¹ Mi kinkhala ethutu tjo mapuro owatalya, ethutu tjo khala wakhiviru mooloko''. Nlopwana nawuuluma: ² Toko tjiriaaya thutu wariyari miiwa, we phirya, amwaaraka, wariyari wa assaana athiyana akina''. Athiyana yuuluma veekha: ³ ''Toko nri wo damasco ori wariyari etakhua, toko wan'nyaka wariyari wa alopwana amwaavano. Mi kinawonkoma wa nthutjini nuukitjivela ventji, n'hokoroho wootjiva ventji wa nlimini waka. ⁴ Yena hokiwana wa nipuroni wo sukuhuulu ni nipuro wataleliya aka ekuwo nifento''. Athiyana yuulumaka na awan'nyaya: ⁵ ''Okilihe ni mikathe tjo uva, okikhavihere okivahaka edamasco, kontha nifento naka nulupale''. Athiyana ale anuluma veekha: ⁶ ''Ntata naa no moono weethiyana nikhale vaathi wa muru aka ni ntata naa no moono weelopwana okikapatte''. Athiyana ale yuulumana athiyana akhuaaya: ⁷ ''Kimpheela wiira okikhuluvelihe, assaana aa Jerusalem, wa egazela ni asinama ontakhuani, wo wiira tjiinikhikitjere niipankaka nifento''. Athiyana yuuluma veekha: ⁸ ''Kinawin'wa ntju na awan'nyaka! Oh, naawa, atuphatuphaka watjulu mwaako, attathelaka wa tjulu waya mwala. ⁹ Awan'nyaka ari toko egazela walani asinama ooyevatja; woone, yena ri ottuli wo sirihu, awehaka wa tjanelani, awehawehaka n'gradini. ¹⁰ Awan'nyaka ahokulumana, yiiraka: '' Nkavuwa, mwaaraka, nkaawa. ¹¹ Kontha eyiita ehovira; epula ehomala ni ehorwa; ¹² Ethutu tjin'nokhuma ntuniyani; ohophiya okathi wo wun'hiya ni wiipa wasanuni ni wipa wo khuntta ori win'waniaaka ntuniyani; ¹³ miri tji n'no ttokottiha mihokorokhotjaya, ni miri tjikhumaka ethutu, elakatjehaka manukhelo aya. Nkavuwa, mwaaraka, ni owe. ¹⁴ Ekhuntta eneeta m'mwaakoni, mapuro owimpithia tja wo m'mwakoni tjoottalivatja, okihiye koone ekhove aa. Okihiye kin'we ntju naa, kontha nthu naa noreera ni ekhove aa yoreera''. Athiyana anuuluma veekha: ¹⁵ Akiphuanye akhuatte, akhuatte oyevatja ankwanyula etjoolya, kintha etjolya tjihun'yo tjihokhuma ethutu. ¹⁶ Awan'nyaka awaka, mi kaawawe; yena n'nolihera epwittipwithi tjawe mapuro oreerela''. Athiyana yaale yuulumaka ni awan'nyaya: ¹⁷ N'hokolyee, awan'nyaka, wahinaaya ephio tjoowitjisu tjivutjenlaka ni mithutji tjilakatjiaaka. Ohokolye wowaakuvia; okhale toko egazela wala mwan'na mwankaani m'mamwaakoni tjoovuluwelatja.