¹ - ² Doen kono kenyo imikagi nga kenak, si Pablo, telawaen aw doen kenyo, meneng kon wedad gani, aw insulat olo, mebelot. Meneng nanghangyo ko kenyo doma te kalumo nga unawa ki Cristo, nga kena niyo pugson te ipekita te kenak kebelot aw domateng a kenak kidoen kay doen menge otaw kidoen nga minikagi nga sen kenami pagkinabuhi unawa ka kono te menge otaw dini te lanto te tana. Aw yan gihapon kana sen kandan inikagi te kanak pegdateng kidoen, pinikita ko gayed sen kenak kebolot kandan. ³ Pengkey siak tuod tawhanon kanami, meneng te kenami pakiggira te menge ugato te kebenalan, weda kay pegsalig te kenami egsiligan te kenami pegkeotawon olo kusog. ⁴ - 5 Aw kena te gahom te TImanem olo yan sen kenami kakamang nayan ini sen kenami iggamit te pegpildi te sayop olo menge katarungan te menge otaw nga egpelangkaw aw kena egpemenal te menge intulada te Timanem. ⁵ Kenami egbaot pengkey sen sayop dan sen menge katarungan olo unawa te kagsen olo paril olo nagabagbag kandan te pegdawat te kebenalan. Gikabig dai sen kandan menge aneng-aneng te pegtoman te menge sugo i Cristo. ⁶ Seini, aw kinitaan dai olo egtulo gayed kenyo se hingpit, sen weda egtulo silotan kaw. ⁷ Aneng-anengi niyo onto aw doen egtulo olo sikandin i Cristo, onawa din aneng-anengen olo kenyo kandin heman i Cristo. ⁸ Pengkey morag sobra sen kenak pagpasigarbo tepad te gahom olo imbegay kenaken te Timanem, weda a keyaya, kay seini olo gahom weda ko gamiti amon te pegdaet te kenyo egpemenal, aw kena te pagpalig-on nini. ⁹ Kena ko ibeg olo uganeng-aneng kenyo olo gihulga ko kenyo te kenak insulat kenyo. ¹⁰ Aw sen doma kidoen kenyo inikagi olo mebolot laing kenak aw te insulat, meneng aw nagaatubang na ganidan ded kesog kanak aw wedad bili sen kenak menge mikagi. ¹¹ Unawa netegahan sen menge minikagi niyan olo aw eden kenami inikagi te insulat, seini heman siyan sen kenami iningen aw doen a kenami kidoen. ¹² Kena kenami mangahas olo unawaen o ipakisama sen kenami pegkeotawen te doma kidoen olo labihan sen pegdayeg te kandan pegkeotawen. Menge wedad dan bet, aw nanag-indigay dan aw nangtandiay te kandan pegkeotawen olo kepiya. ¹³ Meneng kenami kena magpalabi te pagpasigarbo, aw kena taman olo te mig-inangen kidoen kenyo. ¹⁴ Aw wedad kay komidoen kidoen kenyo, meinang dan ingon aw sobra na sen kenami pagpasigarbo. Meneng sen tinood, kanami sen mona aw kimindoen kidoen aw nengibing te mepiya aw in-ikagi tepad ki Cristo. ¹⁵ Nayan kena sobra se kenami pagsigarbo, kay weda kenami mangangkon aw magpasigarbo te hinagoan te doma. Masaligon kay olo samtang indogang sen kenyo egpemenal mas medita pa onto sen kanami menang kidoen kenyo sumala te egpeiang te Timanem kenami. ¹⁶ Penga kidoen te kenyo, meibing heman ini kenami sen mepiya inikagi doten te doma aw menge lugar mena te kenyo. Aw kena day ibog aw angkenen sen hinagoan te doma a kwani ipasigarbo. ¹⁷ Unawa ba te inikagi te insulat," aw doen magpasigarbo, sikandin te ininang te Timanem." ¹⁸ Pengkey sen Timanem weda keluba te otaw aw nagadayeg te kandin pegkeotawon, aw kena te otaw aw kandin pegdayeg.