¹ Pengkey te muna te Timanem aw ni Cristo Jesus nga lomiko aw meghari, aw mohukom te kelahat, neantay man o nematay, awhagon ko kamno. ² Aw iwali no sen kagi te Timanem, pegpekeaseb te pegsugilon nini doten te menge otaw te bisan eden aw sitwasyon. Kombinsiha aw sagdahi sen menge otaw kegseni sen kandan pegpemenal pineokit te pegtelada aw doen megdalem. ³ Yan dumateng se aldaw aw sen menge otaw kenda den pemenalan te benal aw menge pagtulun-an, aw kena sen kandan ibug seini ulo gayed sen kandan tekengan. Mamaha dan menge egtolada aw magtoltol ulo te menge ibug dan dinogen. ⁴ Kena dan memehalan te kebenalan, aw kena te menge pagtulun-an tinomotomo ulo. ⁵ Meneng kamno Timoteo bentayi sen kamno pegkeotawan kanunay, aw dumateng sen kelima, egwantani ulo, tmani sen kamno katungdanan isip magwawali te mepiya inikagi, aw inangi sen kelahat aw egpeinang te Timanem kamno. ⁶ Tepad kanaken, dumateng sen aldaw aw sen kenak kinabuhi ibugay na tenged key agpet den kenak temanan nini te lanto te tana. ⁷ Ininang taman te kenak meinang sen pagpakilumba aw nepenga ka den ini. Giampingan ko sen kenak egpemenal. ⁸ Aw yan, doen gitagana sen Timanem kenakan nga ganti te pegkematarong aw kandin ibegay kenaken te aldaw aw sikandin maghukom te kelahat, aw sen kandin paghukum mepiya kena ulo sen gitaganan niyan aw ganti aw kena sen kelahat heman nga negtegad te kandin pegliko. ⁹ Paningkamoti gayed nga labing meayas mekedini ka dini kenaken, ¹⁰ kay si Dimas doton den te Tesalonica. Pegtenanan din kenak kay nawili sikandin te menge butang dini te lanto te tanna. Si cresente weda den dini seini kay dimoten te Galacia, aw si Tito heman dometon te Dalmacia. ¹¹ Si Lucas de ulo se kenak doma dini, meneng dimini ka ibingi si Marcos epad kaw dakel gayed sen kandin ikatabang te kenak ininang. ¹² Tepad ki Tiquico, egpedoton ko sikandin te Efeso. ¹³ Aw domini kaden dini, ibinglaheinan sen kenak bisti tepad te megenaw aw kenak egtenanan ki Carpus deton te Troas. Ibingi haman sen kenak menge libro. Labi den gayed sen kenak menge papilis. ¹⁴ Labihan kemedaut sen menge ininang kenaken ni Alexander nga platero. Sen Timanem den ulo sen migbalas te kandin menge ininang. ¹⁵ Peg-aha kaw din tepad kay supak sikandin te kenak intolada. ¹⁶ Te muna kang pag-atubang te hukmanan amon pagpanalipid te kenak pegkeotawen wedad gayoy egtabang kenaken. Gipasagdaan kenak kandan kelahat. Hinaut nga pasayloon dan te Timanem. ¹⁷ Meneng bisan pa aw nayan kadto sen nahitabo weda gayed kenak mebeyai te Timanem. Imbogayan den hinuon kandin kenak aw kesog amon isugilon ko sen kelahat mahitungod te mepiya inikagi doton te kelanat aw kedaotan, aw kena kenak megmeno hangtod te aldaw aw ibengen din kenak te kandin gingharian te langit dalaygon sikandin te wedad temenan. Amin! ¹⁸ Aw netegahan ko aw luwason pa gayod kenak te Timanem lekat te kelahat nga medaet, aw kena kenak memeno hangtod te aldaw aw ibingon den kenak te kandin gingharian te langit. Dalaygon sikandin te wedad temenan. Amin! ¹⁹ Ipangumusta na ulo kenak ka Priscila aw ki Aquila, aw te pamilya i Onesifoso. ²⁰ SI Erastos netenanan te Corinto, aw si Trofimo netenanan ko doton te mileto kay inulog man sikandin. ²¹ Tinguha gayed aw dumateng ka dini te kena pa sen megenaw . Neg-insa kamno si Eubulos, pudente, Linu, Claudia, aw sen kelahat taden menge kedowa dini. ²² Hinaut aw tekingan ka kanunay te Timanem aw hinaut aw panalanginan din kenyo.