Ekapiitulo 127
1
Yeehireerihe Apwiya enupa, yaale anteka anvara nteko womahala. Apwiya yeehissunke epooma, namakhalenla n'hala wookoma mahala.
2
N'nohala ovuwa mapinkoossa noohokoleela owaani otjootjilo mahala, nvaraka nteko mwintji woopheela ophwanha yookhuura; waassun'ninhu oofentiya, Apwiya anaataphulela arupaka.
3
Assaana yoohalana yaApwiya, ni n'hokorokho won'mirimani etthuvelwaaya.
4
Phanka mattheere nmatatani mwanakhotto, tjitjon'mo phiryaaya assaana aamwaavano.
5
Ooreerihiya ntthu rina anamwane entji. Yena khan'hala woonihatjiya ehaaya aakhumenla awananyaawe wankhora.