Ekapiitulo 124
1
Onari wiira Apwiya khayaari nphantteehu.
2
Onari wiira Apwiya khayaari nphantteehu owakathi attthu waanikhumenlalyaaya,
3
yaanaanimiryatja akumi, waarussatjiyaaya nihiivano.
4
Maatji yaanaanirweeha ottayi; yaanaanirimeeliha.
5
Vano, maatji mentji yaanaanitjamiha.
6
Oottottopeliya akhale Apwiya, ahinivahenrale n'matatani mwaatakhali.
7
Nitthawale phanka enuni n'matatani mwaatothi; nryankhwaayooyo waahotankuwa, nihi naahotthawa.
8
Nkhaviherweehu ori waApwiya, yunpale erimu niitthaya.