¹ Siak si Pablo nga neinang Apostol i Cristo tepad te pegboot te Timanem. Siak aw se kedowa tadon nga si Timoteo, nengomosta kenyo nga menge egpemenal kidoen ki Cristo, aw te kelahat menge otaw te Timanem kedoen te tibook probinsya te Acaya. ² Hinaot nge medawat niyo se grasya aw kelinaw lekat te Timanem nga Amay tadon aw ki Ginoong Jesu Cristo. ³ Indeyen onto se Timanem aw Amay i Jesu-Cristo nga Timanem tadon. Meleido sikandin nga Amay aw Timanem sikandin nga gaye megdasig kenitadon. ⁴ Pigdaseg kedon din te kelahat menge kilusod tadon, amon nga pineokit te pegdasig din kenitadon mekedasig tadon heman se doma nga kidoen te kelisod. ⁵ Kay bisan pa aw medita se kenitadon neekitan nga menge pulumen i Cristo, medita heman nga menge pegdasig se medawat tadon pineokit kandin. ⁶ Kon negelemun kay man, sine alang te pegdasig kenyo aw te kenyo kelowaan aw kon igdasig kay sini alang heman te pegbegay te kedasig kenyo amon melemunan niyo se menge kelimahan nga iling te kenami iglemun. ⁷ Nayan dakel se kenami peglaom kidoen kenyo tepad kay netegahan day nga te kenyo peg-ambit te kenami menge nelemunan mekeambit kaw heman te pegdasig te Timanem kenami. ⁸ Mge kedowa ko kidoen i Cristo, ibeg day nga metagahan niyo nga melima onto se kenami negemakan doton te probinsya te Asya kay iling te eked kay peke antos nedekey penahoni aw iling te ikematay day den. ⁹ Igpekeikagi day nga sida din se kenami temanan meneng nehitabo edekey kedi amon meketaga - taga kay nga eked pegsalig te kenami kiotawen. Kon kena te Timanem nga yan se eg-antay te menge nematay. ¹⁰ Igpelowa kay din ketelagman te kemetayen, aw pelowaen kay din pa sikandin olo gayed se kenami egseligan nga megpedeleg te pegpelowa kenami. ¹¹ Telobo iglebangan kay niyo pineokit te kenyo menge peg-ampo te kedita otaw aw tepad te menge penelangin nga nedawat day lekat te Timanem kagi nga taba din te peg-ampo te medita otaw, medita heman se megpeselamat kandin. ¹² Sine ini se kenami ikepesidengeg nagkinabuhi kay nga me ta lid aw wedad gayed ike lindo te kenami pegtagad doton te menge otaw. Aw laneig den gayed kenyo. Neinang day ini tepad te tabang te Timanem aw kena te kenami keotawen nga ketaga. Gipamatud-an te kenami konsensya nga benal onto ini kenami ipesidengeg. ¹³ - ¹⁴ Weda day pegsulat te eked niyo kebasa aw melebetan. Bisan kon eked kay niyo onto kelebeti seini, meglaom a nga domateng olo se takna nga melebetan kay niyo gayed. Amon nga te pegdateng te kenitadon Ginoong Hesus ikepesidengeg kay niyo aw sikeyno ikepesidengeg day heman. ¹⁵ Tepad kani nga pegsalig ko megplano a gebii nga lomaoy una kenyo amon gna te ikedowa nga hegayon metabang kaw. ¹⁶ Negplano a nga mapit una kedoen kenyo kon domotan a den te Macedonia, aw te kanak pegliko lekat te Macedonia mapit a heman kedoen amon metebangan a niyo heman te pegdoton te Judea. ¹⁷ Sini peden ida se kanak plano. Meneng tepad kay weda kay pekedeseg, migpelabet ba ini nga eked keseligi se kanak inikagi? Basin mekeikagi kaw nga iling a heman te doma nga menge otaw dini te kelibotan nga megplano aw neg-aeng alang olo gayed te kandan keotawen nge kepiyaan. Eg ikagi dan se meneng sida migpelabet kedi nga "kena". ¹⁸ Meneng se banal iyan ini kagi nga se Teimanem keseligan, mesiligan niyo heman se kananii inikagi kenyo. ¹⁹ Kenami si Silas aw si Timoteo megwali kenyo tepad te bata te Timanem nga si Jesu Cristo, aw netegahan niyo nga si Cristo meseligan te kandin inikagi. Eked keinang nga eked din inangi se kandin pigsaad. ²⁰ Pinoikit kandin se kelahat igsaaad te Timanem netoman. Nayan mekeikagi kaw nga keseligan onto se Timanem, aw pineokit kani medeyen sikandin. ²¹ Se Timanem yan se negpeleg-on kenitadon te kenita pegtaking ki Cristo. Pinemal'li kedon din nga meg-elagad kandin. ²² Igpetikan kidon din kagi nga kandin te pineokit te pegpeogpa din te Espirito Santo kedoen te kenitadon posong, nga yan heman se kelig-onan nga medawat tadon se kandin menge saad. ²³ Netegahan te Timanem nga neg-ikagi a te kebenalan. Se lekatan kon nenga weda a pekedeleg te pegkedoen kenyo te Corinto yan nga eked a ibeg nga meleinan se kenyo pedowan kanak. ²⁴ Weda kay pegmando kenyo tepad te kenyo pegtoo, kay lig-on kaw man. Ibeg day peden tebangan kaw amon melubahan kaw.