus te menge sundalo. ¹⁷ Aw limowa dan te siyudad impetiang dan ki Jesus se kandin kros pesalo te logar tinawal “Logar te bagol-bagol.” aw te Hebreo inikagihan tinawal Golgotan.” ¹⁸ Doton sikandin ilansang dan te kros. Doen dowa heman ka otaw insalang dan dengan kandin, se sebad kidoen te kandin bibang aw sesebad kidoen te kandin kowanan. ¹⁹ Migpesolat si Pilato te sebad ka karatola aw impesawol din ini te kros i Jesus. Seini se insolat. Si Jesus Taga-Nazaret, se pengolo te menge Judio.” ²⁰ Insolat ini te menge inikagiyan te Hebreo, latin aw Griego aw medita menge Judio se nekebasa nini, so se logar kidoen lansangi si jesus medapag olo te siyudad. ²¹ Minikagi se menge kedejelan te menge pari te menge Judio ki Pilato, “Peden kena se pengolo te menge Judio se kamno impesolat, awkena, seini otaw minikagi te sikandin ekon tan se pengolo te menge Judio.” ²² Timaba si Pilato, “Aw eden se kenak impesolat eked den niyo todai!” ²³ Te siyan nelansang den te menge sondalo si Jesus te kros, inabat dan se kandin saol aw tinenga te epat, matag sunadalo doen sebad sa bahin inabat dan heman se kandin pang-ilalom saol hinabol aw wedad tinebel. ²⁴ Migbalaw-balaway se menge sundalo te tegsebad sebad kandan, eked tadon den ini bahin-bahin, awkena bonoten tedon kon sine se mekeabat nini.” seini nehitabo amon metoman se inikagi te kesolatan. “Tenga-tenga dan se kenak penakton aw pigbonotan dan se kenak saol aw yan onto ini se ininang te menge sundalo. ²⁵ Doton dapag te krus i Jesus timindeg se kandin inay, se kedowa te kandin inay, si Maria esawa i Cleopas, aw si Maria Taga-Magdala. ²⁶ Pegkita i Jesus te kandin inay aw te kandin kedekelan te pedowan tinoledaan timindeg doton, minikagi sikandin te kandin inay, “Seini se kamno bata.” ²⁷ Minikagi heman sikandin te kandin tinutedaan, “Seini se kamno inay.” aw lekat nidekey, se inay i Jesus doton den menogpa te balay te tinoledaan. ²⁸ Netaga-taga si Jesus te nepenga den se kelahat, aw amon metoman se kesolatan menikagi sikandin, “Nelao a.” ²⁹ Doen sebad doton ka solanan nepeno te malaksing bino. Nayan inagem te menge sundalo se espangha te bino aw intangen dan ayas ini te toktok te sebad ka kisopo tanem aw impedapag te baba i jesus. ³⁰ Nayan sinopsop din ini, minikagi sikandin, “Nepenga den!” Penga niyan timikelong sikandin aw nebogto se kandin pedowan. ³¹ Dispiras idekey te pista. Aw kena ibeg te menge Judiyo se menge nematay lawa te menge otaw inlansang te kros megpetanan doton te kros so se sonod aldaw, aldaw te ipeg-etod. Aw importante onto ini aldaw diya te menge Judio, so natunong te pista yan gihangyo dan ki Pilato kon mepakay penepoen se menge benis te menge otaw inlansang te kros amon ayas dan mematay, aw amon mebat ayas se kandan menge nematay lawa. ³² Yan dimoten se menge sundalo aw pinenepo dan se menge benis te dowa ka otaw inlnasang doma i Jesus. ³³ Meneng peg-dateng dan ki Jesus, kinita dan nematay den sikandin, nayan weda dan sen tepoi se kandin menge benis. ³⁴ Meneng se ininang te sebad te menge sundalo, dinogseng din se kilid i Jesus te bangkaw aw kidoen dimelog se diponog aw wayeg. ³⁵ Benal ini menge nehitabo tanda te jinita ko onto. Nayan netaga-taga a te seini kenak insolat benal, aw insolat ko ini amon memenal kaw heman. ^{36 37} seini nehitabo amon metoman se insolat te kesolatan minikagi, “Tengtengan dan se otaw dinogseng dan.” ³⁸ Penga niyan, dimoten si Jose Tege-Arimatiya ki Pilato aw simabi kon mepakay togotan sikandin ebaten se namatay lawa i Jesus, meneng te migseles-eles olo so nelemitan sikandin i Jesus, te menge kedekelan te menge Judio. Gitugotan sikandin i Pilato, nayan inabat din se nimatay lawa i Jesus. ³⁹ Timaking heman kandin si Nicodemo. Seini se Nicodemo yan idekey dimoten ki jesus sebad te delem siyan doen inibing din pahomot sinanged te mira aw alos menge 35 kilo. ⁴⁰ nabat dan se nematay lawa i Jesus aw ginakes dan ini te penakton mepoti igsawolan te metanadeg. So yan inise ketanen te menge Judiyo aw meglebeng te nematay. ⁴¹ Doton te piglensangan ki Jesus, doen sebad ka ogpeanan pigteneman te menge kayo olibo, aw doton doen sebad ka kaling lebengan pigbelabag te mesandig wedad pa palos kelebengi. ⁴² Aw tanda so so dispiras den te pista te menge Judiyo, aw tanda si medapag man olo edekey lebengnan, doton den olo dan lebengi se Jesus.