¹ Siak si Pablo, duma i SIlas aw i Temoteo nengumusta kenyo menge egpemenal kidoen te Tesalonica, negsebad kaw den te kenitadon Timanem Amay aw ki Ginoong Jesus Cristo. ² Medawat niyo peden se grasya aw kelinaw lekat te Timanem nga Amay aw ki Ginoong Jesu-Cristo. ³ Menge keduwa ko ki Cristo, negpesalamat kay gayed te Timanem tepad kenyo aww angay megpesalamat kay gayed kandin, kay negdugang se kenyo pegpemenal ki Vristo aw se kenyo peghigugmaay meteg sebad. ⁴ So nayan egpelangkaw kaw den te menge egpemenal te duma menge ogpaanan. Pig-indan day kandan inantos niyo pengkey eden se kelimahan negpedeleg kaw gihapon te kenyo pegpemenal. ⁵ Negepematuod ini nga metolid se peg-ukom te Timanem, kay se kenyo menge peg-antos aw te kandin gingharian gemiten din te pegpemetuod sikeyo angayan onto mawop te kandin gingharian. ⁶ Kay aw eden se metolid yan inangen te Timanem, peantusen din se menge negpeantos kenyo. ⁷ Aw neg-antos kaw peetoden din doma day. Magamakan ini kwano te pegliko i Ginoong Jesus lekat te langit duma te kandin gamhanan menge Anghil. ⁸ Te kandin pelibot doen apoy migebel-ebel, aw silotan den se menge otaw weda kilala te Timanem aw wedad tuman te mepiya indan tepad te kenitadon Timanem. ⁹ Silotan dan te wedad tamanan kalaglagan, aw kebensihan dan te Ginoo aw eked den dan kitai se kandan ketingalahan tolos, ¹⁰ Siini magamakan kwani te aldaw dumateng se Timanem aw deyegen si Jesus te kandin menge otaw nga yan se kelahat nemenal kandin. Sikeyo peman mepekey dumaen dan, so nemenal dan man te kagi te Timanem nga kanami egtulada kenyo. ¹¹ Yan ini se hinungdan neg-ampo kay gayed alang kenyo, eg-ampo day te Timanem tabangan kaw din meinang takos te kandin menge tinawal aw eg-ampo day heman se pemeokit te kandan tolos mepakay se kelahat ibeg niyo inangen tepad, te kenyo pegpemenal kandin. ¹² Pineokit nini meluba se kenitadon Ginoong Jesus tepad kenyo. Sikeyo meluba peman tepad kandin. Siini magamakan te keido te kenitadon Timanem aw i Ginoong Jesu-Cristo.